Génesis 36:15 - Chayahuita (Shahui)

^15-19 Isao shinpita huëntonoꞌsa huaꞌanëntopisopitasoꞌ, isopita: Timan, Omaro, Sipo, Catan, Quinasi, Cori, Amarico, inapita. Shaꞌhuitëranquëmaso chachin Isao paninanënsoꞌ, Iripasi itopi. Ina huiꞌninpitasoꞌ, Itomo noꞌpaquë Isao shinpita huëntonoꞌsaꞌ, huaꞌanëna yaꞌconpi. Yaꞌipi inapita Ata aminpita. Niohuironta Isao huiꞌnin chachin ninin. Ina huiꞌninpitantaꞌ, isopita: Naato, Siran, Sama, Misa, inapita. Inapitanta Itomo noꞌpaquë Isao shinpita huëntonoꞌsaꞌ, huaꞌanëna yaꞌconpi. Yaꞌipi inapitasoꞌ, Pasima aminpita. Shaꞌhuitëranquëmaso chachin Ano huiꞌnin Aoripama itopiso huaꞌhuinpitantaꞌ, isopita: Quiosi, Caaran, Cori, inapita. Inapitanta Isao shinpita huëntonoꞌsa huaꞌanëna yaꞌconpi. Yaꞌipi ina huaꞌanoꞌsaꞌ, Isao shinpita. Isaosoꞌ, Itomo itopi antaꞌ.

Génesis 36:15 ပူးပေါင်းရင်းမြစ်များ

Génesis 36:14

Aoripamaquëntaꞌ, Isao huiꞌnahuaninsopitasoꞌ: Quiosi, Caaran, Cori, inapita. Aoripamasoꞌ, Ano huiꞌnin, naporahuaton Sipion shiin.

Copo naporinso' 2:11

Coposoꞌ, cara amiconënpita yaꞌhuëtërin. Aꞌnasoꞌ, Irihuasë itopi. Inasoꞌ, Timan parti yaꞌhuërin. Aꞌnantaꞌ, Piritato itopi. Inantaꞌ, Soa parti yaꞌhuërin. Aꞌnantaꞌ, Sohuaro itopi. Inasoꞌ, Naamato parti yaꞌhuërin. Copo parisitërinsoꞌ inapitanta natantatonaꞌ, achinicancanacaiso marëꞌ paapacaiso yonquipi. Huëcatona niquënanpachinara, napopináchin Copo yaꞌhuërinquë canquipi.

Copo naporinso' 4:1

Naporoꞌ Irihuasëri Copo pënënaton itapon: “Iya Copo, tëhuënchachin parisitáran niꞌton, nontiinënsoꞌ co noyahuëꞌ natanapon. Napoaponahuëꞌ, naporanso natanato, shaꞌhuitochinaꞌinquën tënahuë.

Salmos 37:35

Aꞌnaquën inpioroꞌsa noya yaꞌhuëatonaꞌ, aꞌnapita nocanpi. Nara panca taꞌahuaninso pochin noya noyatopi.

Éxodo 15:15

Itomo capitanoꞌsantaꞌ, paꞌyanënaquë niiri iꞌco iꞌcopitapon. Moapo huaꞌanoꞌsasoꞌ, ropa ropataponaꞌ. Cananoꞌsanta co huachi chiníquën cancantaponahuëꞌ.

Amós 1:12

Timan, Posora, inapita ninanoroꞌsaꞌ, ahuiquitaꞌhuaso yaꞌhuërin. Noya noya pëiroꞌsanënapitantaꞌ, yano taranaponaꞌ,” tënin.

Habacuc 3:3

Timan parti quëran Yosë huëꞌsarin. Inasoꞌ, noyasáchin nicaton Paran motopi quëran huëꞌsarin. Huënaratërinsoꞌ, yaꞌipi piꞌiroꞌtë aꞌpintërin. Yaꞌipi isoroꞌpaquëntaꞌ, inasáchin chinotapi.