Génesis 41:8 - Chayahuita (Shahui)

⁸ Tashiramiachin huaraonsoꞌ huaꞌnarinso yonquiaton, co napion cancantërin. Napoaton piyapinënpita camairin yaꞌipi Iquipito noꞌpaquë ninotonaꞌpiroꞌsa huëcacaiso marëꞌ. Quirica nitotoroꞌsanta amatërin. Inapita huëꞌpachinara, huaꞌnarinsoꞌ shaꞌhuitërin. Shaꞌhuitopirinhuëꞌ, co incari tëranta nanitërinhuëꞌ maꞌsona tapon huaꞌnarinso shaꞌhuitacaisoꞌ.

Génesis 41:8 ပူးပေါင်းရင်းမြစ်များ

Génesis 40:6

Tashíramiachin Cosiriso nicapon huëꞌpachina, sëtápi quënanquirin.

Génesis 40:8

—Catocoi chachin huaꞌnapiraihuëꞌ, co insonta yaꞌhuërinhuëꞌ maꞌsona tapon huaꞌnaraiso anitotiincoisoꞌ, itopi. —¡Yosë mini nanitërin maꞌsona tapon huaꞌnarësopita anitotiinpoasoꞌ! Shaꞌhuitoco huaꞌnaramasoꞌ, itërin.

Génesis 41:15

Canconpachina, huaraoni itapon: —Caso huaꞌnapirahuëꞌ, co insonta nanitërinhuëꞌ maꞌsona tapon huaꞌnarahuëso shaꞌhuitiincosoꞌ. Quëma tëhuënchinsoꞌ nitotëran, topi natantërahuë, itërin.

Génesis 41:24

Inapitarinta noya noyatërinso nipisopita pashica taꞌpapi. Inapotatona pëꞌyaquë huarëꞌ caꞌmiatopi niꞌnahuë. Ninotonaꞌpiroꞌsa shaꞌhuitopirahuëꞌ, co insonta nanitërinhuëꞌ maꞌsona tapon naporinsoꞌ, shaꞌhuitiinacosoꞌ, itërin.

Génesis 41:7

Inapitanta noya noyatërinso nipisopita pashica taꞌpapi. Inapotatona pëꞌyaquë huarëꞌ caꞌmiatopi. Naporo chachin huaraonsoꞌ capayataantarin. Capayatahuaton: “Co ipora topinan ina pochin huaꞌnarahuë,” tënin.

Éxodo 7:11

Copirnoso nipirinhuëꞌ, nitotonoꞌsaꞌ, pënotonoꞌsaꞌ, inapita amatërin. Inapitanta pënotatonaꞌ, inachachin nicacaiso marëꞌ amatërin.

Éxodo 7:22

Napoaponahuëꞌ, Iquipito pënotonoꞌsanta pënotatonaꞌ, ina chachin niantapi. Napoaton copirnosoꞌ, Yosë naporinso chachin, co yanatëtërinhuëꞌ. Co natëtatonhuëꞌ, yaꞌhuërinquë paantarin.

Éxodo 8:7

Napoaponahuëꞌ, Iquipito pënotonoꞌsanta pënotatonaꞌ, iꞌ quëran huarira ocoipi antaꞌ. Inapitanta yaꞌipi ina roꞌtë yanquëëtopi.

Isaías 8:19

Aꞌnaquënsoꞌ, shaꞌhuitëranquëmasopita co natëtatonahuëꞌ: ‘Chimipiroꞌsa apërahuaꞌyantatomaꞌ, natancoꞌ. Pënotonoꞌsanta sacaronquë nonpisopita natahuan. ¡Nisha nisha piyapiꞌsa yosënëna natanacaiso yaꞌhuërin! ¡Chimipiroꞌsa tëranta nanpiarëhuasopita maꞌsona onpocasoꞌ anitotiinpoaso marëꞌ natanacaiso yaꞌhuërin!’ itaponëmaꞌ. Inapitaso napopirinahuëꞌ, co piꞌpian tëranta noya yonquiatona naporapihuëꞌ. Co tahuërianpitërëso pochin nishátërapihuëꞌ.

Daniel 1:20

Aꞌna tahuëri maꞌsona nicacasoꞌ natanpachina, aꞌnapita quirica nitotoroꞌsa quëran noya noya shaꞌhuitopi. Magiaroꞌsaꞌ, ninotonaꞌpiroꞌsaꞌ, co inapitari tëranta inapita huiꞌnapiꞌsa pochin copirno shaꞌhuitopihuëꞌ.

Daniel 4:18

Ina pochin huaꞌnarahuë. Iporasoꞌ, quëma maꞌsona tapon naporinso shaꞌhuitoco. Aꞌnapita nani natanpirahuëꞌ, co insonta nanitërinhuëꞌ shaꞌhuitiinacosoꞌ. Quëmaso napoaponahuëꞌ, nanitaran. Noya yosëroꞌsa ispiritonën yaꞌcoancantërinquën niꞌton, shaꞌhuitaponco,” itërahuë.

