Génesis 41:1 - Chayahuita (Shahui)

¹ Oꞌshinaꞌpiroꞌsa huaꞌan, tashinan pëi quëran pipirinsoꞌ nani cato piꞌipitërin. Naporoꞌ huaraon chachionta huaꞌnarin. Niroiꞌ yonsanquë huaniarin nihuaꞌnarin.

Génesis 41:1 ပူးပေါင်းရင်းမြစ်များ

Génesis 20:3

Napoaponahuëꞌ, naporo tashi chachin Yosëri huëꞌënquë pënënin: “Quëmaso chiminaran. Sanapi mananso soꞌyahuan niꞌton, chiminamaso yaꞌhuërin,” itërin.

Génesis 28:12

Naporo tashi huëꞌëton, huaꞌnarin: Aꞌnara nanpënan noꞌpaquë paquërahuaton, Yosë yaꞌhuërinquë huarëꞌ nincanin niꞌnin. Ina nanpënanquë chachin, pancatë niꞌton, Yosë anquëninënpita aꞌnaquën pantarapi, aꞌnaquënso oꞌmarapi.

Génesis 29:14

Napanori natanahuaton itapon: “Quëmasoꞌ tëhuënchachin quëmopinëhuënquën ninan,” itërin. Cacoposoꞌ Napano pëinënquë aꞌna yoquiraꞌ nani yacapatërin.

Génesis 31:21

Yaꞌipi maꞌshanënpitarë chachin Cacoposoꞌ, taꞌarin. Co huaꞌquiya quëranhuëꞌ, Iopiratisiiquë pëntoitahuatonaꞌ, Carata motopiroꞌsa parti, notëëtërin.

Génesis 40:23

Oꞌshinaꞌpiroꞌsa huaꞌanisoꞌ, Cosiri catahuacaso marëꞌ shaꞌhuitërinsoꞌ, naniantërin. Inapoaton co catahuarinhuëꞌ.

Génesis 40:5

Aꞌna tashiso nipirinhuëꞌ, cato huaꞌanoꞌsa chachin, huaꞌnapi. Aꞌnaya aꞌnaya huaꞌnapisoꞌ, co inachachin tapon huaꞌnapihuëꞌ, nisha nisha tapon huaꞌnapi.

Génesis 41:2

Aꞌnanaya niꞌpirinhuëꞌ, canchisë ohuacaꞌ Niroiꞌ quëran pipirapi niꞌnin. Paꞌpi amoshináchin pipirapi. Iꞌ quëran pipirahuatonaꞌ, shiꞌshinamatëroꞌ huáncana coshatapi.

Éxodo 1:22

Huaraonso nipirinhuëꞌ, piyapinënpita itapon: “Israiroaꞌhuaroꞌsa quëmapiaꞌhuaya nasitohuachin, iꞌquë tëꞌyaitoco chimiichin. Sanapiaꞌhuaroꞌsaso nipirinhuëꞌ, noya nanpiꞌinaꞌ,” itërin.

Éxodo 4:9

Ina quëran taantarin: —Inapita aꞌnotopiranhuë co natëhuachinënhuëꞌ, Niroiquë paꞌsahuaton iꞌsha maquëꞌ. Noꞌpaquë opohuatan, naporo chachin huënaiꞌ taranin, itërin.

Mateo 27:19

Huaꞌan shiranënquë huënsëasoꞌ, saꞌinintaꞌ nanan aꞌpatiirin Quisoso ocoicaso marëꞌ. “Achin tashiꞌ aꞌninquëchin huaꞌnarahuë. Quisoso huaꞌnato, chiníquën paꞌyanahuë. Inasoꞌ noya quëmapi. Co mantaꞌ onporinhuëꞌ niꞌton, nichaꞌëquëꞌ. Co tëpacasoꞌ yaꞌhuërinhuëꞌ,” itërin saꞌini. Ina marëntaꞌ Piratori co yatëparinhuëꞌ.