Génesis 35:2 - Chayahuita (Shahui)

² Napotohuachina Cacoposoꞌ, yaꞌipi huiꞌninpita, saꞌinpita, piyapinënpita, inapita camairin: —Yaꞌipi nisha nisha mamanshiroꞌsa chinotëramasoꞌ, aꞌpocoꞌ. Aꞌpoatoma quëshico paꞌpitahuaꞌ. Naporahuaton amarahuatomaꞌ, noya nininso iꞌnanpiracoꞌ.

Génesis 35:2 ပူးပေါင်းရင်းမြစ်များ

Génesis 18:19

Nani ina huayonahuë huiꞌninpita, shinpita, inapita noya pënënacaso marëꞌ. Aꞌchintërahuësopita natëtonaꞌ, noya nicacaiso marëꞌ pënënarin. Inapohuachin, shaꞌhuitërahuëso chachin quëtarahuë huachi,” tënin yonquiaton.

Génesis 31:30

Tataparin yaꞌhuërinquë yaꞌnipishahuë yapantaton huëꞌsaran niꞌquëhuarëꞌ, ¡co mamanshinëhuëpitasoꞌ ihuatonco quëitonhuëꞌ pora! itërin Napanori.

Génesis 31:34

Naquirasoꞌ mamanshiroꞌsa masahuaton, poꞌorin. Camiyoquë huënsëcaiso marëꞌ nitopisoanaquë poꞌorin. Inapotahuaton, ina aipi huënsëtërin. Paꞌpinsoꞌ yaꞌipi nëꞌmëtë pëianaquë yonípirinhuëꞌ, co quënaninhuëꞌ.

Génesis 34:2

Inaquë niꞌsoꞌ, Siquimori niꞌsahuaton noyarin. Inasoꞌ, shaꞌhuitëranquëmaso chachin Amoro huiꞌnin. Amorosoꞌ, huaꞌan yaꞌconin. Ipo piyapi niꞌton, yaꞌipi iporoꞌsa huaꞌanëntërin. Siquimori Tina co nohuanchachinpirinhuëꞌ ichihuëꞌërahuaton, poꞌorin.

Génesis 35:22

Inaquë huaꞌquimiachin yaꞌhuëpi. Inaquë chachin Nopinosoꞌ, paꞌpin cosonanën Pira itopiso monshitaton, ichihuëꞌërin. Ina natantahuaton, Israiroso paꞌpi noꞌhuitërin. Cacoposoꞌ shonca cato huiꞌninpita quëmapiꞌsa yaꞌhuëtërin.

2 Samuel 7:23

Israiroꞌsacoisoꞌ, piyapinënpitacoi. Nishatërai niꞌton, co aꞌna nacion tëranta quiya pochin yaꞌhuërinhuëꞌ. Iquipito quëran nichaꞌërahuatoncoi, huaꞌanëntërancoi. Nisha nisha nacionoꞌsa isëquë yaꞌhuëpirinahuëꞌ, ocoiran. Inapitasoꞌ nisha nisha mamanshi moshapirinahuëꞌ, napotëran. Huëhuëpiro nitaton ocoiran niꞌton, sacóshin nahuinan.

2 Reyes 5:10

Inaquë nipachina, Irisiori aꞌnara comision camairin shaꞌhuitacasoꞌ: “Naporin pënëntonaꞌpi: ‘Paaton cortaniiꞌpaꞌ canchisëro yaꞌcoitëquëꞌ. Inapohuatan, chana canio maninquënso inquiaran,’ tënin,” itoonin.

Copo naporinso' 1:5

Nipërapiso tahuëriꞌsa naꞌhuëhuachina, Coposo tashíramiachin huënsëintarin. Yaꞌipi huiꞌninpita amatahuaton aꞌnaya aꞌnaya marëꞌ maꞌsharoꞌsa tëparin. Inapotahuaton oshanëna marëꞌ yaꞌipi ahuiquitërin: “Tapona huiꞌnahuëpitasoꞌ, cancanëna quëran Yosë noꞌhuitonaꞌ, pinoápirinahuëꞌ,” taꞌton naporin. Nani nichicoshatopiquë naporin.

Salmos 51:2

Co noyahuëꞌ cancantërahuëso noyá paꞌmorëso pochin, oshanëhuë inquitatonco noyápiachin cancan quëtoco.

Salmos 51:7

Oshanëhuë inquitoco noyápiachin cancanchi. Paꞌmocancanco huiri huiríchin pochin cancanchi.

