Génesis 42:25 - Chayahuita (Shahui)

²⁵ Ina quëran camaitaantarin: “Costaronënaquë trico poꞌmotocoꞌ. Coriqui pahuërëtopisontaꞌ, inaquë chachin poꞌmoantacoꞌ. Naporahuaton, cosharo caracaiso marënta quëtocoꞌ,” itërin. Camairinso chachin piyapinënpita nipi.

Génesis 42:25 ပူးပေါင်းရင်းမြစ်များ

Génesis 42:26

Inapotohuachinara, moranënaquë triconëna aꞌmitahuatonaꞌ, yaꞌhuëpiꞌpaꞌ panantapi huachi.

Génesis 43:12

Coriquintaꞌ, catoroꞌ paꞌanacaso nanirinsoꞌ, quëpacoꞌ. Iꞌhua ayantërinquëmasoꞌ, inaora chachin quëtaantacoꞌ. Tapona tëhuëatonaꞌ, ayantërinënquëmaꞌ.

Génesis 45:21

Napotohuachina, Cacopo huiꞌninpitasoꞌ ina inachachin nipi. Huaraon camaitërinso chachin, Cosiri toronanoꞌsa quëtërin. Naporahuaton cosharo iraquë caracaisontaꞌ, quëtërin.

Isaías 55:1

Sinioro tënin: “Yamororëso pochin cancantohuatamaꞌ, huëco anoyacancanchinquëmaꞌ. Co coriqui yaꞌhuëtopirinquëmahuëꞌ, catahuararanquëmaꞌ. Nontohuatamaco cosharo achinitërinso pochachin achincancanaranquëmaꞌ. Huino, ohuaca shoꞌshoiꞌ, inapita achinitërinso pochin asanocancanaranquëmaꞌ.

Mateo 5:44

Nipirinhuëꞌ carimaꞌ shaꞌhuichinquëmaꞌ. Inimiconëmapitantaꞌ iyaroꞌsaꞌ, nosorocoꞌ. Aparisitopirinënquëmaontaꞌ, nosorocasoꞌ yaꞌhuërin. Inapita marëntaꞌ noya Yosë nontocoꞌ inahuantaꞌ catahuain.

Mateo 6:33

Napoaton Yosë naꞌcon naꞌcon yonquicoꞌ. Aꞌnapitantaꞌ catahuacoꞌ huaꞌanëntërinquë yaꞌconacaiso marëꞌ. Yosë nontocoꞌ noyasáchin yonquicamaso marëꞌ. Ina pochin cancantohuatamaꞌ, catahuarinquëmaꞌ. Ina nohuanton, maꞌsha pahuantërinquëmasopita yaꞌhuëtarinquëmaꞌ.

1 Pedro 3:9

Piyapiꞌsaꞌ maꞌsha onpotohuachinënquëmaꞌ, ama iꞌhuërëtacamasoꞌ yonquicosohuëꞌ. Pinopachinënquëmaꞌ, ama canpitarisoꞌ pinocosohuëꞌ. Noya nontocoꞌ. Naporahuaton, Yosë nontocoꞌ inapitantaꞌ catahuain. Imapatëhuaꞌ, ina shaꞌhuitërinpoaꞌ aꞌnapitantaꞌ nosorocasoꞌ. Napohuatëhuaꞌ, Yosë noya catahuarinpoaꞌ.