Génesis 38:23 - Chayahuita (Shahui)

²³ Napotohuachina, Cotari itapon: —Maꞌta pini. Noyatapon. Quëtërahuësopita yamapachin, main nipachin. Ina marëꞌ nanan ocoihuatëhuasoꞌ, piyapiꞌsa tëhuaponënpoaꞌ. Nanichi chipoaꞌhuaya aꞌpatochinpirahuëꞌ, co quëmari quënanconanhuëꞌ, itërin.

Génesis 38:23 ပူးပေါင်းရင်းမြစ်များ

Génesis 38:22

Napotohuachina, Cota yaꞌhuërinquë huëantarahuaton, itiintarin: —Coꞌchi sanapi quënanconahuë paya. Yaꞌhuëhuanoꞌsantaꞌ: “Co isëquë monshihuantë sanapi yaꞌhuërinhuëꞌ,” itërinaco, itërin.

Génesis 38:24

Cara yoqui quëran pochin, Cota shaꞌhuitapona huëcapaipi: —Shiparin Tamara itërëhuasoꞌ, monshihuanin. Napoaton iporasoꞌ cayorin huachi, itopi. Natanahuaton Cotasoꞌ, noꞌhuitaton yai tënin: —¡Ocoirahuatomaꞌ, aꞌpëco chimiin! tënin.

2 Samuel 12:9

Nani carima pënënanquëmaꞌ: Nimapatamaꞌ ama nitëhuananpitocosohuëꞌ, itëranquëmaꞌ. Naporahuaton ama tëpatocosohuëꞌ itëranquëmaꞌ. Napo pënëntërahuësoꞌ co nocanacaso yaꞌhuëpirinhuëꞌ, nocanan. ¡Inapoaton co costarahuësohuëꞌ ninan! Quëma camaitëran quëran Oriasë amonoꞌsari tëparin. Inapotahuaton saꞌin matëran.

Romanos 6:21

Inapohuatamara, ¿maꞌtaꞌ ina marëꞌ canaramaꞌ? Co ina marëꞌ canamiataramahuëꞌ. Topinan quëran yaꞌhuëramaꞌ. Ina pochin cancantohuatamaꞌ, chiminpatamaꞌ, parisitopiquë paꞌsaramaꞌ. Iráca ina pochin nipiramahuëꞌ, iporaso ina marëꞌ tapanamaꞌ.

2 Corintios 4:2

Aꞌnaquënsoꞌ co noyahuëꞌ yonquiatonaꞌ, aꞌchinapi. Noyasha nonpirinahuëꞌ, nonpinacaiso marëꞌ napopi. Quiyaso nipirinhuëꞌ co mantaꞌ poꞌoana quëran ninaihuëꞌ niꞌton, co tapanaꞌhuaisoꞌ yaꞌhuërinhuëꞌ. Co nisha nisha aꞌchinaihuëꞌ. Yaꞌipi Yosë nanamën noꞌtëquën aꞌchintarainquëmaꞌ. Yosë niꞌsárincoi niꞌton, inasáchin aꞌchinarai. Aꞌninquëchin aꞌchinai yaꞌipi piyapiꞌsaꞌ yonquicaiso marëꞌ.

Efesios 5:12

Paꞌpi co noyahuëꞌ nipi. Poꞌoana quëran aꞌnaratipita nipi. Napopiso aꞌninquëchin shaꞌhuirahuëꞌ naporini, paꞌpi tapaintërihuahuëꞌ.

Apocalipsis 16:15

Nani Quisoso shaꞌhuitërinpoaꞌ: “Niꞌcoꞌ, iyaroꞌsaꞌ. Aꞌnanaya oꞌmantararahuë. Ihuatë pochin nicato, co nitotasënquëmahuëꞌ, oꞌmantararahuë niꞌton, nani tahuëri ninaco. Noya ninahuatamaco, noya cancantaramaꞌ. Yosë noya niꞌsarinquëmaꞌ. Noyápiachin aꞌmorëso pochin noyasáchin nicoꞌ. Ina quëran oꞌmantahuato, co tapanapomahuëꞌ. Noya cancantaramaꞌ,” itërinpoaꞌ.