Génesis 36:1 - Chayahuita (Shahui)

¹ Isao quëran pipipisopita shaꞌhuichinquëmaꞌ. Inasoꞌ, Itomo itopi antaꞌ.

Génesis 36:1 ပူးပေါင်းရင်းမြစ်များ

Génesis 22:17

Noya nicatënquën catahuamiataranquën. Ca nohuanto shiparinpita, tayoraroꞌsa nápo naꞌaponaꞌ. Marë yonsanquë inotëraꞌhuaya nápo, naꞌamiataponaꞌ. Naporahuaton, inapitaso inimiconëna minsëraꞌpiaponaꞌ.

Génesis 36:8

Inapoaton, Isaoso Sëir motopiroꞌsa parti paꞌnin yaꞌhuapon. Shaꞌhuitëranquëmaso chachin Inasoꞌ, Itomo itopi antaꞌ.

Isaías 63:1

Aꞌnara huëꞌsarinso nicato: —Itomoroꞌsa copirnonëna yaꞌhuërinso ninanoꞌ, Posora itopi. Inatohuaran aꞌnara quëmapi huëꞌsarin. Quëhuanën quëran aꞌshitahuatë aꞌmorëso pochin huëꞌsarin. Chiníquën nanantonaꞌpi aꞌmorinso pochin aꞌmorin. Co macari tëranta chinitochináchinhuëꞌ, yaꞌnorin. ¿Incha inaso nicaya? tënahuë. Napoasoco chachin: —Ca huëꞌsarahuë. Canatërahuësoꞌ, shaꞌhuitaranquëmaꞌ. Chiníquën nanantato nichaꞌëcaꞌhuasoꞌ nanitaparahuësontaꞌ, shaꞌhuitaranquëmaꞌ, itërinco.

1 Samuel 14:47

Inapoaton Saono israiroꞌsa huaꞌanëntërin. Sontaronënpitarë chachin itohua itohua noꞌpanënaquë inimicoroꞌsa ahuërin. Inimiconënpitasoꞌ: Moaporoꞌsaꞌ, amonoꞌsaꞌ, itomoroꞌsaꞌ, inapita. Sopa copirno, huiristinoꞌsaꞌ, inapitarinta inimicotopi. Intohua tëranta Saono sontaronënpitarë ahuëtapona paꞌpachinara, canatëraꞌpiarin.