Génesis 40:19 - Chayahuita (Shahui)

¹⁹ Cara tahuëriya quëran, huaraonsoꞌ quëmanta tëhuëransoꞌ yonquiantarin. Naporo chachin piyapinënpita camaiapon: “Noninquë huënquëconorahuatomaꞌ, naraquë pëꞌtënco chimiꞌin,” itapon. Inapotohuachinën, chanaro caꞌtëroꞌsari noshanën caponaꞌ, itërin.

Génesis 40:19 ပူးပေါင်းရင်းမြစ်များ

Génesis 40:18

Napotohuachina, Cosiri itapon: —Cara pan acoinansoꞌ, cara tahuëri tapon naporin.

Génesis 40:20

Cara tahuëriya quëran, huaraon huaꞌhuatërinso tahuëri nanirin. Naporoꞌ yaꞌipi catahuarinsopita huaꞌanoꞌsa ichicapacancanacaso marëꞌ, panca pita ninin. Yaꞌipi përarinsopita niꞌtonënquë huaraonsoꞌ camaitërin: “Cato huaꞌanoꞌsa chachin tashinan pëi quëran ocoicoꞌ,” tënin.

Génesis 40:22

Pan ninaꞌpiroꞌsa huaꞌanso nipirinhuëꞌ, huaraoni piyapinënpita camairin naraquë pëꞌtënacaiso marëꞌ: “Noninquë huënquëconorahuatomaꞌ, tëpacoꞌ,” itërin. Cosiri shaꞌhuitërinso chachin nitopi.

Gálatas 3:13

Co nanitërëhuahuëꞌ noꞌtëquën natëcasoꞌ niꞌton, anaꞌintinpoasoꞌ yaꞌhuërin. Quisocristoso nipirinhuëꞌ nichaꞌërinpoaꞌ. Canpoaꞌ yaꞌhuërënamënpoaꞌ chiminin. Ina, Yosëri anaꞌintërin. Quiricanën quëran naporin: “Piyapi paꞌpi co noyahuëꞌ nipachina, naraquë achinpirahuatëꞌ, chiníquën anaꞌintërëꞌ. Nani Yosëri aꞌporin,” tënin quiricanënquë. Canpoasoꞌ anaꞌintinpoasoꞌ yaꞌhuëpirinhuëꞌ, naraquë chachin Quisocristo apatanantohuachinara, oshanënpoa marëꞌ parisitërin. Inaquë parisitaton, nichaꞌërinpoaꞌ.

1 Samuel 17:44

Napotahuaton itaantapon: —Noyapaꞌ. ¡Huëquë nipachin tëpatënquën soporoꞌsaꞌ, niꞌniroꞌsaꞌ, inapita aꞌcaꞌinquën! itërin.

1 Samuel 17:46

Iporasoꞌ ina chachin minsëaꞌhuanquënsoꞌ catahuararinco. Ipora tahuëri chachin tëparahuatënquën nishitëconotaranquën. Aꞌnapita huiristino sontaroꞌsanta chiminpisoꞌ, soporoꞌsaꞌ, niꞌniroꞌsaꞌ, inapita aꞌcaarahuë. Inapotohuato, yaꞌipi isoroꞌpaquë yaꞌhuëpisopita nitotapi: “Israiroꞌsasoꞌ, Yosë chachin chinotopi. Inasoꞌ, chini chiníquën nanantërin,” tosapi.