Génesis 33:18 - Chayahuita (Shahui)

¹⁸ Inaquë huaꞌquimiachin yaꞌhuërin. Ina quëran Cacoposoꞌ, yaꞌipi huëntonënë chachin Siquimo ninano notënanquë paꞌnin. Inaquë nëꞌmëtë pëiroꞌsa otëantarin. Inapoaton Patan-aran quëran huëꞌninsoꞌ, Canaan noꞌpaquë noya canquirin.

Génesis 33:18 ပူးပေါင်းရင်းမြစ်များ

Génesis 25:20

Catapini shonca piꞌipitasoꞌ, saꞌarin. Pitoiro huiꞌnin Nipica itopisoꞌ, manin. Inaso yoꞌin, Napano itopi. Inapitasoꞌ aranoꞌsa itopi. Patan-aran parti yaꞌhuëpi.

Génesis 28:2

Patan-aran parti tëhuënchinsoꞌ paquëꞌ. Tata masho Pitoiro yaꞌhuërinquë paꞌsahuaton, api Napano huiꞌninpita aꞌnara maquëꞌ.

Génesis 31:25

piyapinënpitarë chachin Carata motopiroꞌsaquë Cacopo nincantopi. Ina motopiroꞌsaquë inantaꞌ, huëntonënë chachin chinotopi. Napanonta ina motopiroꞌsaquë chinotaponahuëꞌ, co niquënanyátërapihuëꞌ.

Génesis 35:9

Cacopo Patan-aran quëran huënantahuachina, Yosëri naquëranchin inaquë yaꞌnotaantarin. Yaꞌnotaton noya yaꞌhuëcaso marëꞌ shaꞌhuitërin.

Génesis 37:13

Naporoꞌ paꞌpini Cosi itapon: —Niꞌquë conpa. Iya mashoroꞌsa Siquimo yaꞌcari yaꞌhuëapi. Inaquë ohuicaroꞌsaꞌ, chiporoꞌsaꞌ, inapita aꞌpairapi. Paaton niꞌcontaquë topirahuë, itërin. —Noya tatapaꞌ. Paꞌi nipachin, itërin.

Génesis 46:15

Ina nápo Cacopo huiꞌninpita quëmapiꞌsa Niaquëya yaꞌhuëpi. Sanapinta aꞌnara yaꞌhuëtërin: Tina itërinsoꞌ. Inapitasoꞌ, Patan-aranquë yaꞌhuapon huiꞌnahuaninsopita. Nia quëran pipipisopitasoꞌ, cara shonca cara yaꞌpiꞌ, sanapirë chachin icanpi.

Génesis 48:7

Co topinan napotaranquënhuëꞌ. Mamaparin co aquëtë huaꞌhuaninso marëhuëꞌ, napotaranquën. Quëmanta nani nitotëran: Patan-aran quëran huënantasëhuaꞌ, Canaan parti quëmaquën mama tëparëhuaꞌ. Iporata ninano yaꞌcariya nicasëhuaꞌ, chiminin. Chiminpachina, inaquë chachin ira pirayan paꞌpitërëhuaꞌ. (Ina ninanosoꞌ, ipora marëꞌ Pirin itopi antaꞌ.)

Juan 3:23

Coanshantaꞌ Inoiiquë aporintarin. Sarimo yaꞌcariya inasoꞌ. Inaquë naꞌa iiꞌ yaꞌhuërin niꞌton, inaquë aporintarin. Naꞌa piyapiꞌsaꞌ huëꞌpachinara, aporintarin.

Juan 4:5

Inatohuaꞌ aꞌna ninanoꞌ yaꞌhuërin, Sicarë itopisoꞌ. Ina yaꞌcariya Cosi noꞌpanën yaꞌhuërin. Iráca paꞌpin Cacopo itopisori quëtërinsoꞌ.

Hechos 7:16

Cacopo chiminpachina, nonën isëquë chachin quënantapi paꞌpitacaiso marëꞌ. Siquimoquë paꞌpitopi. Ina noꞌpa chachin iráca Apraani, amororoꞌsaꞌ paꞌantërin.

Josué 24:1

Siquimo ninanoquë Cosoi yaꞌipi Israiro huëntonoꞌsa ayontonin. Ansianoroꞌsaꞌ, huaꞌanoꞌsaꞌ, coisëroꞌsaꞌ, sontaro huaꞌanoꞌsaꞌ, inapita ayontonin. Sinioro chinotacaso marëꞌ nëꞌmëtë pëi ótënpisoꞌ notënanquë ayontonaton itapon: —Sinioro israiroꞌsanpoa chinotërëhuaso naporin: “Iráca shimashonëma Tari itopisoꞌ Iopiratisiiꞌ yonsanquë yaꞌhuërin. Huiꞌninpitasoꞌ: Apraan, Nacoro, inapita. Inaquë yaꞌhuëapona pochin inapitasoꞌ, nisha nisha mamanshiroꞌsa moshapi.

Jueces 9:1

Shaꞌhuitëranquëmaso chachin Apimiricosoꞌ, Quiropaaro huiꞌnin. Aꞌshinso Siquimo sanapi niꞌton, naꞌa quëmopinënpita inaquë yaꞌhuërin. Napoaton Apimiricosoꞌ, inaquë paꞌnin inapita nontapon: