Génesis 4:14 - Chayahuita (Shahui)

¹⁴ Ipora tahuëri iso roꞌtë quëran ocoiaranco. Co huachi yaꞌhuëmia yaꞌhuapohuëꞌ, patë patë́rantaꞌhuaso yaꞌhuërin. Co huachi sano cancantaꞌhuaso yaꞌhuaponhuëꞌ. Co chinotaꞌhuanquënso tëranta nanitapohuëꞌ. Napoaton inso tëranta quënanpachinco, tëpaponco tënahuë, itërin Cainori.

Génesis 4:14 ပူးပေါင်းရင်းမြစ်များ

Génesis 3:24

Piyapi ocoirahuaton, piꞌi pipirin parti quëran aꞌpaito anquëniroꞌsa acorin. Inapitasoꞌ, quiropinoꞌsa itopi. Noyápiachin nararo aꞌpaicaiso marëꞌ acorin. Ina yaꞌcarintaꞌ, sahuëni orotaton huënin huënintárin acorin. Ama incari tëranta nanpirin nara yaꞌcaricaso marëhuëꞌ, aꞌpairapi.

Génesis 4:13

—¡Maꞌhuantacha nisarahuë paya! Co ahuantochináchinhuëꞌ anaꞌintaranco.

Isaías 8:22

Isoroꞌpaquënta yonípirinahuëꞌ, co insoari tëranta catahuaponhuëꞌ. Napoaton parisitatonaꞌ, nosorotáponaꞌ. Tashinanquë co napion ancantërëso pochin cancantáponaꞌ. Tahuëripirinhuë tëranta tashirárinso pochin cancantáponaꞌ.

Mateo 25:41

Ahuënanëhuë quëran acorahuësopitaso nipirinhuëꞌ, shaꞌhuitarahuë: ‘Yaꞌipinquëmaꞌ paco huachi. Tata Yosë co noyahuëꞌ niꞌninquëmaꞌ niꞌton, anaꞌintarinquëma huachi. Panca pën nani acorin sopairoꞌsaꞌ anaꞌintacaso marëꞌ. Inaquë pën co onporontaꞌ tacopiarinhuëꞌ. Inaquë pacoꞌ canpitantaꞌ.

Mateo 25:46

Parisitopiquë paꞌsahuatonaꞌ, inaquë yaꞌhuëmiatapi huachi. Noya nipisopitaso nipirinhuëꞌ, Yosë pochin nanpimiatapi huachi,” itërin Quisosori.

2 Tesalonicenses 1:9

Noꞌtëquën anaꞌintaton, parisitopiquë aꞌpararin. Aquë aꞌpahuachin, chiníquën parisitomiatapi, co chaꞌësapihuëꞌ. Inatohuaꞌ paatonaꞌ, co onporontaꞌ Quisocristo nohuitapihuëꞌ. Inasoꞌ chini chiníquën nanantaton, noyasáchin niponahuëꞌ, inapitasoꞌ co onporontaꞌ nirayarapihuëꞌ.