Génesis 41:4 - Chayahuita (Shahui)

⁴ Nicaso chachin, inapitasoꞌ, amoshinoꞌsa pashica taꞌpapi. Inapotatonaꞌ, canchisë chachin pëꞌyaquë huarëꞌ caꞌmiatopi. Naporoꞌ huaraonsoꞌ capayatërin.

Génesis 41:4 ပူးပေါင်းရင်းမြစ်များ

Génesis 41:2

Aꞌnanaya niꞌpirinhuëꞌ, canchisë ohuacaꞌ Niroiꞌ quëran pipirapi niꞌnin. Paꞌpi amoshináchin pipirapi. Iꞌ quëran pipirahuatonaꞌ, shiꞌshinamatëroꞌ huáncana coshatapi.

Génesis 41:3

Ina quëran niantapirinhuëꞌ, canchisë chachin Niroiꞌ quëran pipirapi niꞌnin. Inapitasoꞌ capa nishinahuën nansëyaráchin niconpi. Pipirahuatona iꞌ yonsanquë aꞌnapita ohuacaroꞌsa pirayan huanirapi.

Génesis 41:5

Naquëranchin huëꞌëantapirinhuëꞌ, huaꞌnaantarin. Canchisë trico motoꞌ noya noyatërinsoꞌ aꞌna nanquëáchin nitërin niꞌnin.

1 Reyes 3:15

Naporoꞌ Saromonso capayatahuaton, tapon: “Siniorochi huëꞌëhuëquë nontërinco paya,” tënin. Ina quëran Quirosarinquë canconpachina, Siniororë anoyatopiso caposonën yaꞌhuërinquë yaꞌconconin. Inaquë yaꞌconaton oshanën marëꞌ maꞌsharoꞌsa tëparin. Tëparahuaton yaꞌipi ahuiquitërin. Nanan anoyatërinso marëntaꞌ, maꞌsharoꞌsa tëparin. Inapotaton yaꞌipi catahuacaiso marëꞌ huaꞌanoꞌsa acorinsopita, ichicoshatërin.