Génesis 42:24 - Chayahuita (Shahui)

²⁴ Iinpita ninapotapiso natanahuaton, Cosiso amashamiachin paꞌsahuaton, naꞌnërin. Naꞌnëiꞌ cacotohuachina, huëantarin. Huëꞌsahuaton iinpita niꞌtonënquë piyapinënpita camairin Simion macatona tonpocaisoꞌ.

Génesis 42:24 ပူးပေါင်းရင်းမြစ်များ

Génesis 34:25

Niacotopi quëran cara tahuëritapasoꞌ, Cacopo huiꞌninpita Siquimo ninanoquë paꞌpi. Simion, Nihui, inapita itopisoꞌ paꞌpi. Inapitasoꞌ, Tina yoꞌinamiáchin nipi. Yaꞌhuëhuanoꞌsa marca niacotopisoꞌ, paꞌpi iquitopi. Inapoasoi chachin paꞌsahuatonaꞌ, sahuëninënaquë yaꞌipi quëmapiꞌsa tëpaconpi. Co noyachátërasoihuëꞌ ahuëtopi niꞌton, co chinitopihuëꞌ.

Génesis 42:23

Inapitasoꞌ, Cosiri yaꞌipi nataninsoꞌ co nitotopihuëꞌ. Iquipito nanan quëráchin nontërin niꞌton, napopi. Nontohuachina, aꞌnari inahua nonpiquë ohuërërin niꞌton, co nitotopihuëꞌ.

Génesis 43:14

Yosë yaꞌipi nanitaparinsoꞌ nontarahuë catahuainquëmaꞌ. Ina nohuanton huaꞌan nosoroꞌinquëmaꞌ. Simionta nosoroaton ocoiꞌin. Naporahuaton, Mincanta aꞌpaintaꞌin. ¡Canta co huiꞌnahuan mashoco pochin quëparitaꞌhuaso Yosë nohuantohuachin, inapoꞌi nipachin! itërin.

Génesis 43:23

Napopirinahuë Cosi piyapinënisoꞌ: —Sano cancantocoꞌ. Ama paꞌyancosohuëꞌ. Naporoꞌ pahuërëtëramasoꞌ, nani manahuë. Yosë chinotëramaso nimara costaronëmaquë acotërinquëmaꞌ. Inachachin tataparimanta chinotërin, itërin. Napotahuaton, Simion tashinan pëi quëran ocoirahuaton quëshirin.

Génesis 45:1

Yaꞌipi piyapinënpita niꞌtonënquë Cotari nontërinso tonitohuachina, Cosiso co huachi ahuantërinhuëꞌ. Co huachi ahuantatonhuëꞌ, Iquipito nananquë chiníquën nonin: “¡Yaꞌipinquëma pipicoꞌ!” itërin. Napotohuachina, yaꞌipi piyapinënpita pipipi. Iinpitarëáchin nicasoꞌ, nohuitacaiso marëꞌ shaꞌhuirin.

Génesis 45:2

Shaꞌhuiton Cosisoꞌ, naꞌnëmiatarin huachi. Chiníquën naꞌnërin niꞌton, yaꞌipi iquipitoroꞌsa nitotopi. Huaraon pëinënquë huarëꞌ aꞌnaquënso paꞌsahuatonaꞌ, shaꞌhuitonpi.

Lucas 19:41

Ina quëran Quirosarin notënanquë canconpi. Canconpachina, piyapiꞌsaꞌ yonquiaton, Quisoso sëtërin. Sëtaton, naꞌnërin.

Romanos 12:15

Aꞌnapita naꞌcon yonquicoꞌ. Canpitaora ninatanamaso pochin cancantocoꞌ. Noya cancantohuachinaꞌ, ina marëꞌ canpitantaꞌ noya cancantocoꞌ. Sëtohuachinaꞌ, sëtocoꞌ.

1 Corintios 12:26

Maquënpoa tërantaꞌ iquin nipachina, yaꞌipi ninatanëꞌ. Inapochachin maquënpoa tërantaꞌ paꞌyatohuachinënpoaꞌ, yaꞌipi nonënpoaꞌ capa cancantërin.

Hebreos 4:15

Inasoꞌ yaꞌipinpoaꞌ noyá nohuitërinpoaꞌ. Sopai yaminsërinpoasontaꞌ nitotërin. Co chiníquën cancantërëhuahuëꞌ niꞌton, sopai shaꞌhuitarinpoaꞌ ama Yosë natëcaso marëhuëꞌ. Quisosontaꞌ isoroꞌpaquë nipon, sopairi naꞌcon yanonpintaton, nisha nisha shaꞌhuitopirinhuëꞌ minsëcaso marëꞌ, co inasoꞌ sopai natërinhuëꞌ.