Génesis 42:21 - Chayahuita (Shahui)

²¹ Napoaponahuëꞌ, inahua capini ninontopi: —Tëhuënchachin canpoasoꞌ iráca paꞌpi co noyahuëꞌ ninëhuaꞌ. Iyaꞌhua maꞌsha onpotohuatëhuara, nosorochináchin nontopirinpoahuëꞌ, co nosororëhuahuëꞌ. Co napion ancantërinso nicarihuarahuëꞌ, co tahuërëtërëhuahuëꞌ. Napoaton iporasoꞌ canpoantaꞌ, poꞌsarëhua huachi, nitopi.

Génesis 42:21 ပူးပေါင်းရင်းမြစ်များ

Génesis 41:9

Naporo huarëꞌ oꞌshitonaꞌpiroꞌsa huaꞌan Cosi yonquirin. Ina yonquiaton huaraon itapon: “Ipora huarëꞌ yonquirahuë maꞌsona iꞌhua chachin nicaꞌhuasoꞌ nininsoꞌ.

Génesis 44:16

Napotohuachina, Cotari itapon: —¡Tëhuënchachin co onpo aꞌpaniaꞌhuainso nanitëraihuëꞌ! ¡Co naporaihuëꞌ, co taꞌcahuaiso yaꞌhuërinhuëꞌ! Oshahuanaisoꞌ, nani Yosë nitotërin. Maꞌtana yaꞌhuarai. Minënën maninsorë chachin asacatocoi, itopi.

Génesis 45:3

Naporo huarëꞌ Cosisoꞌ, inahuara nanamënaquë iinpita nontërin: —¡Ca mini Cosico! ¿Nanpiárin iporahuanta tata? itërin. Napotopirinhuëꞌ, iinpitariso paꞌpi tëꞌhuatatonaꞌ, co nanitopihuëꞌ nonacaisoꞌ.

Génesis 50:15

Cacopo chiminpachina Cosi iinpitasoꞌ, ina tëꞌhuatatona inahua capini ninontopi: “Iráca aparisitërëhuaso marëꞌ tapona Cosi noꞌhuitonpoa yaiꞌhuërëtápirinpoahuëꞌ,” niitopi.

1 Reyes 17:18

Huaꞌhuin chiminpachina, inaso Iniasë itapon: —Quëmasoꞌ Yosë nohuanton pënëntëran. ¡Co carinquënsoꞌ, manta onpotëranquënhuëꞌ! Co Yosë natëtohuëꞌ oshahuanahuë. Napoaton ina ayonquiancoso marëꞌ huaꞌhuahuë tëpatëranco. ¡Inapotatonco anaꞌintëranco tënahuë! itërin.

Jeremías 2:17

Caso Yosënëmaco niꞌto, ira aꞌnotërëso pochin nitápiranquëmahuëꞌ, aꞌporamaco. Napoaton naporamaꞌ.

Jeremías 2:19

Co noyahuëꞌ ninamasoꞌ naꞌintarinquëmaꞌ. Co casáchin cancantëramacohuë niꞌton, parisitamaso yaꞌhuërin. Napoaton: ‘Sinioroso Yosënënpoa niꞌton, noya nicatëhua natëcaso yaꞌhuërin. Napopirinhuëꞌ, co natërëhuahuëꞌ. Naporahuaton aꞌpomantarëhuaꞌ. Noꞌtëquën chachin iporasoꞌ, co huachi noya yaꞌhuërëhuahuëꞌ. Parisitatëhua co napion cancantárëhuaꞌ,’ toco yonquiatomaꞌ. Caso Sinioroco yaꞌipi nanitaparahuë. Carima shaꞌhuitaranquëmaꞌ.

Oseas 5:15

Ina quëran huaꞌquimiachin tananpitarahuë: ‘Oshahuanëhua niꞌton, Sinioro poꞌtërinpoaꞌ,’ taꞌcaihuarëꞌ catahuaantarahuë. Parisitatona co napion cancantohuachinaꞌ, oshanëna inquitaꞌhuaso marëꞌ yoníponaco,” tënin.

Mateo 7:2

Aꞌnapita pinopatamaꞌ, Yosëntaꞌ co noyahuëꞌ niꞌsarinquëmaꞌ. Piyapi chiníquën nonapihuatamaꞌ, Yosëntaꞌ chiníquën anaꞌintarinquëmaꞌ. Piyapi noya yonquirapihuatamaꞌ, Yosëntaꞌ noya niꞌsarinquëmaꞌ.

Marcos 9:48

Inaquë chiníquën parisitápomaꞌ. Co shonaroꞌsa tërantaꞌ chiminaponhuëꞌ. Pën co onporontaꞌ tacopirarinhuëꞌ.

Hechos 19:18

Ina quëran naꞌamiáchin Quisoso imapisopita huëꞌpi. “Quiyantaꞌ pënotopiraihuëꞌ. Co noyahuëꞌ ninaisoꞌ aꞌpoarai,” itopi.

Santiago 2:13

Co piyapiꞌsaꞌ nosorohuatamahuëꞌ, ayaroꞌ tahuëri Yosëntaꞌ co nosoroarinquëmahuëꞌ. Napoaton “Yosë naꞌcon nosororinpoaꞌ,” taꞌtëhuaꞌ, aꞌnapita nosoroaꞌhuaꞌ. Ina quëran ayaroꞌ tahuëri co anaꞌintarinpoahuëꞌ.

1 Juan 1:9

Onporosona co noyahuëꞌ nipatëhuaꞌ, Yosë nontahuaꞌ. “Tëhuënchachin co noyahuëꞌ nicato, oshahuanco,” topatëhuaꞌ, Yosë oshanënpoaꞌ inquitarinpoaꞌ. Co nonpintërinpoahuëꞌ. Quisocristo chiminin niꞌton, nanitërin yaꞌipi oshanënpoaꞌ inquitinpoasoꞌ. Noyápiachin cancan quëtarinpoaꞌ.