Génesis 37:19 - Chayahuita (Shahui)

¹⁹ Inahua capini ninontopi: —¡Niꞌcoꞌ. Huaꞌnatonaꞌpi huëꞌsarin!

Génesis 37:19 ပူးပေါင်းရင်းမြစ်များ

Génesis 28:12

Naporo tashi huëꞌëton, huaꞌnarin: Aꞌnara nanpënan noꞌpaquë paquërahuaton, Yosë yaꞌhuërinquë huarëꞌ nincanin niꞌnin. Ina nanpënanquë chachin, pancatë niꞌton, Yosë anquëninënpita aꞌnaquën pantarapi, aꞌnaquënso oꞌmarapi.

Génesis 37:11

Iinpitariso noyapatonaꞌ, aquë aquëtë noꞌhuirápi. Paꞌpinso nipirinhuëꞌ, huiꞌnin naporinso naꞌcon yonquirárin.

Génesis 37:18

Inapitarintaꞌ, áquë quëran Cosi quënanpi. Quënanahuatonaꞌ, coꞌhuara yaꞌcarichátërasohuëꞌ, tëpacaiso marëꞌ aꞌnaroáchin yonquipi.

Génesis 37:20

Huëco tëpaꞌahuaꞌ. Inapotatëhua poso yaninantëquë poꞌmoaꞌahuaꞌ. Ina quëran “paꞌpiniri caꞌnin,” itahuaꞌ. Inapotohuatëhuaꞌ, ¿naniintaꞌma huaꞌnarinsopita paꞌ? niitopi.

Génesis 37:5

Aꞌna tashi Cosi huaꞌnarin. Tahuëririnquë, iinpita shaꞌhuitërin: —Natanco iyaroꞌsa huaꞌnarahuëso shaꞌhuichinquëmaꞌ: Huëꞌëhuëquë, iminquë yaꞌipinpoa trico masarëhuaꞌ. Manëhuasonta tonporarëhua niꞌnahuë. Aꞌnanaya ca tonporahuësosoꞌ, huanirin. Canpita tonporamasoso nipirinhuëꞌ, ca tonporahuësoꞌ mosharapi. Yaꞌipi tahuitatonaꞌ, monshopi quëran mosharapi, itërin. Ina natanahuatonaꞌ, iinpitariso aquë aquëtë noꞌhuipi.

Génesis 49:23

Pëꞌchinan camayoroꞌsaꞌ, noꞌhuirinquën. Noꞌhuitënën pëꞌchinan shinërëquë yaohuaninën. Napotatënën, co noya quëran yaꞌhuëchináchinhuë nitarinën.