Génesis 39:6 - Chayahuita (Shahui)

⁶ Cosiri yaꞌipi maꞌshanënpita noya aꞌpaitërin niꞌton, co huachi maꞌmarë tëranta yonquiárinhuëꞌ. Topinan noya coshatárin huachi. Cosisoꞌ, noyapin noyapin niꞌtomantarin niꞌton, yaꞌipi quëran paꞌyatopi.

Génesis 39:6 ပူးပေါင်းရင်းမြစ်များ

Génesis 29:17

Niasoꞌ, noyápiachin yaꞌpirahuanin. Naquiraso nipirinhuëꞌ, noyápiroyanchin, co máquën tëranta tëhuërinhuëꞌ.

Génesis 39:23

Cosi camaitohuachina tashinan pëiquë, noyasáchin sacatopi. Napoaton tashinan pëi huaꞌansoꞌ, co huachi Cosi sacatërinsoꞌ niꞌsárinhuëꞌ: “Siniorori chachin Cosiso catahuarin niꞌton, maꞌsona nipachina, noya pipitërin” taꞌton, naporin.

Génesis 39:4

Napoaton paꞌyatërin. Paꞌyataton, acorin catahuacaso marëꞌ. “Maꞌpitasona ninahuëquë, quëma catahuaponco,” itërin. Naporahuaton, yaꞌipi piyapinënpita camaiaton asacatacaso marëꞌ acorin. Yaꞌipi maꞌshanënpitanta aꞌpaicaso marëꞌ acorin.

Génesis 39:8

Napotopirinhuëꞌ, Cosiso co piꞌpisha tëranta nohuantërinhuëꞌ. Napoaton itapon: —Niꞌquë siyora, piꞌpian shaꞌhuichinquën topirahuë: Huaꞌanëhuë yaꞌipi yaꞌhuëtërinsopita aꞌpaiaꞌhuaso marëꞌ acorinco. Cari yaꞌipi aꞌpaiarahuë niꞌton, co maꞌmarë tëranta yonquiárinhuëꞌ. Natërinco niꞌton, sano cancantërin.

Génesis 43:32

Cosisoꞌ, aꞌna misaquë nisha oꞌhuintopi. Cacopo huiꞌninpitanta aꞌna misaquë nisha oꞌhuintopi. Iquipitoroꞌsanta Cosirëꞌ coshatopisoꞌ, aꞌna misaquë nisha oꞌhuintopi antaꞌ. Iquipitoroꞌsasoꞌ, iprioroꞌsarëꞌ coshatacaisoꞌ, naꞌin pochin niꞌpi. Napoaton nisha coshatopi.

Proverbios 31:11

Saꞌan noya nipachin natëaran. Co onporonta inaso aꞌna quëmapi tëhuarinhuëꞌ. Nani tahuëri sacataton coriqui yaꞌhuëtapon.

Lucas 16:10

Niꞌcoꞌ iyaroꞌsaꞌ. Huaꞌanëmaꞌ shaꞌhuitohuachinquëmaꞌ, natëcamasoꞌ yaꞌhuërin. Piꞌpian tërantaꞌ shaꞌhuitopirinquëmahuëꞌ, natëhuatamaꞌ, noya niꞌsarinquëmaꞌ. Chini chiníquën nanan quëtarinquëmaꞌ. Coꞌsoꞌ natëhuatamahuëꞌ, co chiníquën nanan quëtarinquëmahuëꞌ. ‘Nonpintarinco,’ taꞌton, co huachi natëarinquëmahuëꞌ.

Lucas 19:17

‘Ma noya sacatëran. Natëranco niꞌquëhuarëꞌ, huaꞌan acoꞌinquën. Shonca ninanoroꞌsaꞌ huaꞌanëntaran,’ itërin.

Hechos 7:20

Naporoꞌ, iyaroꞌsaꞌ, Moisësë nasitërin. Yosëri noya niꞌnin. Paꞌpin aꞌshinë chachin nosoropi niꞌton, cara yoqui poꞌorahuatonaꞌ, pëinënquë acanopitopi.

1 Samuel 16:12

Napotohuachina Quisisoꞌ, aꞌnara aꞌparin ina macontacaso marëꞌ. Inasoꞌ canquihuachina niꞌpirinhuëꞌ, huiꞌnapi. Noyapin noyapin niꞌtahuaton, quëhuashin aintërin, naporin. Naporoꞌ Siniorori Samoiro itapon: —Iso mini huayonahuësoꞌ. Ina copirno nicacaso marëꞌ tomaquë opomototahuaton, acoquëꞌ, itërin.

1 Samuel 17:42

Coriatori Tapi niꞌpirinhuëꞌ, quëhuashin aintahuaton, noyapin noyapin niꞌtërin niꞌnin. Ina pochin nicaton nocanin.