Génesis 35:18 - Chayahuita (Shahui)

¹⁸ Napotopirinhuëꞌ, Naquirasoꞌ yachiminin huachi. Nani yachiminahuasoꞌ, huaꞌhuin nininën acotërin: Pin-oni itërin. Itopirinhuëꞌ, Cacoporisoꞌ, Mincamin itërin.

Génesis 35:18 ပူးပေါင်းရင်းမြစ်များ

Génesis 30:1

Naquira co nito huaꞌhuanatonhuëꞌ, cainpain noyaparin. Napoaton soꞌin itapon: —Huaꞌhuantoco cantaꞌ. Coꞌsoꞌ huaꞌhuantohuatancohuëꞌ, chiminarahuë, itërin.

Génesis 35:19

Inapo chimintërin Naquira. Napoaton Iporata ira pirayan paꞌpitopi. (Iporataso ipora marëꞌ, Pirin itopi.)

Génesis 35:24

Naquiraquëya nipisopitanta isopita: Cosi, Mincamin, inapita.

Génesis 42:38

Cacoposo nipirinhuëꞌ, tapon: —Huiꞌnahuësoꞌ, co onporo paꞌsarinhuëꞌ. Iin mashonën nani chiminin. Inaíchin ina yoꞌnanquëranchin nipisoꞌ yaꞌhuëarin. Paꞌnamaquë ina yaꞌhuërëꞌ maꞌsha onpoantahuachin, caso mashoco, sëto tëpaponco huachi, tënin.

Génesis 42:4

Mincaminso nipirinhuëꞌ, paꞌpini co nohuantërinhuëꞌ aꞌpacasoꞌ. Inasoꞌ, Cosi iin miachin. Ina yoꞌnanquëranchin pipipisoꞌ. “Paꞌninquë tapona maꞌsha yaonpoápirinhuëꞌ,” taꞌton, co yaaꞌparinhuëꞌ.

Génesis 43:14

Yosë yaꞌipi nanitaparinsoꞌ nontarahuë catahuainquëmaꞌ. Ina nohuanton huaꞌan nosoroꞌinquëmaꞌ. Simionta nosoroaton ocoiꞌin. Naporahuaton, Mincanta aꞌpaintaꞌin. ¡Canta co huiꞌnahuan mashoco pochin quëparitaꞌhuaso Yosë nohuantohuachin, inapoꞌi nipachin! itërin.

Génesis 49:27

‘Quëmasoꞌ Mincamin, paꞌpi mapinton tanan niꞌnira pochin nicapon. Tashiramiachin inaso mapintahuaton, caꞌmiatërin. Naporoꞌ iꞌhuanahuanquë chachin pëꞌsotërinsontaꞌ, aꞌnapitari caꞌpapi. Inapochachin quëmantaꞌ, yaataꞌhuantëransopita nitaran. Inapotahuaton maꞌshanënantaꞌ, nipatomatapomaꞌ,’ ” itërin.

Salmos 16:10

Quëmasáchin Sinioro natëranquën niꞌton, co nohuantaranhuëꞌ nonëhuë chanatacasoꞌ. Huaꞌyanëhuëntaꞌ, co chimipiroꞌsa yaꞌhuërinquë tëꞌyataranhuëꞌ.

Salmos 80:17

Piyapinënpitacoisoꞌ, quëma chachin noya acorancoi. Ama amiatonhuëꞌ, catahuacoi.

Éxodo 12:7

Huënaiꞌ mapiso masahuatonaꞌ, yaꞌcoana chinpirinso nararoꞌsaꞌ, pashichinaꞌ.

Lucas 12:20

Napopirinhuëꞌ, Yosëri itërin: ‘Quëmasoꞌ co mantaꞌ yonquiranhuëꞌ. Ipora tashi chachin ca nohuanto, chiminaran. Nani maꞌsha canapiranhuëꞌ, yaꞌipiya pataran niꞌton, aꞌnapitari mapon,’ itërin.

Lucas 23:46

Napohuachina, Quisoso chiníquën nonin. —Apira Tata chiminarahuë. Huaꞌyanëhuë quëpaquëꞌ, itahuaton, chiminin.

Hechos 7:59

Tëꞌyarasoiꞌ, Istipansoꞌ chiníquën parisitaponahuëꞌ, Quisoso nontërin: “Huaꞌyanëhuë Sinioro matahuatonco, quëpaquëꞌ,” itërin.