Génesis 41:42 - Chayahuita (Shahui)

⁴² Napotahuaton huaraonsoꞌ, imisirinquë sicho poꞌmoitëranën poꞌmorinsoꞌ ocoirin. Ina ocoirahuaton Cosi imisirinquë poꞌmotërin. Inapotahuaton, piyapinënpita camairin: “Noya noya rino piꞌshi quëran nëꞌmëtë nipisoꞌ aꞌmotocoꞌ. Naporahuaton, osëtë oro quëran nipisoꞌ, apëꞌpëconotocoꞌ.

Génesis 41:42 ပူးပေါင်းရင်းမြစ်များ

Génesis 38:18

—¿Maꞌta nipachin pachi? tënin Cota. —Sicho poꞌmoitëranën pëꞌnatëransoarë chachin, huaranën, inapita patëquëꞌ, itërin. Napotohuachina Cotasoꞌ, nataninsopita quëtërin. Inapoaton tëcarihuachina, naporo chachin huaꞌhuantërin.

Génesis 41:43

Ina quëran, toronanëhuëquë paꞌpatora, imaquirinso toronanquë ananpëcoꞌ. Inapotahuatomaꞌ, quëpacoꞌ. Ina quëpasëmaꞌ, piyapinëhuëpitari chiníquën shaꞌhuiinaꞌ: ‘¡Isoncoꞌ!’ tëraꞌinaꞌ,” itërin. Ina pochin copirnori Cosi acorin yaꞌipi Iquipito noꞌpaquë, camaitacaso marëꞌ.

Salmos 73:6

Nitapapisoꞌ, co tapayapihuëꞌ. Ina pochachin inahuantaꞌ: “Ma noyacha caso ninahuë paya,” toconpi. Aꞌmoanpisontaꞌ, co aꞌpopihuëꞌ. Inapochachin inahuantaꞌ, aꞌnapita maꞌsha onpotacaisoráchin cancantopi.

Proverbios 1:9

Inapita aꞌchinpiso co naniantohuatanhuëꞌ, nitapacaiso marëꞌ yancotë yancopiso pochin, miyo pëꞌpëpiso pochin costapiroꞌ yaꞌnoaran.

Proverbios 31:22

Inaora chachin huëtaton quëhuëntacasoꞌ ninin. Noya noya nëꞌmëtë nininsopita quëran aꞌmorin.

Proverbios 31:24

Aꞌnantaton, naꞌa aꞌmocaiso ninin. Nitonpocaiso marëntaꞌ, naꞌa sintoron ninin. Inapita nisahuaton paꞌanin.

Daniel 5:16

Quëmaso napoaponahuëꞌ, sacai nininsopita nito shaꞌhuiransoꞌ natantërahuë. Iso ninshitopisoꞌ nontaton, maꞌsona tapon naporinso shaꞌhuitohuatanco, copirnoroꞌsa aꞌmorinsoanpi aaꞌmotaranquën. Catinanta oro quëran nipisoꞌ, apëꞌpëconotaranquën. Naporahuaton ca pochin nanantacaso marëꞌ aꞌna huaꞌaínchin yaꞌcopiarinquën, itërin.

Daniel 5:29

Napotohuachina copirnosoꞌ, piyapinënpita camairin: “Ca aꞌmorahuësoanpi Naniri aꞌmotahuatomaꞌ, oro quëran catina nipiquë apëꞌpëconotocoꞌ. Naporahuaton ca pochin nanantacaso marëꞌ, aꞌna huaꞌaínchini yaꞌcopiapon. Yaꞌipinquëma ina nitotocoꞌ,” itërin. Copirno napohuachina piyapinënpitasoꞌ, ina inachachin nipi.

Daniel 5:7

Ina quëran ninotonaꞌpiroꞌsaꞌ, quirica nitotoroꞌsaꞌ, tayora nitotoroꞌsaꞌ, inapita quëcacaiso marëꞌ chiníquën camaitërin. Huëꞌpachinara: —Inso tëranta pasoꞌ ninshitopisoꞌ nontaton, maꞌsona tapon naporinso shaꞌhuitohuachinco, copirnoroꞌsa aꞌmorinsoanpi aaꞌmotarahuë. Oro quëran catina nipisoꞌ apëꞌpëconotarahuë. Naporahuaton ca pochin nanantacaso marëꞌ aꞌna huaꞌaniáchini yaꞌcopiarin, tënin.

Lucas 15:22

Napotopirinhuëꞌ, paꞌpinisoꞌ naꞌcon nosororin. Piyapinënpita camairin. ‘Manóton paatomaꞌ, noyápiachin nininsoꞌ maconahuatomaꞌ, aꞌmotocoꞌ. Poꞌmoitërantaꞌ noyápiachin nininsoꞌ poꞌmotocoꞌ. Sapatëntaꞌ matonquëꞌ poꞌmoin.