Génesis 39:21 - Chayahuita (Shahui)

²¹ Tashinan pëiquë poꞌmopirinahuëꞌ, Siniororisoꞌ co Cosi naniantërinhuëꞌ. Nosoroaton catahuaantarin niꞌton, tashinan pëi huaꞌani, noya nicaton paꞌyatërin: “Cosisoꞌ, nóya huiꞌnapi,” taꞌton, noya niꞌnin.

Génesis 39:21 ပူးပေါင်းရင်းမြစ်များ

Génesis 21:22

Naporo tahuëriꞌsa pochin Apimirico paꞌnin Apraan nontapon. Huicororëꞌ paꞌnin. Inasoꞌ, Apimirico sontaronënpita camairinsoꞌ. Inaquë Apimiricori Apraan itapon: —Tëhuënchachin quëmasoꞌ nani maꞌsha nipatana, Yosë catahuarinquënso niꞌnai.

Génesis 39:2

Cosiso napotopirinahuëꞌ, Siniorori co naniantërinhuëꞌ. Inari catahuarin niꞌton, huaꞌanën pëinënquë noya yonquiaton yacapatërin. Noya nicaton, noya yaꞌhuërin.

Génesis 39:3

Cosisoꞌ, Yosëri catahuarin. Huaꞌanëni ina nicaton: “Nani maꞌsha Cosi nipachina, Yosëri catahuarin niꞌton, noya pipitërin,” tënin.

Génesis 39:4

Napoaton paꞌyatërin. Paꞌyataton, acorin catahuacaso marëꞌ. “Maꞌpitasona ninahuëquë, quëma catahuaponco,” itërin. Naporahuaton, yaꞌipi piyapinënpita camaiaton asacatacaso marëꞌ acorin. Yaꞌipi maꞌshanënpitanta aꞌpaicaso marëꞌ acorin.

Salmos 105:19

Sinioro nanamën shaꞌhuirinso marëꞌ piyapiꞌsasoꞌ: “Tëhuënchachin taꞌma naporëꞌpoꞌ,” topirinahuëꞌ, tanarotacaiso naniquë huarëꞌ, natëpi huachi.

Salmos 105:22

Ansianoroꞌsaꞌ, huaꞌanoꞌsaꞌ, inapita aꞌchintacaso marëꞌ acorin. Aꞌchintohuachina, naꞌcon naꞌcon nitotopi huachi.

Éxodo 11:3

Moisësëri shaꞌhuitërinso chachin, israiroꞌsaso maꞌsha natantacaiso marëꞌ paꞌpi. Paꞌpachinara, Yosë nohuanton iquipitoroꞌsa co noꞌhuitopihuëꞌ. Maꞌsona natantopisoꞌ quëtopi. Moisësënta tëꞌhuatatona noya niꞌpi. Copirno catahuapisopita huaꞌanoꞌsarinta ina pochachin Moisësë niꞌpi.

Éxodo 3:21

Naporahuaton, ca nohuanton, paꞌyanënaquë nani maꞌsha topinan quëtaponënquëmaꞌ. Co topinan chachin pipiapomahuëꞌ.

Isaías 41:10

Ama manta tëꞌhuacosohuëꞌ, caꞌtanaranquëmaꞌ. Ama paꞌyancosohuëꞌ. Caso Yosëco niꞌsáranquëmaꞌ. Carinquëma achiniatënquëma catahuaranquëmaꞌ. Chiníquën nanantato inchinanëhuë quëran sëꞌquëaranquëmaꞌ.

Isaías 43:2

Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

Daniel 1:9

Yosë nohuanton huaꞌaniso Naniri noya nicaponahuëꞌ: —Nani copirno camaitërin maꞌsona canpita capacamasoꞌ. Maꞌsona oꞌocamasontaꞌ, nani camaitërin. Canpitaso nisha capatoma co aꞌnapita huiꞌnapiꞌsa pochin copirno niꞌpachinquëmahuëꞌ, canpita naꞌin quëran inaso atëpataponco. Ina tëꞌhuatato napoarahuë taꞌa, itërin.

Romanos 8:37

Ina nipirinhuëꞌ, Quisocristo nosororinpoaꞌ. Parisitapirëhuahuëꞌ, nani tahuëri catahuarinpoaꞌ sopai minsëcaso marëꞌ. Nóya cancantarëhuaꞌ.

1 Pedro 3:17

Co noyahuëꞌ nipatëra, parisitacasoꞌ yaꞌhuërin. Aꞌna tahuëriso nipirinhuëꞌ Yosë nohuanton, imarëhuasopitantaꞌ parisitarëhuaꞌ. Noya nipirëhuahuëntaꞌ, piyapi aparisitarinënpoaꞌ. Ina pochin parisitacasoꞌ Yosë nohuantërin.