Génesis 40:18 - Chayahuita (Shahui)

¹⁸ Napotohuachina, Cosiri itapon: —Cara pan acoinansoꞌ, cara tahuëri tapon naporin.

Génesis 40:18 ပူးပေါင်းရင်းမြစ်များ

Génesis 40:12

Napotohuachina, Cosiri itapon: —Naporinchi paya. Maꞌsona tapon huaꞌnaranso shaꞌhuichinquën: Cara sëꞌpahuaninsoꞌ, cara tahuëri tapon naporin. Cara tahuëriya quëran, huaraonsoꞌ quëma tëhuëransoꞌ yonquiantarin. Nanan anoyatahuatënquën naquëranchin acoantarinquën ina marëꞌ sacataantacasoꞌ. Iráca naporanso chachin naquëranchin oꞌshitaantaran huachi. Ina tapon, ina pochin huaꞌnaran.

Génesis 40:19

Cara tahuëriya quëran, huaraonsoꞌ quëmanta tëhuëransoꞌ yonquiantarin. Naporo chachin piyapinënpita camaiapon: “Noninquë huënquëconorahuatomaꞌ, naraquë pëꞌtënco chimiꞌin,” itapon. Inapotohuachinën, chanaro caꞌtëroꞌsari noshanën caponaꞌ, itërin.

Génesis 41:12

Inaquë chachin quiyaroꞌcoi aꞌnara iprio huiꞌnapi yaꞌhuëarin antaꞌ. Inasoꞌ ina capitani chachin, asacatacaso marëꞌ paꞌanin. Huaꞌnaraiso shaꞌhuitohuatëira, maꞌsona tapon naporinso noꞌtëquën shaꞌhuitërincoi. Shaꞌhuitërincoiso chachin caso naquëranchin asacataantaranco. Aꞌnaso nipirinhuëꞌ, noninquë ahuënquëconotahuaton atëpatëran,” itërin.

Génesis 41:26

Canchisë ohuacaꞌ noyápiachin nipisopita, canchisë piꞌipi tapon huaꞌnaran. Canchisë trico motoꞌ noyápiachin nipisopitantaꞌ, ina chachin tapon naporin.

Daniel 2:36

Ina pochin huaꞌnaran. Iporaso maꞌsona tapon naporinso shaꞌhuichinquën:

1 Corintios 10:4

Inaquësoꞌ co iꞌsha yaꞌhuëpirinhuëꞌ, Yosë nohuanton, naꞌpi quëran pipirin, yaꞌipiya oꞌopi. Quisocristosoꞌ ina naꞌpi pochin ninin. Paꞌpachinara, co quënanpirinahuëꞌ, inari naꞌcon catahuarin chaꞌëcaiso marëꞌ.

1 Corintios 11:24

“Yosparinquën Tata Yosë,” itahuaton, sëꞌpanin. Sëꞌpanahuaton, aꞌnaya aꞌnaya quëtërin. “Ca nonëhuë pochin isoꞌ. Caꞌcoꞌ. Canpita marëꞌ chiminarahuë. Niyontonpatamaꞌ, chiminahuësoꞌ yonquiatomaco, piꞌpian cosharoꞌ caꞌcoꞌ,” itërin.