Génesis 37:2 - Chayahuita (Shahui)

² Cacopo huiꞌninpita naporinso shaꞌhuichinquëma nitotocoꞌ. Cosi shonca canchisë piꞌipitapon pochin, iinpitarë chachin paꞌpin ohuicanënpita aꞌpairin. Paꞌpin cosonanënpita: Pira, Siripa, inapita huaꞌhuinpitarëꞌ aꞌpairin. Iinpitaso co noyahuëꞌ nipi niꞌton, Cosisoꞌ paꞌpinquë yáshaꞌhuirapirin.

Génesis 37:2 ပူးပေါင်းရင်းမြစ်များ

Génesis 10:1

Iporasoꞌ, Simo, Camo, Cahuito, inapita shinpita napopiso shaꞌhuichinquëmaꞌ. Pacon paꞌninso piquëran huiꞌnahuanatona naꞌantapisoꞌ, shaꞌhuichinquëmaꞌ. Simo, Camo, Cahuito, inapitaso nani shaꞌhuirahuëso chachin, Noi huiꞌninpita.

Génesis 2:4

Ina pochin Yosë iráca: Isoroꞌpaꞌ, piꞌiroꞌtëꞌ, inapita acorin. Yaꞌipi noꞌtëquën shaꞌhuitaranquëmaꞌ. Sinioroso Yosë niꞌton, inapita yaꞌnan acoaponahuëꞌ,

Génesis 30:4

Inapoaton, Naquirari piyapinën Pira itopisoꞌ, soꞌin acoantërin. Acoantohuachina, ichihuëꞌërin.

Génesis 30:9

Nianta co huachi huaꞌhuanacaso nanitërinhuëꞌ. Napoaton piyapinën Siripa itopisoꞌ Cacopo acoantërin.

Génesis 35:22

Inaquë huaꞌquimiachin yaꞌhuëpi. Inaquë chachin Nopinosoꞌ, paꞌpin cosonanën Pira itopiso monshitaton, ichihuëꞌërin. Ina natantahuaton, Israiroso paꞌpi noꞌhuitërin. Cacoposoꞌ shonca cato huiꞌninpita quëmapiꞌsa yaꞌhuëtërin.

Génesis 41:46

Cosi cara shonca piꞌipitohuachina, Iquipito copirno marëꞌ caniaritërin sacatacasoꞌ. Nani acohuachina, huaraon nontahuaton caniaritërin yaꞌipi Iquipito noꞌpaꞌ paꞌtacasoꞌ.

Génesis 42:8

Cosiriso iinpita nohuitërin. Inapitariso napoaponahuëꞌ, co ina nohuitopihuëꞌ.

Génesis 45:6

Ipora huarëꞌ iso noꞌpaquë, cato piꞌipi nisarin tanarotopisoꞌ. Aꞌnatërápo piꞌi chachin, pahuanarin. Ina nápo piꞌi shaꞌtopirinahuëntaꞌ, co manta nitërinsoꞌ macaponahuëꞌ.

Génesis 5:1

Atan shinpita napopiso shaꞌhuichinquëma nitotocoꞌ. Yosëri piyapi nipachina, inaora pochachin ninin.

Génesis 6:9

Noi naporinso shaꞌhuichinquëmaꞌ: Noiso Yosëíchin natëton, nóya ninin. Naporo tahuëriꞌsa inaíchin Yosë nohuantërinso ninin.

Juan 7:7

Canpitasoꞌ piyapiꞌsaꞌ co noꞌhuirinënquëmahuëꞌ. Caso nipirinhuëꞌ noꞌhuirinaco. “Co noyahuëꞌ ninamaꞌ,” itërahuëso marëꞌ noꞌhuirinaco.

1 Corintios 1:11

Aꞌnaquëmaꞌ, iyaroꞌsaꞌ, canpita capini ninoꞌhuiramaꞌ, natantërahuë. Croi quëmopinënpita shaꞌhuitiirinco.

1 Corintios 11:18

Yosë chinotacaso marëꞌ niyontonpatamara, aꞌna huënton aꞌna huënton nicatomaꞌ, ninoꞌhuiramaꞌ, natantërahuë. Noꞌtëquën shaꞌhuitërinaco, topirahuëꞌ.

1 Corintios 5:1

Aꞌnaquënsoꞌ co noyahuëꞌ nicaton, monshihuanin, topi natantërahuë. Inasoꞌ paꞌpin saꞌin monshitërin. Inapoaton, paꞌpi co noyahuëꞌ ninin. Co imapisopitahuë tërantaꞌ co onporontaꞌ ina pochin nipihuëꞌ.