Génesis 37:26 - Chayahuita (Shahui)

²⁶ Naporoꞌ Cotaso iinpita itapon: —¡Iyaꞌhua tëpahuatëhuaꞌ, co manta canarihuahuëꞌ! Naporahuaton inapotohuatëhuaꞌ, nonpi nonpínantacasoꞌ yaꞌhuapon.

Génesis 37:26 ပူးပေါင်းရင်းမြစ်များ

Génesis 25:32

Napotohuachina, Isaosoꞌ tapon: —Niꞌquë iyasha, tana caso yatëpararinco. Chiminpatosoꞌ, paninan ninahuëso marëꞌ canaꞌhuasoꞌ yaꞌhuëtërincosopita, topinan quëran nisarin, itërin.

Génesis 37:20

Huëco tëpaꞌahuaꞌ. Inapotatëhua poso yaninantëquë poꞌmoaꞌahuaꞌ. Ina quëran “paꞌpiniri caꞌnin,” itahuaꞌ. Inapotohuatëhuaꞌ, ¿naniintaꞌma huaꞌnarinsopita paꞌ? niitopi.

Génesis 4:10

Napotohuachina, Siniorori itapon: —¿Onpoatonta naporan? Iyaya tëpaton, paꞌpi co noyahuëꞌ ninan. Huënainën aꞌpatëran niꞌton, co huachi noya yaꞌhuëcamaso marëhuëꞌ shaꞌhuitaranquën.

Génesis 4:9

Siniorori nitotaton, Caino itapon: —¡Maꞌsona iyaya onporinsoꞌ, shaꞌhuitoco! itërin. Napotohuachina, Cainoso tapon: —Co nitotërahuëꞌ. ¡Co ina aꞌpairápaꞌhuaso yaꞌhuërinhuëꞌ! itërin.

Génesis 42:21

Napoaponahuëꞌ, inahua capini ninontopi: —Tëhuënchachin canpoasoꞌ iráca paꞌpi co noyahuëꞌ ninëhuaꞌ. Iyaꞌhua maꞌsha onpotohuatëhuara, nosorochináchin nontopirinpoahuëꞌ, co nosororëhuahuëꞌ. Co napion ancantërinso nicarihuarahuëꞌ, co tahuërëtërëhuahuëꞌ. Napoaton iporasoꞌ canpoantaꞌ, poꞌsarëhua huachi, nitopi.

Génesis 50:20

Canpitaso mini, maꞌsha onpotamacoso yonquipiramahuëꞌ, Yosëso nipirinhuëꞌ, inaporamaso anoyatërin. Ama notohuaroꞌ piyapiꞌsa taquicaiso marëhuëꞌ, inaporin.

2 Samuel 1:16

Ina chiminasoꞌ, Tapiri itapon: —Quëmaora tëhuënënquë chiminaran: “Siniorori copirno huayoninsoꞌ tëparahuë,” tënanso marëꞌ ninaꞌintëran, itërin.

Jeremías 36:25

Irinatan, Tiraiasë, Quimariasë, inapitaso ama soꞌnanpi quirica aꞌpëcaso marëhuëꞌ nontopirinahuëꞌ, co copirnori natërinhuëꞌ.

Mateo 16:26

Yaꞌipi maꞌsha isoroꞌpaquë yaꞌhuërinsopita canapiramahuëꞌ, co huaꞌyanëmaꞌ chaꞌëpachinhuëꞌ topinan quëran nisarin. ¡Onpontaꞌ pahuërëtapiramahuëꞌ, co huachi huaꞌyanëmaꞌ nanitarinhuëꞌ chaꞌëcasoꞌ!

Romanos 6:21

Inapohuatamara, ¿maꞌtaꞌ ina marëꞌ canaramaꞌ? Co ina marëꞌ canamiataramahuëꞌ. Topinan quëran yaꞌhuëramaꞌ. Ina pochin cancantohuatamaꞌ, chiminpatamaꞌ, parisitopiquë paꞌsaramaꞌ. Iráca ina pochin nipiramahuëꞌ, iporaso ina marëꞌ tapanamaꞌ.