Éxodo 19:10

Naporoꞌ Siniorori itapon: —Paꞌmaton israiroꞌsa shaꞌhuitomaquëꞌ: Casáchin yonquiꞌinaco. Naporahuaton pëꞌsainatona noya nitapainaꞌ. Ipora tahuëri, tashirayanta inapoꞌinaꞌ. Ina tashiraya ca Sinioroco chachin oꞌmararahuë. Sinai motopi huiꞌnimotënꞌpaꞌ oꞌmararahuë. Yaꞌipi israiroꞌsanta chitoroquë oꞌmarahuësoꞌ, niꞌsapi.

Éxodo 19:14

Napotohuachina, Moisësëso paꞌmarin. Paꞌmarahuaton Yosëíchin yonquicaiso marëꞌ, israiroꞌsa shaꞌhuitomarin. Shaꞌhuitohuachina, aꞌmopisonta pëꞌsapi.

Isaías 1:16

Amarëso pochin nicatomaꞌ, ¡ama huachi oshahuancosohuëꞌ! ¡Co noyahuëꞌ ninamasopita aꞌpoco huachi!

Isaías 52:11

¡Papironia quëran pipico huachi! Ama manta Yosëri amirotochináchin niꞌninsoꞌ sëꞌhuacosohuëꞌ. Sinioro pëinënquë yaꞌhuërinsopita quëpanaꞌpiroꞌsanquëmaꞌ, ama huachi oshahuaantacosohuëꞌ.

Ezequiel 18:31

Paꞌpi co noyahuëꞌ nicatoma naꞌcon tëhuëtëramaco. Naporamasoꞌ, aꞌpoco huachi. Nasha cancan yaꞌhuëchinquëmaꞌ. Ispiritonta nasha chachin yaꞌhuëchinquëmaꞌ. ¡Canpitaso israiroꞌsanquëma co chiminamaso yaꞌhuërinhuëꞌ! ¡Co caso nohuantërahuë inso tëranta chiminacasoꞌ! ¡Co noyahuëꞌ ninamasoꞌ aꞌpohuatamaꞌ, nanpiaramaꞌ! Ca Sinioroco shaꞌhuitaranquëmaꞌ,” tënin.

Ezequiel 36:25

Canpitaso mamanshiroꞌsa moshatomaꞌ, nëꞌhuëtërinso pochin ninamaꞌ. Napoatoma co noyahuëꞌ nipiramahuëꞌ. Naporamasoꞌ, inquitaranquëmaꞌ. Nëꞌmëtë nëꞌhuëtërinsoꞌ, noyaiquë pëꞌsarëso pochin nitaranquëmaꞌ.

Daniel 5:4

Inaquë huino oꞌosahuatonaꞌ, mamanshinënapita oro quëran nipisoꞌ, mosharápi. Prata, shaꞌpi huaꞌna, huaꞌnamia, nara, naꞌpi, inapita quëraonta nipisoꞌ, mosharápi.

Hechos 19:26

Paonoso nipirinhuëꞌ isëquë huëcaton, pënëntarin. ‘Aꞌnaíchin Yosë yaꞌhuërin. Piyapiꞌsari nipisoꞌ co inasoꞌ Yosëhuëꞌ,’ tosarin, natanamaꞌ canpitantaꞌ. Yaꞌipi Asia partintaꞌ nahuinin. Naꞌa piyapiꞌsaꞌ natanahuatonaꞌ, natëpi. Natëtonaꞌ, mamanshi aꞌpopi.

1 Corintios 10:7

Inapitasoꞌ mamanshi moshapi. “Moshatacaiso marëꞌ pita nipi. Huënsërahuatonaꞌ, coshatopi, oꞌopi. Ina quëran nansarahuatonaꞌ, capa cancantopi,” tënin Yosë quiricanënquë. Canpitaso nipirinhuëꞌ ama inapita pochin nicosohuëꞌ.

2 Corintios 7:1

Iyaroꞌsa naꞌcon nosororanquëmaꞌ. Ina pochin Yosë yonquirinpoa niꞌton, yaꞌipi co noyahuëꞌ yonquirëhuasopita naniantahuaꞌ. Yaꞌipi co noyahuëꞌ ninëhuasopitantaꞌ aꞌpoaꞌahuaꞌ. Yosë tëꞌhuatatëhuaꞌ, noyasáchin niahuaꞌ.

Gálatas 4:8

Iráca co Yosë nohuitëramahuëꞌ. Nisha nisha maꞌsha, mamanshi, inapita tëꞌhuatatomaꞌ, mosharamaꞌ, co inapita yonquicasohuëꞌ nipirinhuëꞌ.

Deuteronomio 32:16

Yosëso mamanshiroꞌsa co quëꞌyapirinhuëꞌ, canpitaso inapita moshatomaꞌ, anoꞌhuitëramaꞌ. Inaporama niꞌton, aꞌpitatënquëma noꞌhuirinquëmaꞌ.

Deuteronomio 6:14

Yaꞌyoranimasopita piyapiꞌsasoꞌ, nisha nisha mamanshiroꞌsa moshatona yaꞌhuëpi. Ama canpitasoꞌ, inapita moshacosohuëꞌ.

