Génesis 4:2 - Chayahuita (Shahui)

² Ina quëran huaꞌhuaantarin. Quëmapi chachin huaiaantahuachina, Apiri itërin. Huiꞌnapitohuachinara, Apiriso ohuicaroꞌsa pëꞌtahuarin. Cainoso nipirinhuëꞌ, imin camayo.

Génesis 4:2 ပူးပေါင်းရင်းမြစ်များ

Génesis 3:23

Napoaton Sinioroso Yosë niꞌton, noyápiachin nararo quëran quëmapi ocoirin. Ocoirahuaton, niquë acorin. Inaquë sacatacaso marëꞌ acorin. Noꞌpaquë chachin sacatapon huachi.

Génesis 37:13

Naporoꞌ paꞌpini Cosi itapon: —Niꞌquë conpa. Iya mashoroꞌsa Siquimo yaꞌcari yaꞌhuëapi. Inaquë ohuicaroꞌsaꞌ, chiporoꞌsaꞌ, inapita aꞌpairapi. Paaton niꞌcontaquë topirahuë, itërin. —Noya tatapaꞌ. Paꞌi nipachin, itërin.

Génesis 4:1

Atan saꞌin huaꞌhuanpachina, quëmapiaꞌhuaya huairin. “Yosë catahuarinco niꞌton, quëmapiaꞌhuaya huaꞌhuanahuë huachi,” taꞌton, nininën acotërin. Caino itërin.

Génesis 4:3

Aꞌna tahuëri cato chachin ofrenda quëcatonaꞌ, Yosë chinotapi. Cainosoꞌ, shaꞌninso quëran Yosë chinotacaso marëꞌ quënin.

Génesis 47:3

Naporoꞌ inari natanin: —¿Maquëta canpitaso sacatëramaꞌ? itërin. —Quiyasoꞌ quëma piyapinënpita pochincoi ninai. Shimashonëhuëipita pochachin ohuica pëꞌtahuatonaꞌpiroꞌsacoi.

Génesis 9:20

Ina piquëran Noi iminaton, inaquë opasáchin shacaton, oparotërin.

Salmos 127:3

Sinioro catahuahuachinpoasoꞌ, huiꞌnanpoapita yaꞌhuëtërinpoaꞌ.

Éxodo 3:1

Moisësësoꞌ, miꞌsën ohuicanënpita aꞌpaitarin. Inasoꞌ shaꞌhuitëranquëmaso chachin Matianquë corto huaꞌan yaꞌconin. Aꞌna tahuëri Moisësësoꞌ, ohuicaroꞌsa quëpaton aꞌcacaso marëꞌ inotëro pëntontërin. Oripi motopiquë huarëꞌ canconin. Ina motopisoꞌ, Yosë motopinën itopi antaꞌ.

Amós 7:15

Ohuicaroꞌsa aꞌpairápirahuëꞌ: “Carinquën nanan quëtaranquën niꞌton, piyapinëhuëpita pënënacaso marëꞌ paquëꞌ,” itërinco Sinioro.

Lucas 11:50

Isoroꞌpaꞌ ninin quëran huarëꞌ noya quëmapiꞌsaꞌ pënëntopirinahuëꞌ, naꞌa tëpapi. Apiriꞌton noya quëmapi nipirinhuëꞌ, iini tëparin. Ina piquëran aꞌnaya aꞌnaya noya pënëntopirinahuëꞌ, tëparaꞌpiapi. Naꞌa piꞌipi napopi. Napoin quëran Sacariasë tëpapi antaꞌ. Yosë chinotopiso pëiquë chachin tëpapi. Canpitaso nipirinhuëꞌ ina nitotapomarahuëꞌ, co natantochináchinhuëꞌ cancantëramaꞌ. Napoaton Yosë naꞌcon naꞌcon anaꞌintarinquëmaꞌ.

Juan 8:44

Sopai huaꞌan mini tataparinquëmasoꞌ. Ina pochin cancantatomaꞌ, inasáchin natëaramaꞌ. Iráca quëran huarëꞌ piyapiꞌsaꞌ tëpanaꞌpi inasoꞌ. Co noꞌtëquën nitononinhuëꞌ niꞌton, co piꞌpisha tërantaꞌ natëcasoꞌ yaꞌhuërinhuëꞌ. Paꞌpi nonpintëꞌ inasoꞌ. Inachin, nonpinacasoráchin cancantërin. Ina nohuanton, nonpinëꞌ.

1 Juan 3:10

Co sacaihuëꞌ Yosë huiꞌninpita nohuitacasoꞌ. Noyasáchin nipatëhuaꞌ, Yosë huiꞌninpita pochin nisarëhuaꞌ. Nipirinhuëꞌ, co noyahuëꞌ nipachinaꞌ, co Yosë huëntonënquë yaꞌconpihuëꞌ. Co imapisopita nosorohuachinahuëꞌ, co Yosë huiꞌninpita pochin nisapihuëꞌ. Sopai huiꞌninpita pochin nisapi. Co noyahuëꞌ cancantopi quëran sopai huiꞌninpita nohuitarëhuaꞌ.

1 Juan 3:12

Iráca Cainosoꞌ sopai natëton, iin tëparin. ¿Maꞌmarëtaꞌ tëparin? Iinsoꞌ noya ninin niꞌton, noꞌhuiton, tëparin. Ama ina pochin cancantocosohuëꞌ.

1 Juan 3:15

Aꞌna piyapi noꞌhuihuatamaꞌ, tëpatonaꞌpiroꞌsa pochin Yosë niꞌsarinquëmaꞌ. Tëpatonapiroꞌsasoꞌ, co Yosë pochin nanpimiatacaiso yaꞌhuërinhuëꞌ.