Génesis 33:17 - Chayahuita (Shahui)

¹⁷ Cacoposo nipirinhuëꞌ, Socoto parti paꞌnin. Inaquë pëitacaiso marëꞌ piyapinënpita camairin. Naporahuaton, pëꞌtahuanënpita naꞌicaiso marëꞌ tanporaꞌhuaroꞌsa anitërin. Napoaton, ina noꞌpaꞌ “Socoto” itërin.

Génesis 33:17 ပူးပေါင်းရင်းမြစ်များ

Génesis 33:16

Napotohuachina, Isaoso piyapinënpitarë chachin Sëir parti paantarin.

Éxodo 12:37

Israiroꞌsasoꞌ, Namisisi ninano quëran pipirahuatonaꞌ, Socoto parti canconpi. Saota pasa huaranca quëmapiꞌsa chiníquënoꞌsa nipisoꞌ, paꞌsapi. Sanapiꞌsaꞌ, huaꞌhuaroꞌsaꞌ, mashoyaroꞌsaꞌ, inapitaso co pichipihuëꞌ.

Éxodo 13:20

Israiroꞌsasoꞌ, Socoto parti quëran pipirahuatonaꞌ, Itan ninanoaꞌhuaquë canconpi. Canconahuatonaꞌ, inaquë chinotopi. Ina ninanoaꞌhua quëran huarëꞌ, inotëro parti caniaritërin.

Jueces 8:14

Inaquë aꞌnara huiꞌnapi Socoto ninanoquë yaꞌhuërinsoꞌ, manin. Ina masahuaton naꞌcon natanin. Natanpachina, inariso Socoto huaꞌanoꞌsaꞌ, ansianoroꞌsaꞌ, inapita nininënpita ninshitahuaton quëtërin. Canchisë shonca canchisë nininënpita ninshitërin.

Jueces 8:16

Itahuaton, inotëroquë nahuanoꞌsaꞌ, ihuatatëroꞌsaꞌ, inapita maririnso manin. Inaquë Socoto ansianoꞌsa nohuantaso anaꞌintërin.

Jueces 8:5

Socotoquë canconpachinara, yaꞌhuëhuanoꞌsa itapon: —Yosë marëꞌ maꞌsha tëranta sontaronëhuëpita aꞌcacoꞌ. Matian copirnoroꞌsa Sipa, Saromona, inapita itopisoꞌ imasápatoi paꞌpi canotërai. Napoaton aꞌcaco topirahuë, itërin.

Jueces 8:8

Ina quëran Pinoiro ninanoquë paꞌpi. Inaquënta Socotoquë natantërinso chachin nataantarin. Natantopirinhuëꞌ, inahuanta Socotoroꞌsa aꞌpanitopiso pochachin aꞌpanitaantapi.