Deuteronomio 7:25

Mamanshinëna chinotopisoꞌ, ahuiquitaramaꞌ. Aꞌnaquën mamanshi oro quëran, prata quëran ina quëranpita tanónën pashitopi. Niꞌcona ina machináchin cancantotamaꞌ. Inapohuatamasoꞌ, co Sinioro nohuantërinsohuëꞌ nisaramaꞌ.

Hebreos 10:22

Napoaton Quisocristoíchin natëtëhuaꞌ, yaꞌipi cancanënpoa quëran Yosë nontahuaꞌ. Nani oshanënpoaꞌ inquitërinpoaꞌ niꞌton, noya cancantarëhuaꞌ. Quisocristo anoyacancantërinpoaꞌ niꞌton, noya iꞌquë amarëso pochin noyápiachin cancantarihuaꞌ.

Santiago 4:8

Nani tahuëri Yosë yonquihuatamaꞌ, inantaꞌ yonquiarinquëmaꞌ, naꞌcon catahuarinquëmaꞌ. Yaꞌipi co noyahuëꞌ yonquiramasopita naniantatomaꞌ, noya nicoꞌ. Ama huachi nisha nisha yonquicosohuëꞌ. Noyápiachin cancantocoꞌ.

Josué 24:14

—Yaꞌipi ina shaꞌhuitëranquëmasoꞌ yonquiatomaꞌ, Sinioro tëꞌhuatocoꞌ. Tëꞌhuatatoma noꞌtëquënáchin natëcoꞌ. Iráca shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapi. Iquipitoquënta inapopi. Inapita aꞌporahuatoma Sinioroíchin chinotocoꞌ.

Josué 24:15

Napoaponahuëꞌ, co Sinioroíchin yachinotohuatamahuëꞌ, ipora tahuëri huayonco insosona yachinotëramasoꞌ: ¿Shimashonëmapita Iopiratisiiꞌ yonsanquë yaꞌhuëaponaꞌ, nisha nisha mamanshi moshapiso nica? ¿Amororoꞌsa mamanshinëna moshapisoꞌ nica? Caso nipirinhuëꞌ, quëmopinëhuëpitarëꞌco chachin Sinioro chinotarai, itërin.

Josué 24:20

Ina aꞌporahuatoma nisha nisha mamanshiroꞌsa moshahuatamaꞌ, Sinioronta iꞌhuërëtarinquëmaꞌ. Naꞌcon catahuapirinquëmahuëꞌ, chiníquën anaꞌintarinquëmaꞌ, itërin.

Josué 24:23

—Yaꞌipi mamanshi mosharamasopita nipachin aꞌpocoꞌ. Inapita aꞌporahuatomaꞌ, yaꞌipi cancanëma quëran Sinioroíchin tahuërëtocoꞌ. Inasáchin israiroꞌsanpoasoꞌ chinotërëhuaꞌ, itërin Cosoiri.

Judas 1:23

Niꞌcoꞌ iyaroꞌsaꞌ. Maꞌsha pënquë anotohuachina, aꞌnaroáchin manëꞌ ama huiquitacaso marëhuëꞌ. Inapochachin piyapiꞌsaꞌ naꞌcon pënëncoꞌ ama parisitopiquë paacaiso marëhuëꞌ. Aꞌnaquënso nipirinhuëꞌ nonpin nanan paꞌyatatonaꞌ, co noyahuëꞌ nipi. Inapitantaꞌ nosoroatomaꞌ, pënëncoꞌ. Nipirinhuëꞌ, ama piꞌpian tërantaꞌ inapita pochin cancantocosohuëꞌ. Napopisoꞌ ama yonquicosohuëꞌ. Niꞌcona sopai minsëchinquëmaꞌ canpitantaꞌ.

Rota naporinso' 1:15

Naporoꞌ Noimiri itapon: —Niꞌquë huaꞌhua. Caishasoꞌ, yaꞌhuëramaso noꞌpaquë paantarin. Mamanshinën moshacaso marëꞌ paantarin. Quëmanta inarëꞌquën paquëꞌ, itërin.

1 Samuel 7:3

Napoaton Samoirori inapita itapon: “Yaꞌipi cancanëma quëran, Sinioroíchin yanatëhuatamaꞌ, nisha nisha mamanshiroꞌsa mosharamasoꞌ, aꞌpocoꞌ. Asotariti itopisoꞌ mamanshiroꞌsanta aꞌporahuatomaꞌ, Sinioroíchin cancantocoꞌ. Inasáchin chinotohuatamaꞌ, huiristinoꞌsa huaꞌanëntërinpoa quëran nichaꞌësarinpoaꞌ,” itërin.