Génesis 4:15 - Chayahuita (Shahui)

¹⁵ —Insosona tëpahuachinquën, inanta naꞌcon naꞌcon anaꞌintacaso yaꞌhuërin. Canchisëro anaꞌintacaso yaꞌhuërin, itërin Siniorori. Napotahuaton marca acotërin. Quënanpachina ama tëpacaiso marëhuëꞌ, inapotërin.

Génesis 4:15 ပူးပေါင်းရင်းမြစ်များ

Génesis 4:24

Iin tëparinso marëꞌ Caino tëpahuachinasoꞌ, canchisëro aquëtë Yosëri iꞌhuërëtapon. Caso nipirinhuëꞌ, tëpatërahuëso marëꞌ tëpahuachinaco, canchisë shonca canchisëro aquëtë iꞌhuërëtacaiso yaꞌhuërin,” itërin.

Oseas 1:4

Naporoꞌ Siniorori Osiasë camaiaton: “Huiꞌnan huaꞌhuatërinsoꞌ, Quisiriro itëquëꞌ. Co huaꞌquiya quëranhuëꞌ Quio copirno Quisiriro ninanoquë paꞌpi co noyahuëꞌ nininso marëꞌ shinpita anaꞌintarahuë. Naporahuaton tahuëri nanihuachin, Israiro huëntonquë co huachi copirnoroꞌsa huaꞌanëntaponahuëꞌ. Ina tapon ina pochin huiꞌnan nohuitëquëꞌ.

Mateo 26:52

Quisososo nipirinhuëꞌ co nohuantërinhuëꞌ. —Sahuëninën iyasha, poꞌmoantaquëꞌ. Huaꞌnaquë tëpatohuatamaꞌ, huaꞌna quëran chachin tëpainëmasoꞌ yaꞌhuërin.

Apocalipsis 14:11

Co onporontaꞌ pën tacopiaponhuëꞌ. Inaquë conaintaꞌ tomontápon. Parisitápona. Co sanoarinhuëꞌ. Insopitasona maꞌsha paꞌpi tëꞌhuatoroꞌ nininsoꞌ natëtonaꞌ, mamanshinën moshahuachinaꞌ, tahuërirë chachin, tashirë chachin chiníquën parisitáponaꞌ. Co marcanën niacotacasoꞌ yaꞌhuërinhuëꞌ, tënin.

Apocalipsis 14:9

Ina piquëran aꞌna anquënintaꞌ paaton, chiníquën nonsarin. —Ama maꞌsha paꞌpi tëꞌhuatoroꞌ nininsoꞌ natëcosohuëꞌ. Ama mamanshinën moshacosohuëꞌ. Tëꞌyamaquë marcanën yaacotarinquëmaꞌ huaꞌanëntinquëmaso marëꞌ. Ama natëcosohuëꞌ. Ina chinotohuatamaꞌ, Yosë anaꞌintarinquëmaꞌ.