Génesis 34:30 - Chayahuita (Shahui)

³⁰ Simion, Nihui, inapita huënantahuachinara, paꞌpinari itapon: —Canpitaso napoatomaꞌ, sacai anoyataꞌhuaso nitëramaco. Cananoꞌsaꞌ, huirisëroꞌsa inapitasoꞌ, yaꞌhuëhuanoꞌsaꞌ. Naporamaso natantohuachinaꞌ, noꞌhuiponaco caso huachi. Nihuëntonahuatona ahuëaponaco. Caso co naꞌashahuëꞌ piyapinëhuëpita yaꞌhuëtërinco niꞌton, yaꞌipinpoa tiquiaponënpoaꞌ, itërin.

Génesis 34:30 ပူးပေါင်းရင်းမြစ်များ

Génesis 12:12

Iquipitoroꞌsa niꞌpachinën noyaponën nimara: ‘Isoso quëmapi, paso sanapi soꞌin,’ taꞌtonaꞌ, caso tëpaponaco. Quëmaso nipirinhuëꞌ, macainënquënso marëꞌ co tëpaponënhuëꞌ.

Génesis 12:2

Aꞌna tahuëri ca nohuanto, shiparinpita panca nacion ocoiaponaꞌ. Carinquën catahuamiataranquën. Inapotaranquën niꞌton, sacóshin nahuinaran. Naporahuaton, quëmá quëran aꞌnapitanta catahuararahuë.

Génesis 13:7

Apran pëꞌtahuanën aꞌpaipisopita, Noto pëꞌtahuanën aꞌpaipisopitarëꞌ, pasto niapiratatona yáninoꞌhuipi. Naporosoꞌ, cananoꞌsaꞌ, huirisiroꞌsaꞌ, inapitanta inaquë chachin yaꞌhuërapi.

Génesis 34:2

Inaquë niꞌsoꞌ, Siquimori niꞌsahuaton noyarin. Inasoꞌ, shaꞌhuitëranquëmaso chachin Amoro huiꞌnin. Amorosoꞌ, huaꞌan yaꞌconin. Ipo piyapi niꞌton, yaꞌipi iporoꞌsa huaꞌanëntërin. Siquimori Tina co nohuanchachinpirinhuëꞌ ichihuëꞌërahuaton, poꞌorin.

Génesis 34:29

Pëiroꞌsaquë maꞌsha yaꞌhuërinsopitantaꞌ, yaꞌipi ihuatopi. Naporahuaton yaꞌipi huaꞌhuaroꞌsaꞌ, sanapiꞌsaꞌ, inapitanta masahuatona quëpapi.

Génesis 34:31

Napotopirinhuëꞌ, inapitariso itaantapi: —¿Monshihuantë paya pochin oshihuë nitacasoꞌ nohuantopiranhuëꞌ ti? itopi.

Génesis 46:26

Iquipitoquë paꞌmapisopita, saota shonca saota yaꞌpi icanpi. Yaꞌipi inapitasoꞌ, Cacopo quëran pipipisopita. Huiꞌninpita saꞌinasoꞌ co pichipihuëꞌ. Cosi huiꞌninpitasoꞌ cato. Inapitasoꞌ inaquë chachin nasitopi. Cacopo, Cosi, inapitarëꞌ canchisë shonca yaꞌpi yaꞌipiya quëran icanpi.

1 Reyes 18:18

—Quëma tëhuëchinsoꞌ piyapinënpitarëꞌquën chachin Sinioro camaitërinso aꞌporan. Ina aꞌporahuatoma nisha nisha mamanshiroꞌsa Paaro nonanpisoꞌ mosharamaꞌ. Ina naꞌintërinquëma parisitaramaꞌ.

Salmos 105:12

Yaꞌnan yaꞌhuëaponaꞌ, caraíchin yaꞌhuëpi. Topinan nisharoꞌsa pochin yaꞌhuëpi.

Éxodo 5:21

Inaquë quënanatonaꞌ: —Canpitaso copirno nontatomaꞌ, panca tëhuëramaꞌ. Ipora inasoꞌ, catahuarinsopitarë chachin naꞌcon naꞌcon noꞌhuirinacoi. Naporama aꞌpiquë tëpaponacoi aꞌna nimara. Ina marëꞌ canpitanta Yosë anaꞌinchinquëmaꞌ, itopi.

Deuteronomio 4:27

Nisha nisha nacionoꞌsaquë Sinioro nohuanton, quëpaponënquëmaꞌ. Inaquënta napoaponahuëꞌ, naꞌcon naꞌconquëma chiminaramaꞌ. Caraíchinquëma co chiminaramahuëꞌ.

Deuteronomio 7:7

Naquëranchin Moisësëri israiroꞌsa nontaantarin: “Canpitaso aꞌnapita nacionoꞌsa quëran, huaꞌhui huaꞌhuishin nacion ninamaꞌ. Napopiramahuëꞌ, Sinioro nohuantatënquëma huayoninquëmaꞌ.

1 Samuel 13:4

Conatan sontaronënpitarë chachin napopisoꞌ yaꞌipi israiroꞌsa natantopi. Ina marëꞌ huiristinoꞌsari noꞌhuipisonta natantopi. Ina nitotatonaꞌ, Saonorëꞌ Quiricaroquë yaꞌipiya niyontonpi.

1 Samuel 16:2

—¿Onporahuatocha inapochi nicaya? ¡Ina marëꞌ paꞌsarahuësoꞌ Saono nitotohuachin tëpaponco! itërin. Napotohuachina, Siniorori itapon: —Aꞌnara ohuacaꞌhua macaton paquëꞌ. Inso tëranta maꞌmarësona paꞌsaransoꞌ natanpachinquën: “Iso ohuacaꞌhua tëpaato Yosë chinotaꞌhuaso marëꞌ huëꞌsarahuë,” itëquëꞌ.