Génesis 42:28 - Chayahuita (Shahui)

²⁸ Paꞌyanaton, iinpita itapon: —Niꞌcochi. ¡Trico marëꞌ pahuërëtërahuësoꞌ, ayantaantarinaco! ¡Costaronëhuëquë chachin quënanahuë! itërin. Iinpitaso natanahuatonaꞌ, paꞌpi paꞌyanpi. Paꞌyanahuatonaꞌ, inahua capini ninontapi: ¡Yosë anaꞌintarinpoa niꞌton, co pahuërëtaponahuëꞌ trico quësarin! Nitopi.

Génesis 42:28 ပူးပေါင်းရင်းမြစ်များ

Génesis 27:33

Huiꞌnin natanahuaton, Isaco paꞌpi paꞌyantërin. Paꞌyanaton ropa ropátarin quëran itapon: —¿Inta nipachin apípora inantërinso poꞌmorahuaton, quëshirinco? Co quëma canquiyátërasënquënhuë quëshirinco niꞌton, nani yaꞌipi caꞌnahuë: “Isao mini,” taꞌto, nani noya yaꞌhuëcaso marëꞌ shaꞌhuitërahuë. Ipora inasoꞌ, noya noya yaꞌhuapon huachi, itërin.

Génesis 42:29

Yaꞌhuëpiquë cancontahuachinara, yaꞌipi napopiso paꞌpina shaꞌhuitopi:

Génesis 42:36

Naporoꞌ Cacopori itapon: —Canpitaso huiꞌnahuëpita tiquitaramaco. Cosi ayarin. Simionta capa. ¡Iporaso Mincanta yaquëpataantaramaco! ¡Yaꞌipi inapita casaꞌ, ahuantaꞌhuaso yaꞌhuërin! itërin

Génesis 43:23

Napopirinahuë Cosi piyapinënisoꞌ: —Sano cancantocoꞌ. Ama paꞌyancosohuëꞌ. Naporoꞌ pahuërëtëramasoꞌ, nani manahuë. Yosë chinotëramaso nimara costaronëmaquë acotërinquëmaꞌ. Inachachin tataparimanta chinotërin, itërin. Napotahuaton, Simion tashinan pëi quëran ocoirahuaton quëshirin.

1 Reyes 10:5

Misanënquë naꞌa noya cosharo capacaiso marëꞌ acopisoꞌ, huaꞌanoꞌsa yaꞌhuëcaiso marëꞌ noyápiachin patoanaroꞌsa acotërinsoꞌ, piyapinënpita, oꞌshinaꞌpi huaꞌanoꞌsanënpita, onpo sacatopisoꞌ, onpo aꞌmoanpisoꞌ, corto huaꞌanoꞌsanta Sinioro marëꞌ noya maꞌsharoꞌsa tëparahuatona yaꞌipi ahuiquitopisoꞌ, yaꞌipi inapita niꞌnin. Yaꞌipi inapita niꞌsahuaton, paꞌpi paꞌyantërin.

Isaías 45:7

Ca nohuanton tahuëri yaꞌhuërin. Ca nohuanton chachin tashinta yaꞌhuërin. Ca nohuanton noya yaꞌhuëpi. Ca nohuanton chachin maꞌsha onpopi. Ca Sinioroco, yaꞌipi inapita acorahuë.

Amós 3:6

Ninanoquë pomon irinpachina, piyapiꞌsa paꞌyanpi. Ninanoquë maꞌsha onpohuachinara, ca camaitërahuë niꞌton, napoarin.

Lucas 21:26

Inápaquë yaꞌhuërinsopitantaꞌ nacon nacontapon. Piyapiꞌsaꞌ nisha nisha yonquiatonaꞌ, tëꞌhuataponaꞌ. ‘¿Maꞌcha onporoꞌpoya?’ taꞌtonaꞌ, paꞌyani yatëpapon.