Génesis 4:23 - Chayahuita (Shahui)

²³ Aꞌna tahuëri Namicosoꞌ, saꞌinpita itapon: “Natanquë Ata. Quëmanta Sira, noya natanco shaꞌhuichinquëmaꞌ: Aꞌna quëmapi tëparahuë pëꞌsharincoso marëꞌ. Huiꞌnapi nipirinhuëꞌ, ahuërincoso marëꞌ napotërahuë.

Génesis 4:23 ပူးပေါင်းရင်းမြစ်များ

Génesis 4:22

Siraso nipirinhuëꞌ, huaꞌhuanpachina, Toparo-caino itopi. Inasoꞌ, huaꞌna camayo yaꞌconin. Huaꞌnamia nitotahuaton, shaꞌpi huaꞌnanta nitotërin. Toparo-cainosoꞌ, aꞌnara oshin yaꞌhuëtërin, Naama itopi.

Éxodo 20:13

Ama piyapi tëpacosohuëꞌ.

Levítico 19:18

Ama canpita capini ninoꞌhuitoma niiꞌhuërëtocosohuëꞌ. Canpitaora ninosororamaso pochachin aꞌnapitantaꞌ, nosorocoꞌ. Ca Sinioroco napotaranquëmaꞌ.

Números 23:18

Itohuachina, Paramosoꞌ Yosëri anitotërinsoꞌ, shaꞌhuiaantarin: “Paraco, quëmasoꞌ Sipor huiꞌninquën. Noya natanquë shaꞌhuichinquën:

Deuteronomio 32:35

Anaꞌintaꞌhuaso tahuëri nanihuachin, naporo noꞌtëquën iꞌhuërëtarahuë. Anotërëso pochin nipachinaꞌ, naporo huarëꞌ anaꞌintarahuë. Nani huachi taꞌhuantacaiso tahuëri yaꞌcaritërin. ¡Nani ora naniriarin anaꞌintacasoꞌ!’ ” tënin.

Jueces 9:7

Ina nitotaton Cotamosoꞌ, Quirisin motopi itopiquë nanpëontarin. Inatohua quëran yaꞌipi Siquimoroꞌsari natanacaiso marëꞌ chiníquën nonin: “Siquimoquë yaꞌhuëramasopita yaꞌipinquëma noya natanco ayonquiꞌinquëmaꞌ. ¡Inapochachin canpitantaꞌ, Yosë noya nataꞌinquëmaꞌ!