Génesis 34:15 - Chayahuita (Shahui)

¹⁵ Yaꞌipinquëma quiya pochachin marcahuanama huarëꞌ canpita naporamaso nisarai. Nohuantohuatamaꞌ, yaꞌipi quëmapinquëma marca niacotoco nipachin.

Génesis 34:15 ပူးပေါင်းရင်းမြစ်များ

Génesis 17:10

Ina pochin canpitarëꞌco anoyatërahuë. Canpitanta anoyatërëhuaso yonquicamaso marëꞌ yaꞌipi quëmapinquëmaꞌ, marcahuanamaso yaꞌhuërin. Naporahuaton, yaꞌipi shiparimapitanta inachachin natëinaꞌ.

Génesis 34:14

—Noya nipirinhuëꞌ. Co quiyasoꞌ nanitëraihuëꞌ co marcahuan quëmapi oshihuëi quëtaꞌhuaisoꞌ. Quëtërai naporini, quiya marësoꞌ paꞌpi taparo niitonhuëꞌ.

Génesis 34:16

Naporo huarëꞌ tëhuënchinsoꞌ, canpitanta huiꞌnahuëi masaramaꞌ, quiyanta canpita huiꞌnama masarai. Inapohuatëhua aꞌna huëntoínchin pochin nisarëhua huachi.

Gálatas 4:12

Cantaꞌ iráca yaꞌipi pënëntërinsoꞌ natëpirahuëꞌ, Quisocristo imacaꞌhuaso marëꞌ co huachi ina yonquirahuëꞌ. Ca pochin cancantatomaꞌ, canpitantaꞌ, iyaroꞌsaꞌ, “Co iráca pënëntërinsoꞌ nichaꞌësarinpoahuëꞌ,” taꞌtomaꞌ, Quisocristoíchin imaco huachi. Iráca nicapënquëmaꞌ paꞌpatëra, co noꞌhuiramacohuëꞌ, noya nontëramaco.