Génesis 39:9 - Chayahuita (Shahui)

⁹ Chini chiníquën nanan quëtërinco iso pëiquë camaitaꞌhuaso marëꞌ. Naporahuaton, huaꞌanëhuë co maꞌsha tëranta apiratërincohuëꞌ. Quëmasáchin tëhuënchinsoꞌ saꞌinquën niꞌton, apiratërinco. Napoaton, co caso piꞌpian tëranta nohuantërahuëꞌ paꞌpi co noyahuëꞌ nininsoꞌ nicacaꞌhuasoꞌ. ¡Naporahuaton quëmarëꞌco ninahuë naporini, co Yosë natëtohuëꞌ, paꞌpi oshahuaintohuëꞌ! itërin.

Génesis 39:9 ပူးပေါင်းရင်းမြစ်များ

Génesis 13:13

Inaquësoꞌ, yaꞌhuëhuanoꞌsa paꞌpi co noyahuëꞌ nipi. Inapoatona oshahuanpi niꞌton, Yosëri noꞌhuípiro niꞌnin.

Génesis 20:3

Napoaponahuëꞌ, naporo tashi chachin Yosëri huëꞌënquë pënënin: “Quëmaso chiminaran. Sanapi mananso soꞌyahuan niꞌton, chiminamaso yaꞌhuërin,” itërin.

Génesis 20:6

Napotohuachina, Yosërinta huëꞌënquë chachin aꞌpaniantarin: “Tëhuënchachin co nitotatonhuëꞌ naporan. Napoaton ca nohuanto co ichihuëꞌëranhuëꞌ. Carinquën yaꞌcopiranquën ama oshahuanaton tëhuëtancoso marëhuëꞌ.

Génesis 20:9

Ina quëran Apraan amatahuaton, itapon: —¡Maꞌhuantacha nitapirancoihuë paya! ¡Caso co maquë tëranta tëhuëtëranquënhuëꞌ! Quëmaso nipirinhuëꞌ, napotatoncoi panca yaaoshahuanpirancoihuëꞌ. Ca aoshahuanatonco, quëmopinëhuëpita, piyapinëhuëpita, inapita, naꞌinchitonhuëꞌ. ¡Co naporëhuëꞌ!

Génesis 24:2

Aꞌna tahuëri, piyapinën masho masho nininsoꞌ, përarin. Inari yaꞌipi maꞌshanënpita aꞌpairin. Huëꞌpachina itapon: —Natëancoso nitotaꞌhuaso marëꞌ, tonaroana sëꞌhuatoco. Sëꞌhuatatonco: “Sinioroso Yosë niꞌton, inápaquë huaꞌanëntaton, isoroꞌpanta huaꞌanëntërin. Ina niꞌsárinco niꞌton, noꞌtëquën natëaranquën. Co isoporinquë Canaan sanapi nininsoꞌ, Isaco macacaso yaꞌhuërinhuëꞌ,” itoco.

Génesis 39:10

Napotopirinhuëꞌ, sanapiriso Cosi ichiquëhuënacaso marëꞌ nani tahuëri apisárin. Inaso napoaponahuëꞌ, co piꞌpisha tëranta nohuantërinhuëꞌ.

2 Samuel 11:27

Sëtërinso tahuëriꞌsa naꞌhuërin. Naporoꞌ Tapisoꞌ, pëinënquë quëntacaiso marëꞌ piyapinënpita camairin. Inapotaton manin. Huaꞌhuin noya nasitaponahuëꞌ, Siniororiso Tapi naporinso co noyahuëꞌ niꞌnin.

Copo naporinso' 31:23

‘Co noyahuëꞌ nipato, Yosë chini chiníquën nanantaton nanitërin anaꞌintiincosoꞌ. Inapotohuachinco co ahuantarahuëꞌ,’ taꞌto, noyasáchin ninahuë.

Salmos 51:4

Noya pënënpirancohuëꞌ, co natëranquënhuëꞌ. Naꞌinpiro nininsoꞌ nicato tëhuëtëranquën. Co natëranquënhuë niꞌquëhuarëꞌ, anaꞌintancoso yaꞌhuërin.

