23 Inapitasoꞌ, Cosiri yaꞌipi nataninsoꞌ co nitotopihuëꞌ. Iquipito nanan quëráchin nontërin niꞌton, napopi. Nontohuachina, aꞌnari inahua nonpiquë ohuërërin niꞌton, co nitotopihuëꞌ.
Napoaton acopitacaso marëꞌ, paꞌmatëhua nonpiso anishatahuaꞌ. Ama huachi ninatanacaiso marëhuëꞌ, napotahuaꞌ,” tënin.
Napohuachinara, Nopinori itapon: —Coꞌta carimaꞌ: ¡Ama napotocosohuëꞌ! itopiranquëmahuëꞌ, co natëramacohuëꞌ. Napoaton iporasoꞌ canpoantaꞌ, tëpatonaꞌpi iꞌhuërëtopiso pochin nitarinënpoaꞌ, itërin.
Iinpita ninapotapiso natanahuaton, Cosiso amashamiachin paꞌsahuaton, naꞌnërin. Naꞌnëiꞌ cacotohuachina, huëantarin. Huëꞌsahuaton iinpita niꞌtonënquë piyapinënpita camairin Simion macatona tonpocaisoꞌ.
Iyaꞌhuantaꞌ, canpitantaꞌ, yaꞌipi naporahuësoꞌ, nani natanamaco.
Quisocristo chachin acorincoi aꞌnapita anitotaꞌhuaiso marëꞌ. Ina yaꞌhuërënamën pochin shaꞌhuitarainquëmaꞌ. “Yosë nontocoꞌ nanan anoyachinquëmaꞌ,” itárainquëmaꞌ.