Génesis 38:18 - Chayahuita (Shahui)

¹⁸ —¿Maꞌta nipachin pachi? tënin Cota. —Sicho poꞌmoitëranën pëꞌnatëransoarë chachin, huaranën, inapita patëquëꞌ, itërin. Napotohuachina Cotasoꞌ, nataninsopita quëtërin. Inapoaton tëcarihuachina, naporo chachin huaꞌhuantërin.

Génesis 38:18 ပူးပေါင်းရင်းမြစ်များ

Génesis 38:17

—Pëꞌtahuarahuësopita quëran, aꞌnara chipoaꞌhua aꞌpatiaranquën, itaantarin Cotari. —Inta nipachin. Napoaponahuëꞌ, maꞌsha tëranta quëmaquën nininsoꞌ patëquëꞌ. Chipoaꞌhua aꞌpatianco huarëꞌ, cari tapaarahuë, itërin sanapiri.

Génesis 38:19

Ina quëran Tamarasoꞌ, paꞌpin yaꞌhuërinquë panantarin. Nipaꞌshinayatërinsoꞌ ocoirin. Aꞌmorinsonta ocoirahuaton, naquëranchin quëyoron aꞌmorinso aꞌmoantarin.

Génesis 41:42

Napotahuaton huaraonsoꞌ, imisirinquë sicho poꞌmoitëranën poꞌmorinsoꞌ ocoirin. Ina ocoirahuaton Cosi imisirinquë poꞌmotërin. Inapotahuaton, piyapinënpita camairin: “Noya noya rino piꞌshi quëran nëꞌmëtë nipisoꞌ aꞌmotocoꞌ. Naporahuaton, osëtë oro quëran nipisoꞌ, apëꞌpëconotocoꞌ.

Oseas 4:11

Ina quëran Sinioro taantarin: “Mamanshi marëꞌ sacatopisopita sanapiꞌsarëꞌ poꞌpachinara, co huachi noꞌtëquën yonquipihuëꞌ. Huinonta paꞌyatohuachinara, inapochachin nipi.

Lucas 15:22

Napotopirinhuëꞌ, paꞌpinisoꞌ naꞌcon nosororin. Piyapinënpita camairin. ‘Manóton paatomaꞌ, noyápiachin nininsoꞌ maconahuatomaꞌ, aꞌmotocoꞌ. Poꞌmoitërantaꞌ noyápiachin nininsoꞌ poꞌmotocoꞌ. Sapatëntaꞌ matonquëꞌ poꞌmoin.