Éxodo 20:14

Nimapatamaꞌ, ama nitëhuananpitocosohuëꞌ.

Lucas 12:48

Aꞌnaso nipirinhuëꞌ co nitotërinhuëꞌ. Co noyahuëꞌ nipachina, co onpopinchin ahuihuitarinhuëꞌ. Inapochachin canpitantaꞌ naꞌcon aꞌchintëranquëmaꞌ niꞌton, noya natëcoꞌ. Naꞌcon nitotohuatamaꞌ, noya noya natëcasoꞌ yaꞌhuërin,” itërin.

1 Corintios 4:2

Inpriatonpoꞌ nipatëra, huaꞌanënpoꞌ noꞌtëquën natëcasoꞌ yaꞌhuërin. Inapochachin Yosë huaꞌanëntërincoi niꞌton, inasáchin natëcasoꞌ yaꞌhuërin.

Tito 2:10

Ama ihuachinasohuëꞌ. Noꞌtëquën natëtonaꞌ, ama piꞌpian tërantaꞌ nonpiinasohuëꞌ. Noya nipachinaꞌ, aꞌnapitarintaꞌ noya niꞌsapi. “Tata Yosë imatonaꞌ, noya nipi. Ma noyacha Yosë nanamënso paya,” taponaꞌ. Inasoꞌ tëhuënchachin nichaꞌësarinpoaꞌ.

Hebreos 13:4

Quëmapiꞌsaꞌ saꞌapachinaꞌ, ama aꞌna sanapi yonquiꞌinasohuëꞌ. Sanapiꞌsantaꞌ soꞌyahuachinaꞌ, ama soꞌinaꞌ tëhuananpichinasohuëꞌ. Ama mantaꞌ monshihuainasohuëꞌ. Monshihuanpatamaꞌ, Yosë chiníquën anaꞌintarinquëmaꞌ.

1 Juan 3:9

Huëntonënquë chachin Yosë ayaꞌconinpoaꞌ niꞌton, co iporasoꞌ paꞌyatarëhuahuëꞌ oshahuanacasoꞌ. Huiꞌnin pochachin cancantatonpoaꞌ, yonquinën chachin quëtërinpoaꞌ. Nasitantarëhuaso pochin ninëhuaꞌ. Napoaton co huachi nohuantarihuahuëꞌ oshahuanacasoꞌ.

Apocalipsis 21:8

Aꞌnapitaso nipirinhuëꞌ parisitáponaꞌ. Ayaroꞌ tahuëri naꞌa piyapiꞌsaꞌ pënquë paꞌsapi. Tëꞌhuatonaꞌ aꞌpopisopita, co natëpisopitahuëꞌ, co natëtochináchinhuëꞌ cancantopisopita, tëpatonaꞌpiroꞌsaꞌ, monshihuaninsopita, pënotonoꞌsaꞌ, mamanshi chinotopisopita, nonpinaꞌpiroꞌsaꞌ, inapita panca sono shaꞌpimoꞌshirë chachin pën tënëntápaquë paꞌsapi. Inaquë parisitáponaꞌ. Huaranca huaranca piꞌipintaꞌ nipirinhuëꞌ, co onporontaꞌ pipiapihuëꞌ.

Apocalipsis 22:15

Aꞌnaquënso nipirinhuëꞌ, co onporontaꞌ Yosë yaꞌhuërinquë paꞌsapihuëꞌ. Niꞌni pochin cancantopisopita, pënotonoꞌsaꞌ, monshihuanaꞌpiroꞌsaꞌ, tëpatoroꞌsaꞌ, mamanshi chinotopisopita, inapita aipiran yaꞌhuëmiatapi. Aꞌnaquëontaꞌ nonpinápi niꞌton, co nohuantapihuëꞌ noꞌtën nanan imacaisoꞌ. Inapitantaꞌ co onporontaꞌ Yosëꞌpaꞌ paꞌsapihuëꞌ.