Génesis 4:4 - Chayahuita (Shahui)

⁴ Apiriso nipirinhuëꞌ, ohuicanënpita yaꞌnan huaꞌhuatopiso quënin. Amo amoshin nininsopita Yosë chinotaton tëpacaso marëꞌ quënin. Yosëso Apiri nóya niꞌnin. Ofrendanëonta nóya niꞌnin.

Génesis 4:4 ပူးပေါင်းရင်းမြစ်များ

Génesis 15:17

Nani tashihuachina, aꞌnanaya orno conaiꞌ tomontárinso yaꞌnorin. Naporahuaton, panca yanatëtë pochin pën orótahuaton, maꞌsharoꞌsa nichatërinsopita huáncana, naꞌhuërin.

Génesis 4:3

Aꞌna tahuëri cato chachin ofrenda quëcatonaꞌ, Yosë chinotapi. Cainosoꞌ, shaꞌninso quëran Yosë chinotacaso marëꞌ quënin.

1 Reyes 18:24

Nani acohuachina Paaro nonchinaꞌ. Tëhuënchachin Yosë nipachin ahuiquitacaso marëꞌ pën aꞌpatimain. Canta inapotahuato, Sinioro nontarahuë. ¡Insosona aꞌpanitaton pën aꞌpaimahuachin, ina tëhuënchachin Yosësoꞌ! itërin. Napotohuachina yaꞌipi israiroꞌsari: —¡Noꞌtëquën! Ina pochin niin, topi.

1 Reyes 18:38

Naporo chachin inápa quëran Siniorori pën aꞌpaimarin. Oshanëna marëꞌ artaro aipi acopisoꞌ yaꞌipi ahuiquitërin. Ihuë, naꞌpiroꞌsaꞌ, amocan, iꞌsha mëntairinsoꞌ, inapitanta huiquitërin.

Proverbios 3:9

Maꞌsha yaꞌhuëtërinquënsopita Sinioro noya nicaton quëtëquëꞌ. Shaꞌnansopita yaꞌnan cayarinsontaꞌ, quëtëquëꞌ.

Hebreos 11:4

Iráca Apiri Yosë natërin. “Yosë catahuarinco,” taꞌton, maꞌsha tëparahuaton, Yosë chinotërin. Inapotohuachina, noya niꞌnin. “Noya natërinco,” tënin. Cainoso nipirinhuëꞌ co ina pochin cancantërinhuëꞌ. Napoaton Apiri nani chiminpirinhuëꞌ, ipora huantaꞌ “Ma noya Apiri natëtërin,” tënëhuaꞌ.

Hebreos 9:22

Iráca pënëntërinso imapachinara, nani maꞌsha huënaiquë taꞌsatopi anoyatacaiso marëꞌ. “Co huënaiꞌ taꞌsatohuatëhuahuëꞌ, co Yosë noya niꞌsarinpoahuëꞌ,” topi. Tëhuënchachin co huënaiꞌ paꞌpachinhuëꞌ, Yosë co onporontaꞌ oshanënpoaꞌ inquitërinpoahuëꞌ.

Apocalipsis 13:8

Huaꞌhuayatërahuëꞌ piyapiꞌsari natëapi. Carniroaꞌhua imapisopitaíchin co ina chinotapihuëꞌ. Inasoꞌ aꞌna quirica yaꞌhuëtërin. Nanpirin quirica itopisoꞌ. Inaquë nininënpita nani ninshitërin. Isoroꞌpaꞌ ninin quëran huarëꞌ imapisopita ninoton, inaquë ninshitërin. “Canpoa marëꞌ Carniroaꞌhua chiminin,” taꞌtonaꞌ, ina imasapi. Aꞌnapitaso nipirinhuëꞌ co nanpirin quiricaquë nininënpita yaꞌhuërinhuëꞌ niꞌton, maꞌsha marë quëran pipirinsoꞌ chinotapi.

Jueces 6:21

Ina quëran anquënisoꞌ, pitananën quëran nosha, pan, inapita Quitionori acorinsoꞌ, caririn. Cariaso chachin natëtë quëran pën pipirin. Pan, nosha, inapita noyá ahuiquitërin. Ina quëran chachin Sinioro anquëninënsoꞌ, ayarin.

1 Samuel 15:22

Napotohuachina Samoirori itapon: “Maꞌsha Sinioro marëꞌ tëpatona piꞌpian ahuiquitacaisoꞌ, noya. Yaꞌipi ahuiquitacaisontaꞌ, noya. Sinioro camaitërinso natëcasoso nipirinhuëꞌ, noya noya. Maꞌsha Sinioro marëꞌ tëpatona piꞌpian ahuiquitacaisoꞌ, noya. Carniro tomaquën ahuiquitasontaꞌ, noya. Camaitërinso noya natanatë natëcasoso nipirinhuëꞌ, noya noya.