Génesis 39:4 - Chayahuita (Shahui)

⁴ Napoaton paꞌyatërin. Paꞌyataton, acorin catahuacaso marëꞌ. “Maꞌpitasona ninahuëquë, quëma catahuaponco,” itërin. Naporahuaton, yaꞌipi piyapinënpita camaiaton asacatacaso marëꞌ acorin. Yaꞌipi maꞌshanënpitanta aꞌpaicaso marëꞌ acorin.

Génesis 39:4 ပူးပေါင်းရင်းမြစ်များ

Génesis 15:2

Napotopirinhuëꞌ, Apranisoꞌ itapon: —Sinioro. Quëmaso Yosënquën. Panca acanamiatopirancohuëntaꞌ, co huiꞌnahuë yaꞌhuëtërincohuëꞌ niꞌton, topinan quëran nisarin. Co aꞌnaya tëranta huiꞌnahuë quëtërancohuë niꞌton, piyapinëhuë Irisëro itëraiso yaꞌhuërëtaponco. Inaso Tamasco piyapi nipirinhuëꞌ, chiminpato yaꞌhuërëtaponco, itërin.

Génesis 24:2

Aꞌna tahuëri, piyapinën masho masho nininsoꞌ, përarin. Inari yaꞌipi maꞌshanënpita aꞌpairin. Huëꞌpachina itapon: —Natëancoso nitotaꞌhuaso marëꞌ, tonaroana sëꞌhuatoco. Sëꞌhuatatonco: “Sinioroso Yosë niꞌton, inápaquë huaꞌanëntaton, isoroꞌpanta huaꞌanëntërin. Ina niꞌsárinco niꞌton, noꞌtëquën natëaranquën. Co isoporinquë Canaan sanapi nininsoꞌ, Isaco macacaso yaꞌhuërinhuëꞌ,” itoco.

Génesis 32:5

Naꞌa ohuacaroꞌsaꞌ, moraroꞌsaꞌ, ohuicaroꞌsaꞌ, inapita yaꞌhuëtërinco. Piyapinëhuëpitantaꞌ, quëmapiꞌsaꞌ, sanapiꞌsaꞌ, yaꞌhuëtërinco. Iso nanan, aꞌpataranquën noya ninicatë yaꞌhuëantacaso marëꞌ tënin,’ itocoꞌ,” itërin. Napotahuaton aꞌparin.

Génesis 33:10

Itopirinhuëꞌ, Cacoposoꞌ taantarin: —Ama iya masho napoquësohuëꞌ. Tëhuënchachin noya ninicatë yaꞌhuantacaso nohuantohuatan, onpopionta maquë taꞌa. Quëmaora chachin noya nontaantarancosoꞌ nicato, Yosë chachin napotërincoso pochin cancantërahuë.

Génesis 33:8

Ina quëran Isaosoꞌ, Cacopo natanin: —¿Maꞌmarëta ina nápo pëꞌtahua huëntonoꞌsa aꞌparansopita, nacapirimarahuë? itërin. —Noya ninicatë yaꞌhuantacaso marëꞌ aꞌpatëranquënsopita, itërin Cacopori.

Génesis 39:8

Napotopirinhuëꞌ, Cosiso co piꞌpisha tëranta nohuantërinhuëꞌ. Napoaton itapon: —Niꞌquë siyora, piꞌpian shaꞌhuichinquën topirahuë: Huaꞌanëhuë yaꞌipi yaꞌhuëtërinsopita aꞌpaiaꞌhuaso marëꞌ acorinco. Cari yaꞌipi aꞌpaiarahuë niꞌton, co maꞌmarë tëranta yonquiárinhuëꞌ. Natërinco niꞌton, sano cancantërin.

Hechos 20:28

Canpitantaꞌ niꞌcona piꞌpian tërantaꞌ Yosë naniantotamaꞌ. Quisoso imapisopitantaꞌ noya niꞌcoꞌ. Ispirito Santo nani acorinquëmaꞌ huaꞌanën pochin nicacamaso marëꞌ. Inapitantaꞌ Yosë huëntonënquë yaꞌconpi. Quisoso chiminaton, ayaꞌconinpoaꞌ.

1 Samuel 16:22

Ina piquëran Saonosoꞌ, aꞌnara piyapinën aꞌparin Quisi nontacaso marëꞌ: “Tapi nóya niꞌnahuë niꞌton, carë sacachin topirahuë, tënin Saono,” itërin.

1 Samuel 2:26

Samoiroso nipirinhuëꞌ, noya soꞌsorarin. Naporahuaton noyasáchin nisarin niꞌton, piyapiꞌsari noya niꞌpi. Siniororinta noya niꞌnin.