Génesis 38:25 - Chayahuita (Shahui)

²⁵ Yaꞌhuëhuanoꞌsari Tamara aꞌpëcaso marëꞌ ocoirapirinahuëꞌ, inaso shiin nanan aꞌpatërin: “Iso sicho poꞌmoitëra pëꞌnatërinsorë chachin nininsoꞌ huaꞌanën, napotërinco. Iso huarantaꞌ, inanquën chachin niꞌton, noya nicaton nohuitëquëꞌ,” itëquëꞌ, itërin.

Génesis 38:25 ပူးပေါင်းရင်းမြစ်များ

Génesis 37:32

Inapotahuatona paꞌpinaquë aꞌpapi. Quëpanaꞌpisoꞌ iso pochin pënënpi: “Iso aꞌmopiso quënanai. Noya niꞌquëꞌ. ¿Huiꞌnanquën aꞌna nimara ti?” itëquëꞌ, itahuatona aꞌpapi huachi.

Génesis 38:18

—¿Maꞌta nipachin pachi? tënin Cota. —Sicho poꞌmoitëranën pëꞌnatëransoarë chachin, huaranën, inapita patëquëꞌ, itërin. Napotohuachina Cotasoꞌ, nataninsopita quëtërin. Inapoaton tëcarihuachina, naporo chachin huaꞌhuantërin.

Jeremías 2:26

Ihuatë quënayatohuachinara, tapanin. Inapochachin israiroꞌsantaꞌ, tapanaponaꞌ. Topinan piyapiroꞌsaꞌ, copirnonënapita, huaꞌanoꞌsaꞌ, corto huaꞌanoꞌsaꞌ, pënëntonaꞌpiroꞌsaꞌ, inapita napoaponaꞌ.

Romanos 2:16

Ayaroꞌ tahuëri yaꞌipi co noyahuëꞌ yonquirëhuasopita aipitarinpoaꞌ. Poꞌoana quëran maꞌsona tërantaꞌ onporëhuasopita aꞌninquëchin anitotarinpoaꞌ. Naporoꞌ tahuëri Tata Yosë nohuanton, Quisocristo noꞌtëquën shaꞌhuitarinpoaꞌ. Co noyahuëꞌ nipatëhuaꞌ, anaꞌintarinpoaꞌ. Ina nanan yaꞌipi parti shaꞌhuirarahuë.

1 Corintios 4:5

Napoaton iporasoꞌ ama nishaꞌhuirapiahuasohuëꞌ. Aꞌna tahuëri Sinioro oꞌmantahuachin, yaꞌipi piyapinpoaꞌ tëniarinpoaꞌ. Yaꞌipi ninëhuasopita anitotarinpoaꞌ. Poꞌoana quëran ninëhuasopitantaꞌ aꞌninquëchin shaꞌhuitarinpoaꞌ. Yonquirëhuasopitantaꞌ nitotërin. Maꞌmarësona tërantaꞌ naporëhuasoꞌ anitotarinpoaꞌ. Naporoꞌ yaꞌipinpoaꞌ noꞌtëquën nontarinpoaꞌ. Noya nipatëhuaꞌ, noya niꞌsarinpoaꞌ.

Apocalipsis 20:12

Ayaroꞌ tahuëri nani nanirin niꞌton, yaꞌipi chiminpisopita inatohuaꞌ huaniáponaꞌ. Huaꞌanoꞌsaꞌ, topinan piyapiꞌsaꞌ, inapita yaꞌipiya inaquë paꞌsapi. Yosëri anaꞌintacaso marëꞌ ayontonarin. Naporoꞌ quiricaroꞌsaꞌ inápaquë ninshitërinsoꞌ aꞌnaya aꞌnaya oniriarin. Aꞌnasoꞌ nanpirin quirica itopisoꞌ. Inaquë Yosë imapisopita nininënpita nani ninshitopi. Aꞌna quiricantaꞌ yaꞌhuërin. Inaquë yaꞌipi ninëhuasopita ninshitërinpoaꞌ. Noya ninëhuasopita, co noyahuëꞌ ninëhuasopita, yaꞌipiya nani ninshitërinpoaꞌ. Ina nontaton, Yosëri anaꞌintarin.