Génesis 34:1 - Chayahuita (Shahui)

¹ Cacopo huiꞌnin Niaquëya yaꞌhuëtërinsoꞌ, Tina itopi. Ina nanontohuachina, aꞌna tahuëri Siquimo ninanoquë nanon capini niniꞌcai marëꞌ paꞌnin.

Génesis 34:1 ပူးပေါင်းရင်းမြစ်များ

Génesis 26:34

Isao catapini shonca piꞌipitohuachina, Cotita manin. Inasoꞌ, Piiri itopisoꞌ huiꞌnin. Piirisoꞌ, Iti piyapi. Ina piquëran Isaosoꞌ, aꞌna maantarin, Pasima itopisoꞌ. Inasoꞌ, Iron huiꞌnin. Ironta Iti piyapi chachin.

Génesis 27:46

Ina quëran Nipicasoꞌ, Isaco nontapon paꞌnin: —Iti sanapiꞌsa Isaori maninsoꞌ co noyahuëꞌ nipi niꞌton, chiminchináchin cancantërahuë. Cacopo yaꞌhuërëꞌ ina sanapi chachin, iso Canaan roꞌtëquë yaꞌhuërinso maantahuachin, chiminaꞌhuaso noya noya nisarin, tënahuë, itërin.

Génesis 28:6

Isaosoꞌ, paꞌpini, Cacopo noya yaꞌhuëcaso marëꞌ shaꞌhuitërinsoꞌ niꞌnin. Patan-aranquë saꞌacaso marëꞌ aꞌparinsontaꞌ, niꞌnin. Naporahuaton, paꞌpini noya yaꞌhuëcaso marëꞌ shaꞌhuitapon pochin: “Ama Canaan sanapi máquësohuëꞌ,” itërinsonta natanin.

Génesis 30:13

Naporoꞌ Niasoꞌ tapon: “¡Ma noyacha yaꞌhuërahuë paya! Iporaso yaꞌipi sanapiroꞌsaꞌ: ‘¡Ma noyacha inaso yaꞌhuërin paya!’ itaponaco taꞌto, iso huaꞌhuashantaꞌ, Asiri itarahuë,” tënin.

Génesis 30:21

Nitiquioninquë Niasoꞌ, sanapiaꞌhuaya huaꞌhuanin. Nasitohuachina, Tina itërin.

Génesis 33:20

Ina piquëran Cacoposoꞌ, Yosë chinotacaso marëꞌ aꞌnara artaro ninin. Ina nisahuaton aninihuanin: Ir Iroi Israiro, itërin.

Génesis 46:15

Ina nápo Cacopo huiꞌninpita quëmapiꞌsa Niaquëya yaꞌhuëpi. Sanapinta aꞌnara yaꞌhuëtërin: Tina itërinsoꞌ. Inapitasoꞌ, Patan-aranquë yaꞌhuapon huiꞌnahuaninsopita. Nia quëran pipipisopitasoꞌ, cara shonca cara yaꞌpiꞌ, sanapirë chachin icanpi.

Jeremías 2:36

¡Catahuainëmaso marëꞌ ama aꞌna aꞌna yonícosohuëꞌ! Iquipitoroꞌsanta yonípiramahuëꞌ, co manta catahuaponquëmahuëꞌ. Asiriaroꞌsa napotërinquëmaso pochachin inapitanta nitarinquëmaꞌ.

1 Timoteo 5:13

Aꞌnaquëontaꞌ topinan niꞌtaponaꞌ paꞌsápatonaꞌ, chiropi. Naporahuaton, maꞌtona maꞌtona nonsapi, pinotapi, co napocasohuëꞌ nipirinhuëꞌ.

Tito 2:5

Noya yonquicaiso marëꞌ pënëinaꞌ. Ama mantaꞌ soꞌinaꞌ tëhuananpitacaisoꞌ yonquiꞌinasohuëꞌ. Soꞌinaꞌ noya nocomaꞌinaꞌ. Yaꞌipi piyapi noya nonchinaꞌ. Soꞌinaꞌ noya natëinaꞌ ama aꞌnapitari Yosë nanamën nonapicaiso marëhuëꞌ.