Génesis 35:24 - Chayahuita (Shahui)

²⁴ Naquiraquëya nipisopitanta isopita: Cosi, Mincamin, inapita.

Génesis 35:24 ပူးပေါင်းရင်းမြစ်များ

Génesis 42:4

Mincaminso nipirinhuëꞌ, paꞌpini co nohuantërinhuëꞌ aꞌpacasoꞌ. Inasoꞌ, Cosi iin miachin. Ina yoꞌnanquëranchin pipipisoꞌ. “Paꞌninquë tapona maꞌsha yaonpoápirinhuëꞌ,” taꞌton, co yaaꞌparinhuëꞌ.

Génesis 43:29

Cosiso yonquitopirinhuëꞌ, Mincamin quënanin. Inaso iyaꞌhuain. Ina yoꞌnanquëranchin nipisoꞌ. Ina tasatahuaton, natanin: —¿Isona: “Iyaꞌhua aꞌna huëshirai” tënamaso ti? itahuaton, iin itapon: “¡Yosë chachin huaꞌhua catahuainquën!” itërin. Napotaso chachin iin niꞌsahuaton, naꞌnëchináchin cancantërin. Napoaton aꞌnaroáchin patoananënquë yaꞌconahuaton, naꞌnërin.

Génesis 43:34

Cosiso inaora caꞌninso chachin, iinpitanta aꞌcarin. Mincaminso nipirinhuëꞌ oꞌhuintohuachinara, aꞌnapita iinpita quëran naꞌcon naꞌcon acotopi. Nani coshatohuachinara, napopináchin oꞌopi. Inapoatona capa cancantopi.

Jueces 5:14

Aꞌnaquën Iprain huënton sontaroꞌsanta oꞌmapi. Mincamin huënton sontaroꞌsantaꞌ, inahua piquëran canquipi. Maquiri shinpita huaꞌanoꞌsantaꞌ, huëꞌpi. Saporono huënton chirinchiroꞌsanta huëꞌpi. Ahuëtai marëꞌ motopianaquë paꞌmapi.

Rota naporinso' 4:11

Napohuachina, yaꞌipi inaquë nisapisopitari itaponaꞌ: —Quiya mini niꞌtonëhuëiquë napoaran. Sinioro nohuanton sanapi manansoꞌ, Naquira, Nia, inapita pochin niin. Inapita quëran yaꞌipi israiroꞌsanpoa pipirëhuaꞌ. Quëmanta yaꞌipi Pirin ninanoquë yaꞌhuëpisopita noya niꞌinën. Napotërinënsoꞌ, yaꞌipi iso ninanoquë nahuiꞌin. Sinioro nohuanton ina sanapi masaranquë naꞌa huiꞌnahuanquëꞌ. Inapita quëraonta panca huënton quëmopiroꞌsa pipiinaꞌ. Parisi itërëhuaso yaꞌhuëtërinso nápoꞌ, pipiinaꞌ. Inasoꞌ, Cota huiꞌnin Tamaraquëya huiꞌnahuaninsoꞌ, itopi.