Génesis 35:1 - Chayahuita (Shahui)

¹ Naporoꞌ Yosëri Cacopo huëꞌënquë yaꞌnotaton, camairin: “Caso Yosëco. Iráca iya masho Isao taꞌananpisën yaꞌnotëranquën. Pitiriquë paantaton, inaquë yaꞌhuëconquëꞌ. Inaquë canconpatan, chinotaancoso marëꞌ aꞌnara artaro niquëꞌ,” itërin.

Génesis 35:1 ပူးပေါင်းရင်းမြစ်များ

Génesis 12:8

Ina quëran motopiroꞌsa parti paꞌpi. Ina motopiroꞌsasoꞌ, Pitiri ninano quëran, piꞌi pipirinso parti quëparitërin. Inaquë nëꞌmëtë pëiroꞌsa otënpi yaꞌhuëcaiso marëꞌ. Pitiri ninanosoꞌ, piꞌi yaꞌconinso parti acorahuatonaꞌ, Ai ninanontaꞌ, piꞌi pipirinso parti acopi. Ina huancánachin yaꞌhuëipi. Inaquë naquëranchin Apran Sinioro chinotacaso marëꞌ aꞌna yaꞌhuërëꞌ artaro niantarin.

Génesis 16:8

Quënanahuaton, natanin: —Quëmasoꞌ Acaranquën, nohuitëranquën. Sarai cosonanënquën. ¿Intoparanta huëcaton, intopata paꞌsaran? itërin. —Patronanëhuë Sarai itopisoꞌ taꞌananpiarahuë, tënin Acara.

Génesis 22:14

Ina quëran Apraani ina roꞌtë aninihuanin. “Pahuantërinpoasoꞌ Sinioro quëtërinpoaquë,” itërin. Napoaton, iporahuanta ina pochin nohuitapi. “Motopiquësoꞌ, pahuantërinpoasopita Sinioro quëtërinpoaꞌ,” topi nonatonaꞌ.

Génesis 29:1

Cacopo paꞌsápaton, piꞌi pipirinso parti yaꞌhuëpisopita yaꞌhuërinquë canconin.

Génesis 31:13

Ca mini Yosëco, iráca Pitiriquë yaꞌnotëranquën. Inaquë naꞌpi tomaquë opotahuaton, chinotaancoso marëꞌ acoran. Naporahuaton inaquë chachin casáchin chinotaancoso marëꞌ shaꞌhuitëranco. ¡Manóton huëquë paꞌa! Iso noꞌpa quëran pipirahuaton, huaꞌhuatëranso noꞌpa parti panantaquëꞌ,” itërinco, tënin Cacopo.

Génesis 31:3

Naporoꞌ Siniorori Cacopo itapon: “Tataparin, quëmopinënpita, inapita yaꞌhuërinso parti panantaquëꞌ. Carinquën caꞌtanatënquën catahuaranquën,” itërin.

Génesis 34:31

Napotopirinhuëꞌ, inapitariso itaantapi: —¿Monshihuantë paya pochin oshihuë nitacasoꞌ nohuantopiranhuëꞌ ti? itopi.

Génesis 35:15

Iráca nohuitërinso chachin ina ninanosoꞌ, Pitiri itërin.

Génesis 35:7

Inaquë canconahuaton, artaro ninin huachi. Inaquë Yosë chinotërin niꞌton, ina roꞌtë aninihuanin: “Iri Pitiri” itërin. Iráca iin tëꞌhuataton taꞌananpihuachina, inaquë chachin Yosëri huëꞌënquë yaꞌnotërin niꞌton, napo nohuitërin.

Salmos 46:1

Yosë paꞌpoyatonpoa achinirinpoaꞌ. Nani maꞌsha onporëhuaquë catahuarinpoaꞌ.

Salmos 47:4

Ina huayontërinpoa noꞌpaꞌ huaꞌanëntacasoꞌ. Ina huaꞌanëntatëhua Cacopo shinpitanpoasoꞌ: “Ma noyacha noꞌpaꞌ huaꞌanëntërëhua paya. Nosoroatonpoa ahuaꞌanëntërinpoaꞌ,” tënëhuaꞌ.

Salmos 91:15

Nontohuatamaco aꞌpaniaranquëmaꞌ. Ca chachin caꞌtanaranquëmaꞌ. Maꞌsha onpoatoma co napion ancantopiramahuëꞌ, nichaꞌësaranquëmaꞌ. Inapotaranquëma niꞌton, naní quëran noya niꞌsarinënquëmaꞌ.

Éxodo 2:15

Naporinso chachin huaraontaꞌ, Moisësëri Iquipito quëmapi tëparinsoꞌ nitotërin. Napoaton yonitona tëpacaiso marëꞌ piyapinënpita camairin. Moisësëso nipirinhuëꞌ, Matian parti taꞌarin. Inaquë canconahuaton, chinotacaso marëꞌ aꞌna poso pirayan huënsëconin.

Deuteronomio 32:36

Naquëranchin Moisësë cantaton tapon: “Canpitaso Sinioro chachin paꞌpoyarinquëmaꞌ. Co huachi nanitëramahuëꞌ niꞌpachina, nosoroarinquëmaꞌ: ‘Piyapinëhuëpita inimiconënpitari yaminsërin. Chiníquënoꞌsa capa niraꞌpiapi. Sanpacharoꞌsanta capa nisapi,’ topachina, catahuaarinquëmaꞌ.

1 Samuel 10:3

Amasha aquëcha paꞌsahuaton, Taporo itopiquë cansaran. Inaquë aꞌnara insina nara yaꞌhuërin. Inaquë cara yaꞌpi nacapiaran. Inahuasoꞌ, Pitiri ninanoquë Sinioro chinotacaiso marëꞌ pantarapi. Aꞌnasoꞌ, cara chipo quëpararin. Aꞌnantaꞌ, cara pan quëpararin. Aꞌnantaꞌ, aꞌnara shaꞌhuëtë morsaquë huino taꞌpanpinan quëpararin.