Génesis 37:18 - Chayahuita (Shahui)

¹⁸ Inapitarintaꞌ, áquë quëran Cosi quënanpi. Quënanahuatonaꞌ, coꞌhuara yaꞌcarichátërasohuëꞌ, tëpacaiso marëꞌ aꞌnaroáchin yonquipi.

Génesis 37:18 ပူးပေါင်းရင်းမြစ်များ

Génesis 27:41

Naporo quëran huarëꞌ Isaori Cacopo paꞌpi noꞌhuirin huachi. Inasá paꞌpini noya yaꞌhuëcaso marëꞌ shaꞌhuitërin niꞌton, naporin. Napoaton yonquirárin: “Payo tata chiminapon. Ina chiminpachin, Cacopo tëpaarahuë,” tënin.

Génesis 37:19

Inahua capini ninontopi: —¡Niꞌcoꞌ. Huaꞌnatonaꞌpi huëꞌsarin!

Génesis 50:15

Cacopo chiminpachina Cosi iinpitasoꞌ, ina tëꞌhuatatona inahua capini ninontopi: “Iráca aparisitërëhuaso marëꞌ tapona Cosi noꞌhuitonpoa yaiꞌhuërëtápirinpoahuëꞌ,” niitopi.

Génesis 50:20

Canpitaso mini, maꞌsha onpotamacoso yonquipiramahuëꞌ, Yosëso nipirinhuëꞌ, inaporamaso anoyatërin. Ama notohuaroꞌ piyapiꞌsa taquicaiso marëhuëꞌ, inaporin.

Salmos 105:25

Napoaponahuëꞌ, ina nohuanton chachin iquipitoroꞌsari shimashonënpoapita inimicotopi. Nonpintatonaꞌ, sacatopiso marëꞌ co pahuërëpihuëꞌ. Yosë piyapinënpita nipirinahuëꞌ, inapotopi.

Salmos 37:12

Inpioroꞌsasoꞌ, noya nipisopita maꞌsha yaonpotopi. Napoatona co tënorochináchinhuëꞌ niꞌpi.

Salmos 37:32

Co noyahuëꞌ nipisopitasoꞌ, noya nipisopita poꞌoana quëran nëhuëpi. “Tëpachinaꞌi,” taꞌtona napopi.

Mateo 21:38

Yaꞌcaritërasoꞌ, inpriatoroꞌsari quënanpi. ‘Niꞌcochi. Huiꞌnin chachin huëꞌsarin huachi. Paꞌpin chiminpachin, iso noꞌpa chachin huaꞌanëntapon. Huëcoꞌ tëpaꞌahuaꞌ yaꞌipi maꞌshanënpita matahuaꞌ,’ nitopi.

Mateo 27:1

Tahuërianpitohuachina, yaꞌipi corto huaꞌanoꞌsaꞌ, cotio ansianoꞌsaꞌ, inapita napopianachin yonquipi Quisoso atëpatacaiso marëꞌ.

Marcos 12:7

Inpriatonënpitaso nipirinhuëꞌ, huiꞌnin quënanahuatonaꞌ ninontopi. ‘Pasoꞌ huiꞌnapi aꞌna tahuëri paꞌpin chiminpachin, yaꞌipi huaꞌanëntarin huachi. Huëcoꞌ tëpaꞌahuaꞌ. Yaꞌipi maꞌshanënpita canpoari matahuaꞌ,’ nitopi.

Marcos 14:1

Catoꞌ tahuëri pahuanarin Pascoa nanicasoꞌ. Naporoꞌ Yosëri iráca nichaꞌërinsoꞌ yonquiatonaꞌ, coshatapi. Pan co huëpocatërinsohuëꞌ caꞌsapi. Pascoa naniriahuachina, cotio huaꞌanoꞌsaꞌ, cotio maistroꞌsaꞌ, inapitari chinotapi onporahuatonsona Quisoso macacaiso marëꞌ. Nonpintatonaꞌ, yatëpapi.

Juan 11:53

Naporo tahuëri quëran huarëꞌ cotio huaꞌanoꞌsaꞌ yonquipi Quisoso tëpacaiso marëꞌ.

Hechos 23:12

Tahuëririnquë aꞌnaquën cotioroꞌsaꞌ chinotopi Paono tëpacaisoꞌ. “Ama huachi caꞌahuasohuëꞌ. Ama oꞌoahuasohuëꞌ. Paono tëpaquë huarëꞌ caꞌahuaꞌ. Co tëparihuarahuëꞌ caꞌpatëhuaꞌ, Yosë anaꞌinchinpoaꞌ,” nitopi.

1 Samuel 19:1

Aꞌna tahuëri Saonosoꞌ, Tapi tëpacaisoꞌ camaitërin. Conatan camairahuaton, aꞌnapita huaꞌanoꞌsanta camairin. Camaipirinhuëꞌ, Conatanisoꞌ paꞌpi nosoroaton Tapi shaꞌhuitërin. —Tata yatëparinquën. Napoaton tashiraya aꞌcayanchin co piyapi paꞌninquëhuëꞌ naꞌpiquëꞌ.