Daniel 4:19

Shaꞌhuitohuatora, Naniriso paꞌyanin. Paꞌyanaton, huaꞌquimiachin tachianantërin. Napopirinhuëꞌ: “Ama huaꞌnarahuëso marëꞌ paꞌyanquësohuëꞌ. Maꞌsona tapon naporinso marëꞌ tëranta co paꞌyanacaso yaꞌhuërinhuëꞌ,” itërahuë. Napotohuatora: “¡Maꞌhuantacha sinioro copirno nisaran paya! maꞌsona tapon huaꞌnaransoꞌ, inimiconënpita marëꞌ huaꞌnaran naporini, ¡noya noya niitonhuëꞌ!

Daniel 4:6

Napohuachina, yaꞌipi magiaroꞌsaꞌ, ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, tayora nitotoroꞌsaꞌ, inapita Papironiaquë yaꞌhuëpisoꞌ, amatërahuë. Maꞌsona tapon huaꞌnarahuëso shaꞌhuitiinacoso marëꞌ amatërahuë. Canquihuachinara, huaꞌnarahuësoꞌ shaꞌhuitërahuë. Inahuaso napoaponahuëꞌ, co nanitopihuëꞌ maꞌsona tapon huaꞌnarahuëso shaꞌhuitiinacosoꞌ.

Daniel 5:11

Isëquë aꞌnara quëmapi yaꞌhuërin. Inasoꞌ, noya yosëroꞌsa ispiritonëni onpo nanpicasona anitotërin. Paꞌpi yonquínahuan niꞌton, tata Napocotonocori noyá nohuitërin. Aꞌnapita quirica nitotoroꞌsa quëran yonqui yonquínahuan niꞌton, inapita huaꞌanën nicacaso marëꞌ acorin.

Daniel 7:28

Isëquë huarëꞌ shaꞌhuitëranquëmasoꞌ nanirin. Caso ina yonquiato co napion cancantërahuë. Naporahuato caniaꞌpi ninatanahuë. Napoaporahuëꞌ, co inso tëranta huaꞌnarahuëso shaꞌhuitërahuëꞌ.”

Levítico 19:31

Ama chimipiroꞌsa përahuaꞌyancosohuëꞌ. Ama pënotonquë maꞌsha nitotacaso marëꞌ pacosohuëꞌ. Ina pochin nipatamaꞌ, amirotochináchin nisaramaꞌ. Caso Yosëco napotaranquëma niꞌton, natëco.

Habacuc 3:16

Inapita natanato paꞌyanëhuëquë shaꞌpianantërahuë. Paꞌhuëhuëntaꞌ, yamo yamóshin ninatanahuë. Yaꞌipi nonëhuëntaꞌ, co chinirinhuëꞌ ninatanahuë. Inapopirahuë mini: “Ipora ahuërarinacosopita sontaroꞌsasoꞌ, Siniorori iꞌhuërëtaton aꞌpayanarin. Tahuërinën nanihuachin, napotarin,” taꞌto sano cancantërahuë.

Mateo 2:1

Quisososoꞌ Pirinquë nasitërin. Cotia parti chachin nasitërin. Naporoꞌ Irotisëri inaquë huaꞌanëntërin. Ina quëran tayora nitotonaꞌpiroꞌsaꞌ canquipi. Piꞌi pipirinso parti quëran huëꞌpi. Canquihuachinara, Quirosarinquë, natantiipi:

Hechos 17:18

Inaquë nisha nisha yonquipisoꞌ aꞌchinaꞌpiroꞌsantaꞌ huëꞌpi. Aꞌnaquën ipicorioroꞌsaꞌ itopi. Aꞌnaquëontaꞌ istoicoroꞌsaꞌ itopi. Paono quënanahuatonaꞌ, ninontopi. —Iso quëmapi paꞌpi nonaꞌpi. ¿Maꞌtaꞌ tëcapon naporin? itopi aꞌnaquën. —Ahuën. Nisha yosëroꞌsaꞌ imacaiso marëꞌ aꞌchinamara, topi aꞌnaquën. “Quisoso chiminin. Ina quëran nanpiantarin,” tëninso marëꞌ napotopi.

Hechos 7:22

Iquipito maistroꞌsari noya aꞌchintopi. Yaꞌipi nitotopisoꞌ aꞌchintopi. Napoaton noya noya nonin. Nani maꞌsha nicacasoꞌ nitotërin.

1 Corintios 1:19

Quiricanën quëran itapon: “Aꞌnaquënsoꞌ nani maꞌsha nitotaponaraihuëꞌ, co noya yonquipihuëꞌ. Inahuara chaꞌëcaisoꞌ yonquipirinahuëꞌ, co nanitapihuëꞌ. Nani maꞌsha yonquiaponaraihuëꞌ, napoonin yonquipi,” tënin Yosë.

1 Samuel 6:2

Napohuachina inahuasoꞌ, corto huaꞌanoꞌsaꞌ, pënotonoꞌsaꞌ, inapita ayontonpi. Huëꞌpachinara itaponaꞌ: ¿Onpotahuata Sinioro caposonën? ¿Onpo aꞌpamantaꞌahuataꞌ? itopi.