Génesis 35:3 - Chayahuita (Shahui)

³ Manóton Pitiriquë paꞌahuaꞌ. Inaquë Yosë chinotaꞌhuaso marëꞌ artaro nicaꞌhuaso yaꞌhuërin. Iráca nanan yaꞌhuëtaponco, Yosëso naꞌcon catahuarinco. Naporahuaton, itohua itohua paꞌnahuëquë, caꞌtanatonco catahuarinco, itërin.

Génesis 35:3 ပူးပေါင်းရင်းမြစ်များ

Génesis 28:15

Niꞌquëꞌ. Carinquën caꞌtanaranquën. Intópanta paꞌpatan, carinquën aꞌpaiaranquën. Carinquën chachin iso noꞌpaquë quënantaranquën. Co onporonta pataranquënhuëꞌ, yaꞌipi shaꞌhuitëranquënsoꞌ naniquë huarëꞌ catahuararanquën,” itërin.

Génesis 31:3

Naporoꞌ Siniorori Cacopo itapon: “Tataparin, quëmopinënpita, inapita yaꞌhuërinso parti panantaquëꞌ. Carinquën caꞌtanatënquën catahuaranquën,” itërin.

Génesis 31:42

Apraan chinotërinso catahuarinco. Tata Isacontaꞌ, inachachin chinotërin. Coꞌsoꞌ ina catahuarincohuë naporini, topinamiáchin yaꞌhuërahuëquë aꞌpaꞌitoncohuëꞌ. Yosëso nipirinhuëꞌ, parisitërahuësoꞌ nitotërin. Chiníquën sacatato maꞌsha yaꞌhuëtërincosontaꞌ, nitotërin. Napoaton achin tashi pënëninquën, itërin Cacopori.

Génesis 32:24

Cacoposoꞌ inaora quëparitohuachina, aꞌnara quëmapi yaꞌnorin. Inarë tahuërianpitaquë huarëꞌ nohuantasoꞌ nipanipi.

Génesis 32:7

Ina natanahuaton, Cacoposo paꞌpi paꞌyanin. Paꞌyanaton yonquirárin. Yonquirárin quëran, piyapinënpita, ohuicanënpita, ohuacanënpita, camiyonënpita, inapita cato huënton acorin. “Iya mashori, aꞌna huënton ahuëhuachinaꞌ, aꞌna huëntonso taꞌararin,” taꞌton naporin.

Génesis 35:4

Napotohuachina, nisha nisha mamanshinëna moshapiso quëshipi. Pëꞌtëhuëratëroꞌsanta moshapiso quëshipi. Yaꞌipi inapita Cacopori Siquimo ninano yaꞌcariꞌ, paꞌpitërin. Aꞌnara insina nara pirayan, paꞌpitërin.

Génesis 35:7

Inaquë canconahuaton, artaro ninin huachi. Inaquë Yosë chinotërin niꞌton, ina roꞌtë aninihuanin: “Iri Pitiri” itërin. Iráca iin tëꞌhuataton taꞌananpihuachina, inaquë chachin Yosëri huëꞌënquë yaꞌnotërin niꞌton, napo nohuitërin.

Génesis 48:15

Inaporahuaton Cosi noya yaꞌhuëcaso marëꞌ iso pochin shaꞌhuitërin: “Shimashonëhuëpita Apraan, Isaco, inapita Yosë natëpi. Canta huaꞌhuatërahuë quëran huarëꞌ ina chachin noya aꞌpairinco. Ina Anquëninën chachin yaꞌipi maꞌsha onporahuë quëran, nichaꞌërinco. Inari chachin isopita huiꞌnapiꞌsa catahuain. Notohuaroꞌ huiꞌninpita yaꞌhuëchinaꞌ. Huaꞌhuayátërahuë, isoroꞌpaquë naꞌainaꞌ. Inapita nicatona piyapiꞌsaꞌ, yonquiꞌinaco. Tata Isaco, tata masho Apraan, inapitanta yonquiꞌinaꞌ,” itërin.

Salmos 107:6

Napohuachinara, co napion cancantatonaꞌ, Yosë nontopi. Naporoꞌ inari nichaꞌërin.

Salmos 107:8

Sinioroso nosoromiatërinpoa niꞌton, nani maꞌsha onporëhuaquë paꞌyápiro ninin. Inapoaton catahuarinpoaꞌ. Ina marëꞌ, “Yosparinquën Sinioro,” itahuaꞌ.

Salmos 46:1

Yosë paꞌpoyatonpoa achinirinpoaꞌ. Nani maꞌsha onporëhuaquë catahuarinpoaꞌ.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Proverbios 3:6

Maꞌsona tëranta yanipatamaꞌ: “Anitotoco Sinioro noꞌtëquën yonquiꞌi,” itocoꞌ. Napohuatamaꞌ, anitotarinquëmaꞌ. Ina catahuarinquëma noya nicacamasoꞌ.

Isaías 30:19

(-)

Isaías 43:2

Pëntoitamasoꞌ nipachin, carima aꞌpaiaranquëmaꞌ. Pancairoꞌsaquë tëranta pëntoitohuatamaꞌ, co paꞌitaramahuëꞌ. Pën tënëntarintaquëchin pëntonpatamaꞌ co huiquitaramahuëꞌ. Co pën tëranta ahuiquitarinquëmahuëꞌ.

1 Samuel 10:3

Amasha aquëcha paꞌsahuaton, Taporo itopiquë cansaran. Inaquë aꞌnara insina nara yaꞌhuërin. Inaquë cara yaꞌpi nacapiaran. Inahuasoꞌ, Pitiri ninanoquë Sinioro chinotacaiso marëꞌ pantarapi. Aꞌnasoꞌ, cara chipo quëpararin. Aꞌnantaꞌ, cara pan quëpararin. Aꞌnantaꞌ, aꞌnara shaꞌhuëtë morsaquë huino taꞌpanpinan quëpararin.