Génesis 36:2 - Chayahuita (Shahui)

^2-5 Isaosoꞌ Canaan sanapiꞌsa manin: Aꞌnasoꞌ, Ata itopi. Inasoꞌ, Iron huiꞌnin. Irontaꞌ, Iti huënton piyapi. Inaquëya Isao huiꞌnahuanpachina, Iripasi itërin. Aꞌna saꞌionta Aoripama itopi. Inasoꞌ, Ano huiꞌnin, Sipion shiin. Inaquëyanta huiꞌnahuanpachina, isopita: Quiosi, Caaran, Cori, inapita. Isaosoꞌ, Ismairo huiꞌnionta manin, Pasima itopisoꞌ. Inasoꞌ, Nipayo oshiaꞌhuain. Inaquënta huiꞌnahuanpachina, Niohuiro, itërin. Ina nápo huiꞌninpita Canaan parti yaꞌhuëapon nasitopi.

Génesis 36:2 ပူးပေါင်းရင်းမြစ်များ

Génesis 27:46

Ina quëran Nipicasoꞌ, Isaco nontapon paꞌnin: —Iti sanapiꞌsa Isaori maninsoꞌ co noyahuëꞌ nipi niꞌton, chiminchináchin cancantërahuë. Cacopo yaꞌhuërëꞌ ina sanapi chachin, iso Canaan roꞌtëquë yaꞌhuërinso maantahuachin, chiminaꞌhuaso noya noya nisarin, tënahuë, itërin.

Génesis 28:9

Napoaton, Ismairo nicapon paꞌnin. Inasoꞌ, Apraan huiꞌnin. Inatohua paaton, Ismairo huiꞌnin Maarata itopisoꞌ maantarin. Inasoꞌ, Nipayo oshiaꞌhuain. Nani cato Canaan sanapi macaponahuëꞌ, inanta maantarin.

Génesis 36:14

Aoripamaquëntaꞌ, Isao huiꞌnahuaninsopitasoꞌ: Quiosi, Caaran, Cori, inapita. Aoripamasoꞌ, Ano huiꞌnin, naporahuaton Sipion shiin.

Génesis 36:24

Sipion huiꞌninpitanta isopita: Aiya, Ano, inapita. Ina Ano chachin, inotëro parti paꞌpin moranënpita aꞌpairin. Inapita aꞌpaiasoꞌ, noꞌpa quëran iꞌsha pipirinsopita quënanin.

Génesis 36:25

Anosoꞌ, aꞌna huiꞌnin yaꞌhuëtërin, Tison itërinsoꞌ. Naporahuaton, aꞌna huiꞌnin sanapi, yaꞌhuëtërin. Shaꞌhuitëranquëmaso chachin inasoꞌ, Aoripama itërin.

Génesis 9:25

Natantahuaton, Canaan itapon: “¡Tata tëhuërin niꞌton, paꞌpi co noyahuëꞌ nicatënquën co huachi noya yaꞌhuëcamaso marëhuëꞌ shaꞌhuitaranquën! Yosë chiníquën anaꞌichinquën. Ipora quëran huarëꞌ iyaroꞌsa camaiáponquën. Shiparimapitanta inaporáponaꞌ,” itërin.