Génesis 39:1 - Chayahuita (Shahui)

¹ Shaꞌhuitëranquëmaso chachin Cosisoꞌ, Ismairo nicatonoꞌsari Iquipito noꞌpaquë quëpapi. Inaquë aꞌnara Iquipito quëmapi Potihuaro itopisoꞌ paꞌantopi. Inasoꞌ, Iquipito copirnori catahuacaso marëꞌ acorin. Capitan yaꞌconaton, copirno aꞌpaipisopita sontaroꞌsa camairin.

Génesis 39:1 ပူးပေါင်းရင်းမြစ်များ

Génesis 37:25

Inapotahuatonaꞌ, coshatapi huachi. Coshatasoi niꞌpirinahuëꞌ, aꞌna huëntonaꞌ Ismairo nicatonoꞌsaꞌ, nioshirin huëꞌsapi. Carata parti quëran huëꞌsapi. Camiyonënaquë, pimo huaꞌsairoꞌsaꞌ, parsamo nimirio, pimo yaquiꞌ, inapita quësapi. Iquipitoquë paꞌanaponaꞌ, quëparapi.

Génesis 37:28

Nicatonoꞌsa inataquëchin naꞌhuërahuachinara, iinpitari Cosi ocoipi. Yaninantë poso quëran ocoirahuatonaꞌ, nicatonoꞌsa paꞌantopi. Cato shoncatë coriqui pahuërëtohuachinara, Iquipitoquë quëpapi huachi.

Génesis 37:36

Ismairo nicatonoꞌsasoꞌ, Iquipitoquë camapi. Camahuachinara, Cosiso aꞌnara quëmapi Potihuaro itopisoꞌ, paꞌantopi. Inasoꞌ, Iquipito copirnori catahuacaso marëꞌ acorin. Capitan yaꞌconaton, copirno aꞌpaipisopita sontaroꞌsa camairin.

Génesis 45:4

Tëꞌhuatopirinahuëꞌ, Cosiriso itapon: —Ama iyaroꞌsa tëꞌhuatocosohuëꞌ, yaꞌcaritocoꞌ, itërin. Naporo huarëꞌ iinpitari yaꞌcaririn. Yaꞌcarihuachinara, itaantarin: —Ca mini iyaparimaco. ¿Coꞌta iráca nicatonoꞌsa Iquipitoquë huëcasoi paꞌanamaco?

Salmos 105:17

Napoaponahuëꞌ, ina nohuanton Cosi quëchitërin. Inasoꞌ, aꞌna huaꞌani camaicaso marëꞌ paꞌanin.

Hechos 7:9

Aꞌnaraꞌ Cosi itopi. Iinpitari apiratatonaꞌ, noꞌhuipi. Iina chachin nipirinhuëꞌ, co quëꞌyapihuëꞌ. Napoaton nisharoꞌsaꞌ yaꞌnohuachinara, paꞌanpi asacatacaiso marëꞌ. Nisha piyapiꞌsari Iquipitoꞌpaꞌ quëpapi. Yosëriso nipirinhuëꞌ catahuarin.