Génesis 39:10 - Chayahuita (Shahui)

¹⁰ Napotopirinhuëꞌ, sanapiriso Cosi ichiquëhuënacaso marëꞌ nani tahuëri apisárin. Inaso napoaponahuëꞌ, co piꞌpisha tëranta nohuantërinhuëꞌ.

Génesis 39:10 ပူးပေါင်းရင်းမြစ်များ

Génesis 39:11

Aꞌna tahuëriso nipirinhuëꞌ, Cosi pëiquë sacatapon yaꞌconin. Naporoꞌ co aꞌnapita yaꞌhuëasoihuë niꞌton, sanapiso Cosi soꞌhuianarinso matërin. Inapotaton: —Huëquë paꞌa quëmaso inapoquëꞌ, itërin. Napotopirinhuëꞌ, Cosiso nisoꞌhuianatërinso paꞌcoirahuaton, taꞌarin.

Génesis 39:8

Napotopirinhuëꞌ, Cosiso co piꞌpisha tëranta nohuantërinhuëꞌ. Napoaton itapon: —Niꞌquë siyora, piꞌpian shaꞌhuichinquën topirahuë: Huaꞌanëhuë yaꞌipi yaꞌhuëtërinsopita aꞌpaiaꞌhuaso marëꞌ acorinco. Cari yaꞌipi aꞌpaiarahuë niꞌton, co maꞌmarë tëranta yonquiárinhuëꞌ. Natërinco niꞌton, sano cancantërin.

Génesis 39:9

Chini chiníquën nanan quëtërinco iso pëiquë camaitaꞌhuaso marëꞌ. Naporahuaton, huaꞌanëhuë co maꞌsha tëranta apiratërincohuëꞌ. Quëmasáchin tëhuënchinsoꞌ saꞌinquën niꞌton, apiratërinco. Napoaton, co caso piꞌpian tëranta nohuantërahuëꞌ paꞌpi co noyahuëꞌ nininsoꞌ nicacaꞌhuasoꞌ. ¡Naporahuaton quëmarëꞌco ninahuë naporini, co Yosë natëtohuëꞌ, paꞌpi oshahuaintohuëꞌ! itërin.

Proverbios 1:15

Napotopirinënhuëꞌ, ¡ama huaꞌhua imatëquësohuëꞌ! Inahuasoꞌ, co noyahuëꞌ yonquiatona paꞌsapi. Yaꞌhuincananpiquëꞌ.

Proverbios 23:27

Monshihuantë sanapisoꞌ, nanincatë yamianasha pochin niconin. Inarëꞌquënpoa poꞌpatëra, inaquë toꞌhuarantërëso pochin nisarëhuaꞌ.

Proverbios 23:28

Ina pochin sanapiꞌsasoꞌ, ihuatë pochin yatoꞌshitëtopi. Inapoatonaꞌ, naꞌa piyapiꞌsa anishacancantopi.

Proverbios 7:13

Inasoꞌ, huiꞌnapi iporahuaton apinorin. Co taparohuanhuëꞌ nontaton itapon:

Proverbios 7:5

Ina, soꞌin tëhuananpitë sanapi quëran, nichaꞌësarinquën. Inaso nisha niponahuëꞌ yashi yashin nonaton, quëmapiꞌsa yaanishacancantërin.

1 Corintios 15:33

Ama ina pochin yonquicosohuëꞌ. Niꞌcona aꞌnapita anishacancantochinënquëmaꞌ. “Co noyahuëꞌ nipisopitarëꞌquëmaꞌ nipayahuatamaꞌ, canpitantaꞌ nitapicancanaramaꞌ. Inapita nonanpatamaꞌ, co huachi noyápiachin cancantaramahuëꞌ,” topi iráca. Noꞌtëquën napopi.

1 Corintios 6:18

Napoaton ama piꞌpisha tërantaꞌ monshihuancosohuëꞌ. Ihuatacasoꞌ, noꞌpicasoꞌ, inapita nicacasoꞌ co noyahuëꞌ, nipirinhuëꞌ, co atapicancaninpoahuëꞌ. Monshihuanpatamaꞌ, nitapicancanaramaꞌ. Nonëmantaꞌ tapiaramaꞌ.

1 Tesalonicenses 5:22

Yaꞌipi aoshahuaninquëmasopita aꞌpocoꞌ.

1 Timoteo 5:14

Napoaton nanoꞌsaꞌ soꞌinari ayananpihuachinaꞌ, soꞌyantaꞌinaꞌ, tënahuë. Soꞌyantatonaꞌ, huaꞌhuaantaꞌinaꞌ. Soꞌinaꞌ, huaꞌhuinpita, inapita nocomahuachinaꞌ, noya nisapi. Napohuachinaꞌ, co aꞌnapitari pinosapihuëꞌ.

2 Timoteo 2:22

Aꞌnaquën huiꞌnapiꞌsasoꞌ nisha nisha yonquiatonaꞌ, paꞌsápi. Ama ina pochin yonquiquësohuëꞌ. Noyasáchin nicacasoꞌ yonquiquëꞌ. Yaꞌipi cancanën quëran Quisocristo natëquëꞌ. Yaꞌipi piyapi nosoroquëꞌ. Yaꞌipi imarëhuaso capininpoaꞌ noya niniꞌtëhuaꞌ, yaꞌhuaꞌahuaꞌ. Noyápiachin cancantatëhuaꞌ, Sinioro nontërëhuaꞌ catahuainpoaso marëꞌ.

1 Pedro 2:11

Nosororanquëmaꞌ iyaroꞌsaꞌ niꞌton, pënënaranquëmaꞌ. Quisocristo imatomaꞌ, co isoroꞌpaquë yaꞌhuëmiataramahuëꞌ. Yosëꞌpaꞌ yaꞌhuëmiataramasoꞌ. Napoaton ama maꞌsha isoroꞌpaquë yaꞌhuërinsopitaráchin yonquicosohuëꞌ. Isoroꞌpaquë noꞌpiápi, monshihuanapi, taparosáchin nonatonaꞌ, capa cancantapi. Ama ina pochin cancantocosohuëꞌ. Ina pochin cancantohuatamaꞌ, sopai minsëarinquëmaꞌ, co Yosë pochin cancantaramahuëꞌ.