Génesis 40:8 - Chayahuita (Shahui)

⁸ —Catocoi chachin huaꞌnapiraihuëꞌ, co insonta yaꞌhuërinhuëꞌ maꞌsona tapon huaꞌnaraiso anitotiincoisoꞌ, itopi. —¡Yosë mini nanitërin maꞌsona tapon huaꞌnarësopita anitotiinpoasoꞌ! Shaꞌhuitoco huaꞌnaramasoꞌ, itërin.

Génesis 40:8 ပူးပေါင်းရင်းမြစ်များ

Génesis 40:9

Napotohuachina oꞌshinaꞌpiroꞌsa huaꞌansoꞌ, huaꞌnarinso Cosi shaꞌhuitërin: —Huëꞌëhuëquë aꞌnara opa yaꞌhuë niꞌnahuë, cara sëꞌpahuaninsoꞌ. Nicasoco chachin, papo sëꞌpatarin. Papo sëꞌpatahuaton, yancotarin. Yancotërinquëranchin nitërinsopita cayarin.

Génesis 41:25

Napotohuachina, Cosiri huaraon itapon: —Caso quëma piyapinënco nipirahuëꞌ, shaꞌhuitaranquën: Catoro huaꞌnaransoꞌ, aꞌnaíchin tapon huaꞌnaran. Ina quëran Yosë chachin anitotërinquën maꞌsona ina nicacasoꞌ yonquirinsoꞌ.

Isaías 8:19

Aꞌnaquënsoꞌ, shaꞌhuitëranquëmasopita co natëtatonahuëꞌ: ‘Chimipiroꞌsa apërahuaꞌyantatomaꞌ, natancoꞌ. Pënotonoꞌsanta sacaronquë nonpisopita natahuan. ¡Nisha nisha piyapiꞌsa yosënëna natanacaiso yaꞌhuërin! ¡Chimipiroꞌsa tëranta nanpiarëhuasopita maꞌsona onpocasoꞌ anitotiinpoaso marëꞌ natanacaiso yaꞌhuërin!’ itaponëmaꞌ. Inapitaso napopirinahuëꞌ, co piꞌpian tëranta noya yonquiatona naporapihuëꞌ. Co tahuërianpitërëso pochin nishátërapihuëꞌ.

Daniel 2:11

Natanancoisosoꞌ, co onpo nitotochináchinhuëꞌ. Co piyapimiasoꞌ, ina pochin shaꞌhuitiinquënso nanitërinhuëꞌ. Yosëroꞌsaráchin aꞌna nanitomaraiꞌ. Napoaponahuëꞌ, inapitaso co canpoarëꞌ yaꞌhuëpihuëꞌ, itaantapi inahuarintaꞌ.

Daniel 2:27

—Tëhuënchachin mini sinioro copirno, magiaroꞌsaꞌ, ninotonaꞌpiroꞌsaꞌ, pënotonoꞌsaꞌ, quirica nitotoroꞌsaꞌ, tayora nitotoroꞌsa inapita yaꞌhuërin. Yaꞌhuëpirinahuëꞌ, co aꞌnaya tëranta quëma yanitotëranso nanitopihuëꞌ anitotiinënsoꞌ. Napoaponahuëꞌ, inápaquë aꞌnara Yosë yaꞌhuërin. Co onpo nitotacasohuëꞌ nipisopita nanitërin anitotiinpoasoꞌ. Ina mini anitotarinquën aꞌna tahuëri maꞌsona onpocasoꞌ. Maꞌsona huaꞌnaransoꞌ, maꞌsona tapon naporinsoꞌ, inapita iporaso shaꞌhuitaranquën: Huëꞌëranquë quëhuënaton, aꞌna tahuëri maꞌsona onpocasoꞌ yonquiráran. Naporaran quëran huëꞌëpiranhuëꞌ, Yosësoꞌ, aꞌna tahuëri maꞌsona onpocasoꞌ, huaꞌnaran quëran anitotërinquën.

Daniel 2:47

Ina quëran Naniri itapon: —Canpita Yosë chinotëramasosoꞌ, yaꞌipi yosëroꞌsa quëran chini chiníquën nanantërin. Yaꞌipi copirnoroꞌsa huaꞌanëntërin. Inasáchin co nitotacasohuëꞌ nininsonta anitotërin. Napoaton huaꞌnarahuëso anitotatënquën, maꞌsona tapon naporinsontaꞌ, anitotërinquën, itërin.

Daniel 4:8

Piquëran huarëꞌ Nanirinta huëꞌnin. Inasoꞌ, yosënëhuë yonquiato Piritasasaro itërahuë antaꞌ. Inasoꞌ quëmapi noya yosëroꞌsa ispiritonëni, onpoinsona nanpicasoꞌ anitotërin. Ina huëꞌpachina, huaꞌnarahuëso shaꞌhuitërahuë:

Daniel 5:16

Quëmaso napoaponahuëꞌ, sacai nininsopita nito shaꞌhuiransoꞌ natantërahuë. Iso ninshitopisoꞌ nontaton, maꞌsona tapon naporinso shaꞌhuitohuatanco, copirnoroꞌsa aꞌmorinsoanpi aaꞌmotaranquën. Catinanta oro quëran nipisoꞌ, apëꞌpëconotaranquën. Naporahuaton ca pochin nanantacaso marëꞌ aꞌna huaꞌaínchin yaꞌcopiarinquën, itërin.

Amós 3:7

Inapita naporinso pochachin canta maꞌsha yanipatora, piyapinëhuëpita pënëntonaꞌpiroꞌsaꞌton anitotarahuë.