Génesis 37:29 - Chayahuita (Shahui)

²⁹ Nopinoso Cosi tëꞌyatopiquë huënantahuachina, co huachi iin quënanquintarinhuëꞌ. Paꞌpi paꞌyanaton aꞌmorinso osharin.

Génesis 37:29 ပူးပေါင်းရင်းမြစ်များ

Génesis 34:13

Napopirinhuëꞌ, inapitariso oshina naꞌinin niꞌton, iꞌhuërëtacaiso marëꞌ yamonapi. Napoaton Siquimosoꞌ paꞌpinë chachin noyasha nontatona itaponaꞌ:

Génesis 37:34

Napoapon pochin co napion cancantaton aꞌmorinso nioshatërin. Naporahuaton, saꞌcatën nininsoꞌ sëtohuachinara aꞌmopisoꞌ, aꞌmorin. Ina aꞌmorin quëran huiꞌnin chimininso marëꞌ huaꞌqui naꞌnërárin, ayanárin, naporárin.

Génesis 44:13

Ina nicatona iinpitasoꞌ, paꞌpi sëtahuatona aꞌmoanpiso oshapi. Napohuachina, aꞌnaya aꞌnaya pëꞌpëtonëna moranënaquë aꞌmitahuatonaꞌ, naquëranchin ninanoquë ayaimantapi.

2 Samuel 1:11

Ina natanaton, Tapiso sontaronënpitarë chachin aꞌmopiso oshapi. Sëtopisoꞌ nitotai marëꞌ napopi.

2 Reyes 19:1

Cara huaꞌanoꞌsarisoꞌ, Asiria huaꞌani napotërinsoꞌ Isiquiasë shaꞌhuitonpi. Ina natanaton, co napion cancantërin. Inapoaton aꞌmorinso osharin. Ina quëran saꞌcatën aꞌmosahuaton, Sinioro chinotacaso pëiquë Yosë nontacaso marëꞌ paꞌnin.

2 Reyes 5:7

Nontohuachina, inaso paꞌyanin. Inapoaton aꞌmorinso osharin. Inaporahuaton piyapinënpita natantonënquë tapon: —¡Co caso Yosëcohuëꞌ! Inacha tëhuënchinsoꞌ nohuantërinsopita ananpirin. Nohuantërinsopitasoꞌ, chiminpi. Siria copirnosoꞌ, co chana caniori maninso anoyataꞌhuaso marëꞌ aꞌpatiincoso yaꞌhuërinhuëꞌ. Inta yonquirico canpitantaꞌ. Ahuëinënpoaso yonquiaton napotarinco inasoꞌ tënahuë, tënin.

Copo naporinso' 1:20

Naporo Coposoꞌ, co napion cancantahuaton huanirin. Aꞌmorinso osharahuaton, noyá niyaꞌirin. Inaporahuaton, Yosë chinotacaso marëꞌ, isonin. Isonin quëran noꞌpaquë huarëꞌ monshomarahuaton:

Jeremías 36:24

Copirno, catahuarinsopita huaꞌanoꞌsaꞌ, inapitaso natanaponaraihuëꞌ co manta Sinioro tëꞌhuatopihuëꞌ. Co oshanëna marëꞌ tëranta sëtopihuëꞌ.

Joel 2:13

Sinioro chachin tahuërëtaantacoꞌ. Inaso Yosënënpoaꞌ. Co napion sëtohuatamara, motoꞌ sëꞌmoramaꞌ. Ina pochin cancantatomaꞌ, oshanëma marëꞌ sëtocoꞌ. Siniorosoꞌ, noyápiachin cancantaton, aꞌnaroáchin yanosorotërin. Co aꞌnaroáchin noꞌhuitërinhuëꞌ. Nosoromiatërinpoaꞌ. Inasoꞌ, co insonta anaꞌintacaso nohuantërinhuëꞌ. Naporin.

Números 14:6

Cosoi, Caripi, inapitaso nipirinhuëꞌ, panca sëtatona aꞌmopiso oshapi. Inapitanta Canaan noꞌpaꞌ nohuitapona paꞌpisoꞌ.

Hechos 14:14

Naporo huarëꞌ Pirnapi, Paono, inapita nitotopi. Natanahuatonaꞌ: “Tata Yosëíchin chinotacasoꞌ yaꞌhuërin,” taꞌtonaꞌ, aꞌmopiso oshapi. Huancanachin taꞌarahuatonaꞌ, chiníquën nontopi.