Génesis 41:28 - Chayahuita (Shahui)

²⁸ Napotëranquënso chachin mini nisarin. Piyapinënco nipirahuëꞌ, Yosë maꞌsona yanininso nani shaꞌhuitëranquën.

Génesis 41:28 ပူးပေါင်းရင်းမြစ်များ

Génesis 40:12

Napotohuachina, Cosiri itapon: —Naporinchi paya. Maꞌsona tapon huaꞌnaranso shaꞌhuichinquën: Cara sëꞌpahuaninsoꞌ, cara tahuëri tapon naporin. Cara tahuëriya quëran, huaraonsoꞌ quëma tëhuëransoꞌ yonquiantarin. Nanan anoyatahuatënquën naquëranchin acoantarinquën ina marëꞌ sacataantacasoꞌ. Iráca naporanso chachin naquëranchin oꞌshitaantaran huachi. Ina tapon, ina pochin huaꞌnaran.

Génesis 41:16

—Co caora nohuanton nitotërahuëꞌ. Quëma piyapinënco niꞌto, Yosë chachin anitotohuachinco, shaꞌhuitaranquën. Maꞌsona noya nicacaso marëꞌ, shaꞌhuitaranquën, itërin.

Génesis 41:25

Napotohuachina, Cosiri huaraon itapon: —Caso quëma piyapinënco nipirahuëꞌ, shaꞌhuitaranquën: Catoro huaꞌnaransoꞌ, aꞌnaíchin tapon huaꞌnaran. Ina quëran Yosë chachin anitotërinquën maꞌsona ina nicacasoꞌ yonquirinsoꞌ.

Génesis 41:32

Caso piyapinënco nipirahuëꞌ shaꞌhuitaranquën. Nani Yosë yonquirin inapocasoꞌ. Naporahuaton co huaꞌquiya quëranhuëꞌ naniarin. Napoaton ina nohuanton, catoro inachachin huaꞌnaran.

Daniel 2:45

Ina tapon naporin huaꞌnaranquë motopi quëran naꞌpi notarintaton huaꞌnamia, shaꞌpi huaꞌna, tëshiroꞌpaꞌ, prata, oro, inapita niꞌnomorinsoꞌ. Yosëso chini chiníquën nanantaton, aꞌna tahuëri maꞌsona onpocasoꞌ anitotërinquën. Huaꞌnaranso noꞌtëquën shaꞌhuitëranquën. Maꞌsona tapon naporinsontaꞌ, noꞌtëquën shaꞌhuitëranquën, itërin. Naporoꞌ Napocotonosoꞌ, Naniri notënanquë isonin. Isonin quëran noꞌpaquë huarëꞌ monshorahuaton mosharin. Ina quëran piyapinënpita camairin, maꞌsha tëparahuatona Naniri moshacaisoꞌ. Yonarin pochin nininsonta aꞌpërahuatonaꞌ, moshacaiso camaitërin.