Génesis 40:11 - Chayahuita (Shahui)

¹¹ Ina pirayan cantaꞌ, huaraon oꞌorinsoꞌ minënën sëꞌquëato, huaniárahuë. Opa cayarinso masahuato, huaraon oꞌorinquë shiꞌshirahuë. Inapotahuato huaraon ihuëtërahuë. Ihuëtohuatora maꞌparinco huachi, itërin.

Génesis 40:11 ပူးပေါင်းရင်းမြစ်များ

Génesis 40:1

Ina piquëran cato huaꞌanoꞌsari Iquipito copirno tëhuëtopi: Aꞌnasoꞌ, copirno huino oꞌshitonaꞌpiroꞌsa huaꞌan. Aꞌnantaꞌ, ina marë chachin pan ninaꞌpiroꞌsa huaꞌan. Cato chachin copirno tëhuëtopi.

Génesis 40:12

Napotohuachina, Cosiri itapon: —Naporinchi paya. Maꞌsona tapon huaꞌnaranso shaꞌhuichinquën: Cara sëꞌpahuaninsoꞌ, cara tahuëri tapon naporin. Cara tahuëriya quëran, huaraonsoꞌ quëma tëhuëransoꞌ yonquiantarin. Nanan anoyatahuatënquën naquëranchin acoantarinquën ina marëꞌ sacataantacasoꞌ. Iráca naporanso chachin naquëranchin oꞌshitaantaran huachi. Ina tapon, ina pochin huaꞌnaran.

Génesis 40:21

Oꞌshinaꞌpiroꞌsa huaꞌansoꞌ, naquëranchin asacataantarin. Napoaton naquëranchin iráca pochachin huaraon oꞌshitaantarin.

Génesis 49:11

Cotaso notohuaroꞌ oparohuanaton, moraꞌhuanëntaꞌ, co apiratarinhuëꞌ. Inaquë capacaso marëꞌ aꞌsonpitërapon. Huinoquë chachin aꞌmorinso pëꞌsapon. ¡Opa huayo noꞌhuiquënquë chachin, inapotapon!

1 Reyes 10:5

Misanënquë naꞌa noya cosharo capacaiso marëꞌ acopisoꞌ, huaꞌanoꞌsa yaꞌhuëcaiso marëꞌ noyápiachin patoanaroꞌsa acotërinsoꞌ, piyapinënpita, oꞌshinaꞌpi huaꞌanoꞌsanënpita, onpo sacatopisoꞌ, onpo aꞌmoanpisoꞌ, corto huaꞌanoꞌsanta Sinioro marëꞌ noya maꞌsharoꞌsa tëparahuatona yaꞌipi ahuiquitopisoꞌ, yaꞌipi inapita niꞌnin. Yaꞌipi inapita niꞌsahuaton, paꞌpi paꞌyantërin.

Nehemías 1:11

Onpopionta Sinioro nontëranquënsoꞌ natanco. Aꞌnapita piyapinënpitantaꞌ, nontarinënsoꞌ natanquëꞌ. Quiyasoꞌ paꞌyataꞌhuainquënsoráchin cancantarai. Copirno yanontërahuë. Nontohuato, quëma nohuanton noya natanatonco catahuainco,” itërahuë.

Proverbios 3:10

Inapohuatan sacóshin cosharo yaꞌhuëtarinquën. Huinonta co pahuantarinquënhuëꞌ.