Génesis 33:5 - Chayahuita (Shahui)

⁵ Ina quëran Isaosoꞌ, sanapiꞌsaꞌ, huaꞌhuaroꞌsa inapita niꞌnin. Niꞌsahuaton iin natanin: —¿Isopita poꞌ? ¿Inpitata? itërin. —Huiꞌnahuëpita taꞌa. Yosë nohuanton yaꞌhuërinsoꞌ, tënin Cacopo.

Génesis 33:5 ပူးပေါင်းရင်းမြစ်များ

Génesis 30:2

Cacoporiso nipirinhuëꞌ, noꞌhuiton itapon: —¡Co caso Yosëcohuëꞌ! Ina co nohuantërinhuë niꞌton, co huaꞌhuananhuëꞌ, itërin.

Génesis 33:6

Naporoꞌ cosonaroꞌsaso huaꞌhuinpitarë chachin, Isao huëcapaipi. Ina notënanquë huëꞌsahuatonaꞌ, isonpi. Isonpi quëran noꞌpaquë huarëꞌ monshorahuatonaꞌ, moshaipi.

Génesis 48:9

—Isopita mini huiꞌnahuëpita. Yosë nohuanton naroꞌpaꞌ yaꞌhuëtërincosoꞌ, itërin Cosiri. —Amashachin ayaꞌcarico. Noya yaꞌhuëcaiso marëꞌ shaꞌhuichi, itaantarin Cacopori.

Salmos 127:3

Sinioro catahuahuachinpoasoꞌ, huiꞌnanpoapita yaꞌhuëtërinpoaꞌ.

Isaías 8:18

Sinioro yaꞌipi nanitaparinsoꞌ, Sion motopiquë yaꞌhuërin. Huiꞌnahuëpita ina quëtërincosopitarëꞌco chachin israiroꞌsa ayonquicaꞌhuaiso marëꞌ acorincoi.

Hebreos 2:13

Inantaꞌ piyapi niꞌton, itaantarin: “Cantaꞌ Tata Yosë natërahuë. Co naniantarincohuëꞌ, tënahuë,” tënin. Ina quëran itaantarin: “Yosë nohuanton, aꞌnaquën piyapiꞌsaꞌ imasarinaco. Inapitantaꞌ Yosë huiꞌninpita pochin niꞌnahuë,” tënin.

Rota naporinso' 4:13

Ina pochin Poososoꞌ, Rota manin. Nani mapachina ichihuëꞌërin. Napohuachinara Sinioro nohuanton cayorahuaton quëmapiaꞌhua huairin.

1 Samuel 1:27

Iso huaꞌhuasha marëꞌ naporahuë. Niꞌquëchi. Nani quëtërinco.