Génesis 34:3 - Chayahuita (Shahui)

³ Napoaponahuëꞌ, paꞌpi nohuantërin. Napoaton Tinari nohuantacaso marëꞌ maꞌpitaso ninin.

Génesis 34:3 ပူးပေါင်းရင်းမြစ်များ

Génesis 34:2

Inaquë niꞌsoꞌ, Siquimori niꞌsahuaton noyarin. Inasoꞌ, shaꞌhuitëranquëmaso chachin Amoro huiꞌnin. Amorosoꞌ, huaꞌan yaꞌconin. Ipo piyapi niꞌton, yaꞌipi iporoꞌsa huaꞌanëntërin. Siquimori Tina co nohuanchachinpirinhuëꞌ ichihuëꞌërahuaton, poꞌorin.

Génesis 34:4

Naporo chachin Siquimosoꞌ paꞌpin itapon: —Paaton tata, Tina macaꞌhuaso marëꞌ paꞌpin nontoonquëꞌ. Quëmopinënpitanta nontoonquëꞌ. Ina paꞌpi nohuantërahuë, itërin.

Génesis 50:21

Napoaton ama paꞌyancosohuëꞌ. Carinquëma cosharo quëtáponquëmaꞌ. Huiꞌnamapitanta quëtapo. Naponontaton, Cosiso iinpita asanocancanin. Noyasha nontërin.

2 Samuel 19:7

Iporaso nipirinhuëꞌ, pipiton sontaronënpita noya nontaton achinicancanquëꞌ. Coꞌsoꞌ inapohuatanhuëꞌ, yaꞌipi patarinën. Sinioronta niꞌsárinco niꞌton, noꞌtëquën shaꞌhuitaranquën. Ipora tashi co aꞌnaya tëranta catahuarinënquënso quëparitarinhuëꞌ. Inapotohuachinën naꞌcon naꞌcon parisitaran. Huiꞌnapitapon quëran huarëꞌ maꞌsha onpoaton parisitëran nipirinhuëꞌ, co inayátërahuë iporasoꞌ nisaran, itërin.

Isaías 40:2

Noyasha nontatoma piyapinëhuëpita catahuaco chiníquën cancanchinaꞌ. Sontaro sirihuitërinso pochin nininsoꞌ, nani nanirin. Tëhuëpiso marëꞌ anaꞌintërahuësoꞌ, nani pahuërëtatë pochin nipi. Oshanëna marëꞌ nani naꞌcon naꞌcon parisitopi,” tënin.

Oseas 2:14

Inapotopirinacohuëꞌ, nanon nohuantohuachinara noyasha nontopiso pochin, israiroꞌsanta nitarahuë. Inotëro parti quëparëso pochin nitarahuë. Inaquë noya nontato achinicancanarahuë.

Oseas 2:16

Naporosoꞌ, co huachi ‘Paaronëhuë,’ itaponacohuëꞌ. ‘Soꞌyahuë,’ itaponaco huachi. Ca Sinioroco shaꞌhuitaranquëmaꞌ.

Rota naporinso' 1:14

Napotohuachina, inahuaso naquëranchin naꞌnëantapi. Napoin quëran Orpasoꞌ, aꞌshatën yapataton apinorin huachi. Apinorahuaton panantarin. Rotaso napoaponahuëꞌ, inarë quëparitërin.

1 Samuel 18:1

Naporo tahuëri chachin Saonori Tapi shaꞌhuitërin: “Ipora quëran huarëꞌ ca marëꞌ sacatomiatëquëꞌ. Ama huachi pëinënquë paantaquësohuëꞌ,” itërin. Nani napotohuachina, Conatani Tapi apayamiatërin. Inaora ninosororinso pochachin nosororin. Napoaton Yoscoarëꞌ niitatona nipayamiatacaiso marëꞌ anoyatopi. Ninapotatona anoyatopiso nitotacaiso marëꞌ Conatansoꞌ, aipi aꞌmorinso paꞌcoirin. Aꞌmorinsonta paꞌcoirahuaton inapita Tapi quëtërin. Sahuëninën, pëꞌchinanën, sintoronën, inapitanta quëtërin.