Génesis 41:26 - Chayahuita (Shahui)

²⁶ Canchisë ohuacaꞌ noyápiachin nipisopita, canchisë piꞌipi tapon huaꞌnaran. Canchisë trico motoꞌ noyápiachin nipisopitantaꞌ, ina chachin tapon naporin.

Génesis 41:26 ပူးပေါင်းရင်းမြစ်များ

Génesis 2:24

Napoaton quëmapi saꞌapachin, paꞌpin, aꞌshin inapita patahuaton, saꞌinëꞌ nichinpitacaso yaꞌhuërin. Catoyaꞌpi nipirinahuëꞌ, aꞌnaíchin pochin nipi huachi.

Génesis 40:12

Napotohuachina, Cosiri itapon: —Naporinchi paya. Maꞌsona tapon huaꞌnaranso shaꞌhuichinquën: Cara sëꞌpahuaninsoꞌ, cara tahuëri tapon naporin. Cara tahuëriya quëran, huaraonsoꞌ quëma tëhuëransoꞌ yonquiantarin. Nanan anoyatahuatënquën naquëranchin acoantarinquën ina marëꞌ sacataantacasoꞌ. Iráca naporanso chachin naquëranchin oꞌshitaantaran huachi. Ina tapon, ina pochin huaꞌnaran.

Génesis 40:18

Napotohuachina, Cosiri itapon: —Cara pan acoinansoꞌ, cara tahuëri tapon naporin.

Génesis 41:2

Aꞌnanaya niꞌpirinhuëꞌ, canchisë ohuacaꞌ Niroiꞌ quëran pipirapi niꞌnin. Paꞌpi amoshináchin pipirapi. Iꞌ quëran pipirahuatonaꞌ, shiꞌshinamatëroꞌ huáncana coshatapi.

Génesis 41:25

Napotohuachina, Cosiri huaraon itapon: —Caso quëma piyapinënco nipirahuëꞌ, shaꞌhuitaranquën: Catoro huaꞌnaransoꞌ, aꞌnaíchin tapon huaꞌnaran. Ina quëran Yosë chachin anitotërinquën maꞌsona ina nicacasoꞌ yonquirinsoꞌ.

Génesis 41:27

Canchisë ohuacaꞌ capa nishinahuën nansëyaráchin nipisontaꞌ, huaꞌnaran. Inapitasoꞌ, amoshinoꞌsa piquëran pipipi. Inapitanta canchisë piꞌipi chachin tapon naporin. Ina pochachin noya noyatërinsoꞌ trico motoꞌ pirayan, canchisë chachin papoantarin huaꞌnaran. Piꞌiri ahuiquitërinso pochin yaꞌnopisopitantaꞌ, ina chachin anitotërinpoaꞌ.

Génesis 41:29

Yosë nohuanton canchisë piꞌipi iso Iquipito noꞌpaquë nani maꞌsha noya noyatapon. Co manta pahuanaponhuëꞌ.

Génesis 41:47

Canchisë piꞌipi noya noyatacaisoꞌ piꞌipiroꞌsaquë, huaꞌhuayátërahuë cosharo noyatërin.

Génesis 41:5

Naquëranchin huëꞌëantapirinhuëꞌ, huaꞌnaantarin. Canchisë trico motoꞌ noya noyatërinsoꞌ aꞌna nanquëáchin nitërin niꞌnin.

Génesis 41:53

Canchisë piꞌipi Iquipitoquë maꞌsha noya noyatacaisoꞌ piꞌipiroꞌsaꞌ, naꞌhuërin huachi.

Daniel 2:45

Ina tapon naporin huaꞌnaranquë motopi quëran naꞌpi notarintaton huaꞌnamia, shaꞌpi huaꞌna, tëshiroꞌpaꞌ, prata, oro, inapita niꞌnomorinsoꞌ. Yosëso chini chiníquën nanantaton, aꞌna tahuëri maꞌsona onpocasoꞌ anitotërinquën. Huaꞌnaranso noꞌtëquën shaꞌhuitëranquën. Maꞌsona tapon naporinsontaꞌ, noꞌtëquën shaꞌhuitëranquën, itërin. Naporoꞌ Napocotonosoꞌ, Naniri notënanquë isonin. Isonin quëran noꞌpaquë huarëꞌ monshorahuaton mosharin. Ina quëran piyapinënpita camairin, maꞌsha tëparahuatona Naniri moshacaisoꞌ. Yonarin pochin nininsonta aꞌpërahuatonaꞌ, moshacaiso camaitërin.

1 Corintios 10:4

Inaquësoꞌ co iꞌsha yaꞌhuëpirinhuëꞌ, Yosë nohuanton, naꞌpi quëran pipirin, yaꞌipiya oꞌopi. Quisocristosoꞌ ina naꞌpi pochin ninin. Paꞌpachinara, co quënanpirinahuëꞌ, inari naꞌcon catahuarin chaꞌëcaiso marëꞌ.

1 Juan 5:7

Tata Yosë noya anitotërinpoaꞌ huiꞌnin natëcasoꞌ. Niꞌcoꞌ. “Carayaꞌpi inachachin shaꞌhuihuachina, naporo huarëꞌ natëtërëꞌ,” topi. Inapochachin cancanënpoaquë Ispirito Santo shaꞌhuitërinpoaꞌ. Quisocristontaꞌ iꞌquë aporihuanpachina, yaꞌipiya Yosë natërin. Naporahuaton, canpoa marëꞌ chiminpachina, huënainën paꞌnin. Cara chachin napopináchin anitotërinpoaꞌ.