Génesis 34:13 - Chayahuita (Shahui)

¹³ Napopirinhuëꞌ, inapitariso oshina naꞌinin niꞌton, iꞌhuërëtacaiso marëꞌ yamonapi. Napoaton Siquimosoꞌ paꞌpinë chachin noyasha nontatona itaponaꞌ:

Génesis 34:13 ပူးပေါင်းရင်းမြစ်များ

Génesis 34:12

Sanapi marëꞌ pahuërëtërë quëran naꞌcon naꞌcon apahuërëtohuatamaco noya, co maꞌshahuëꞌ. Naporahuaton maꞌsona nicanaꞌhuanquëmasoꞌ natanpatamacontaꞌ, quëtaranquëmaꞌ. Onpopionta cari mai, topirahuë, tënin.

Génesis 34:14

—Noya nipirinhuëꞌ. Co quiyasoꞌ nanitëraihuëꞌ co marcahuan quëmapi oshihuëi quëtaꞌhuaisoꞌ. Quëtërai naporini, quiya marësoꞌ paꞌpi taparo niitonhuëꞌ.

Mateo 28:13

—Piyapiꞌsaꞌ shaꞌhuitocoꞌ: “Yono tashiꞌ Quisoso caꞌtanoꞌsanënpita huëꞌpi. Huëꞌësocoi, nonën quëpapi,” itocoꞌ.

Romanos 12:19

Nosoroatënquëmaꞌ iyaroꞌsaꞌ, oshaquëran pënënanquëmaꞌ. Ama iꞌhuërëtocosohuëꞌ. Tananpitocoꞌ Yosëri anaꞌinchin. Quiricanën quëran naporin: “Co noyahuëꞌ nipisopita cari anaꞌintarahuë. Noꞌtëquën anaꞌintarahuë,” tënin Yosë.

1 Tesalonicenses 5:15

Aꞌnapita maꞌsha onpotohuachinënquëmaꞌ, ama yaiꞌhuërëtocosohuëꞌ. Nani tahuëri noya nontocoꞌ. Noꞌhuipirinënquëmaontaꞌ, nosoroatomaꞌ, catahuacoꞌ. Canpita capini ninosoroatomaꞌ, aꞌnapita piyapiꞌsantaꞌ catahuacoꞌ.

Jueces 15:3

Napotopirinhuëꞌ, Sansonisoꞌ itapon: —¡Iꞌyan! Napotëramaco niꞌquëhuarëꞌ, iporasoꞌ huiristinoꞌsanquëma maꞌsha onpotaranquëmaꞌ. Inapotohuatënquëma canpitaora tëhuënëmaquë napotaranquëmaꞌ, itërin.